21st September 2018, Friday

E-budhabar

सशस्त्रमा विपद्सम्बन्धी तालिममा लेखापाल



सशस्त्रमा विपद्सम्बन्धी तालिममा लेखापाल

काठमाडौं । सशस्त्र प्रहरी बलमा भावी आईजीका रूपमा हेरिएका एआईजी शैलेन्द्र खनाल विवादमा पर्न थालेका छन् । उनले निहित स्वार्थमा काम गर्न थालेपछि यस्तो अवस्था आएको हो । मानवस्रोत महाशाखाको प्रमुख रहेका उनले विपद्सम्बन्धी तालिममा लेखाअधिकृतलाई सिफारिस गरेको खुलासा भएको छ ।

चीन सरकारले दिने तालिममा दुई लेखा अधिकृतलाई गृह मन्त्रालयमा सिफारिस गरेपछि मुख्यालयमा असन्तुष्टि छाएको बताइन्छ । सशस्त्रको तालिम हेर्ने मानवस्रोत विभागका एआईजी शैलेन्द्र खनालले लेखा अधिकृत महेन्द्र हमाल र ताराबहादुर केसीलाई तालिममा सिफारिस गरेको स्रोतको दाबी छ ।
उनीहरू दुवै जनालाई ‘सर्च एन्ड रेस्क्यु’सम्बन्धी कामको कुनै अनुभव छैन । सशस्त्रमा कुरिनटारमा विपत्त व्यवस्थापन तालिम केन्द्र छ । तालिम केन्द्रमा भएका इन्सपेक्टरलाई तालिममा अवसर दिनुपर्नेमा आफू निकटकालाई तालिममा सहभागी गराएको भन्दै त्यसमा कार्यरत अधिकृतहरूले असन्तुष्टि जनाएका छन् ।
विपत्का बेला काम गर्न सक्नेलाई तालिममा पठाउनुपर्नेमा आफूलाई आर्थिक लाभ हुने गरी लेखापालहरूलाई तालिममा पठाउन खोजिएको भन्दै अन्य कर्मचारीहरू रुष्ट भएका छन् । दुवै सशस्त्रमा लामो समयदेखि लेखा क्षेत्रमा काम गर्दै आएका अधिकृत हुन् । इन्सपेक्टर हमाल खनालनिकट लेखा अधिकृत मानिन्छन् । उनले बिल मिलाएर खनाललाई सहयोग गर्दै आएको स्रोतको दाबी छ । आर्थिक रूपमा हमालको छविसमेत राम्रो मानिँदैन ।
विपद् पर्दा ज्यान जोखिममा राखेर काम गर्नेलाई भन्दा आफ्ना निकटकालाई खनालले तालिममा सिफारिस गरेको भन्दै सशस्त्रमा असन्तुष्टि छ । चीनमा विभिन्न तहका २२ जना अधिकृतले यसपटक तालिममा सहभागिता जनाउँदै छन् ।
इन्सपेक्टर हमाललाई एआईजी खनालले नै मुद्दती सेवा निर्देशनालयमा सरुवा गरेका थिए । खनालले गरेको मनपरी निर्णयलाई सशस्त्र प्रहरी महानिरीक्षक सिंहबहादुर श्रेष्ठले समेत आँखा चिम्लेर सही गरेका छन् ।
यसअघि खनालले नै अमेरिकाको हवाईमा सञ्चालित एपीसीसीएसको तालिममा वरीयता मिच्दै एसएसपी कुलबहादुर नेम्वाङको नाम सिफारिस गरेका थिए । नेम्वाङ यसअघिका आईजीपी दुर्ज राईका आफन्त हुन् भने खनाल त्यतिबेला उनका पीए थिए ।
तालिममा सिफारिसका लागि सशस्त्रले प्रहरी नायब महानिरीक्षक प्रवीण श्रेष्ठको अध्यक्षतामा बोर्ड गठन भएको थियो । स्रोतका अनुसार खनालले हमाललाई र एआईजी प्रेम शाहीले सशस्त्र प्रहरी निरीक्षक केसीलाई तालिममा सिफारिस गर्न दबाब दिएका थिए ।
तालिमका लागि विशेषज्ञताका आधारमा नाम सिफारिस गर्नुपर्ने प्रावधान भए पनि त्यसलाई बेवास्ता गर्दै आफूनिकटकालाई पठाउनु राम्रो होइन । यसले ज्यान फालेर उद्धारमा खट्नेहरूको मनोबल गिराउने काम भएको छ,’ सशस्त्रका एक उच्च अधिकारीले भने ।

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा