20th April 2019, Saturday

E-budhabar

जनकल्याण उच्च माविको स्वर्ण महोत्सव तयारी



काठमाडौं । मकवानपुरको थाहा नगरपालिकास्थित जनकल्याण उच्च माध्यमिक विद्यालयले स्वर्ण महोत्सवलाई सभ्य र भव्य रूपमा मनाउने संकल्पसहित तयारी तीव्र पारेको छ । २०२५ सालमा स्थापना भएको यस विद्यालयले माघलाई जन्म महिनाका रूपमा मनाउने गरी सप्ताहव्यापी कार्यक्रमको आयोजना गर्दै छ ।
विद्यालयका प्राचार्य सानोभाइ कार्कीले माघ १५ गते स्वर्ण महोत्सवको उद्घाटन गरिने र माघ २१ गते राष्ट्रपति विद्यादेवी भण्डारीको प्रमुख आतिथ्यमा विशेष कार्यक्रम गरेर समापन गर्ने तयारी भइरहेको बताए । स्वर्ण महोत्सवको तयारी तथा विद्यालयको शैक्षिक सेवा वृद्धि र थप विस्तारबारे काठमाडौंमा शनिबार भएको कार्यक्रममा प्राचार्य कार्कीले बौद्धिक र नीतिगतसहितका सहयोगका लागि आग्रहसमेत गरे ।
मकवानपुर जिल्लाको उत्तरी क्षेत्रको पहिलो एवं मकवानपुर जिल्लाको तेस्रो माध्यमिक विद्यालयका रूपमा २०२५ सालमा स्थापित यो विद्यालयले व्यावसायिक शिक्षामा जोड दिँदै कृषिजस्ता प्राविधिक विषयलाई माध्यमिक तहमै हाल कक्षा ९ र १० मा अध्यापन गराउँदै आएको छ । जननेता स्वर्गीय रूपचन्द्र विष्टको सक्रियतामा स्थापना भएको र विष्टले अग्रगामी विधिबाट अध्यापन गराएको भएकाले पनि विद्यालयले स्थापनाकालदेखि नै व्यावहारिक शिक्षामा जोड दिँदै आएको प्राचार्य कार्कीले बताए ।
कार्यक्रममा पूर्वसांसद तथा अधिवक्ता रामनारायण बिडारीले व्यावहारिक शिक्षालाई थप व्यवस्थित बनाउन सबैले हातोमालो गर्नुपर्नेमा जोड दिए । जनकल्याणबाटै एसएसली परीक्षा उत्तीर्ण बिडारीले भने, ‘विद्यालयलाई राम्रो बनाउनुपर्छ, प्रगति हुनुपर्छ, वैज्ञानिक बनाउनुपर्छ, जनमुखी हुनुप¥यो भन्नुभन्दा थप प्रावधिक शिक्षा के हुन सक्छ त्यो तत्काल सुरु गर्नुपर्छ ।’
थाहा नगरका बौद्धिक वर्गले समेत जनकल्याण उच्च माध्यमिक विद्यालयको स्वर्ण महोत्सवलाई भव्य र सभ्य बनाउन सबै कोणबाट सहयोग गर्ने प्रतिबद्धता व्यक्त गरेका छन् । सीटीईभीटीका पूर्वसदस्य सचिव रामहरि लामिछानेले विद्यालयले कृषि विषयमा अध्यापन सुरु गरेर राम्रो गरेको उल्लेख गर्दै प्रशंसा गरे । त्यसको प्रभावकारिता कस्तो छ भन्नेतर्फ भने ध्यान दिन नसकिएको टिप्पणी गर्दै उनले भने, ‘बिद्यालयले कस्तो जनशक्ति उत्पादन गर्ने हो, पहिल्यै प्रस्ट हुनुपर्छ । त्यसका लागि के–कस्तो सहयोग गर्नुपर्छ हामी तयार छौं ।’
नेपाल उद्योग वाणिज्य महासंघका केन्द्रीय सदस्य विनोद ढकालले शिक्षालाई सूचना र प्रविधिसँग जोड्नुपर्ने आवश्यकता औंल्याए । उनले भने, ‘विद्यालयलाई सूचना र प्रविधिसँग जोड्न सकियो भने शिक्षाको प्रभावकारिता बढ्छ । त्यस्तो सहयोगका लागि हामी सधैं तयार छौं ।’ मकवानपुर, धादिङलगायत आसपासका जिल्लाका बिद्यार्थी अध्ययनरत यस बिद्यालयले सप्ताहव्यापी कार्यक्रमअन्तर्गत छलफल, अन्तक्र्रियाजस्ता कार्यक्रमलाई निरन्तरता पनि दिइरहेको छ ।
यसअघि नै विद्यालय व्यवस्थापन समितिका पूर्वअध्यक्ष तथा पदाधिकारीहरू, पूर्वविद्यार्थीहरू, अभिभावक र अध्ययनरत विद्यार्थीहरूसँग एक चरणको छलफल सकाएर सप्ताहव्यापी कार्यक्रम तय गरिएको प्राचार्य कार्कीले जानकारी दिए ।

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

डुबान क्षेत्रको साक्षी

ShareTweet भनिन्छ, बोल्नेको पीठो बिक्छ, नबोल्नेको चामल पनि बिक्दैन । तर, उपभोक्ताहरूमा वस्तुको गुण चिन्ने क्षमता छ भने बोल्नेको पीठो नबिक्न पनि सक्छ । बितेको वर्ष नेपाली- ...
पूरा पढ्नुहोस्

नयाँ पुस्तक

संघर्षको गाथा

ShareTweet तीसको दशकदेखि प्रगतिशील सांस्कृतिककर्मीहरूले एउटा गीत गाउन थालेका थिए, ‘संघर्ष हो जीवन, जीवन संघर्ष हो…।’ यो गीत जीवन–यात्रामा संघर्षका अनेक तह पार गरेका- ...
पूरा पढ्नुहोस्

छोटकरीमा