21st September 2018, Friday

E-budhabar

एआईजी खनाललाई फौजदारी अभियोग !



एआईजी खनाललाई फौजदारी अभियोग !

काठमाडौं । ‘गुन्डा नाइके’ गणेश लामामार्फत तत्कालीन गृहमन्त्री विजयकुमार गच्छदारलाई प्रभावमा पारी एक नम्बरको डीआईजीमा बढुवा हुँदै प्रतिस्पर्धीभन्दा एक वर्षअघि एआईजी भएका शैलेन्द्र खनालमाथि फौजदारी अभियोग लाग्ने भएको छ । सशस्त्र प्रहरी बलले चार वर्षअघि एपीसी खरिद गर्ने टेन्डर गरेर ठेक्का दिइसकेपछि रद्द गरेको विषयमा ठेकेदारले उच्च अदालत पाटनमा मुद्दा दायर गरेका थिए ।
सुरुमा जिल्ला अदालत काठमाडौंबाट ठेकेदार पराजित भएपछि उच्च अदालतमा मुद्दा दायर गरेका थिए । उच्च अदालतले ठेकेदारको पक्षमा फैसला गर्दै टेन्डर परेको कम्पनीबाट एपीसी खरिदको आदेश दिएको थियो । तर, उक्त आदेश पालना गर्नुको साटो अदालतविरुद्ध नै सशस्त्र प्रहरी बलमा माइन्यूट भएको थियो । अदालतविरुद्ध माइन्युट भएपछि कल्याणकारी सेवा केन्द्रका अध्यक्षसमेत रहेका प्रशासन विभाग प्रमुख सशस्त्र प्रहरी अतिरिक्त महानिरीक्षक (एआईजीपी) प्रेमकुमार शाही र शान्ति मिसन हेर्ने मानवस्रोत विकास विभाग प्रमुख एआईजीपी शैलेन्द्र खनालसहित चार जनालाई अदालतले मानहानिमा पत्र काटेको छ । अदालतको मानहानी फौजदारी अपराधमा पर्दछ । एक वर्षअघि बढुवा भए पनि आईजीपी नहुने चिन्तामा उनी वाम गठबन्धनका नेताहरूको घरघरमा धाउन थालेका छन् । एमाले अध्यक्ष केपी ओलीलाई भेट्न उनी एक महिनाअघि सपत्नी पुगेका थिए । तर, चुनावमा कांग्रेस नेताहरू चन्द्र भण्डारी र विजय गच्छदारलाई मात्र सहयोग गरेको सूचना वामनेताहरूसम्म पुगेको छ । पहिला काठमाडौंमै घर हो भन्ने खनाल अहिले गुल्मीका नेताहरूलाई गुल्मी घर भन्छन् त काठमाडौंका नेताहरू प्रकाशमान सिंहलगायतलाई काठमाडौंकै भएकाले जसरी पनि आईजीपी हुनुप¥यो काठमाडौंको कोही भएको छैन भन्ने गरेको बताइन्छ । उनको घर पनि प्रकाशमान सिंह जितेकै काठमाडौंको क्षेत्र नम्बर १ मा पर्दछ । उनले भ्रष्टाचार गरेको पैसा मिटर ब्याजमा आफ्ना साला अर्चन जोशीमार्फत विभिन्न व्यवसायमा समेत लगानी गर्दै आएका छन् । आफ्नो व्यक्तिगत स्वार्थपूर्तिका लागि गोप्य सूचनाहरू भारतीय दूतावासमा समेत बिक्री गर्नेमा उनी सशस्त्रभित्र चिनिँदै आएको बताइन्छ ।
उनले गच्छदारलाई सहदेव कक्षपतिसँगको सम्बन्धका कारण भिनाजु भन्ने गर्दछन् । कक्षपति गच्छदारका सालो नाता पर्ने भएकाले खनाल भिनाजुको नाता लगाउने गर्दछन् । चुनावअघि अमेरिकाबाट फर्किनासाथ उनी गच्छदारलाई आर्थिक सहयोग गर्न सुनसरी नै पुगेको कुरा सार्वजनिक भएको थियो । उनी हरेक नेता र प्रशासनका उच्च अधिकारीलाई एउटा न एउटा नाता लगाउन खप्पिस छन् ।
ती अधिकारीका अनुसार संगठन प्रमुखलाई गुमराहमा राखेर अदालतविरुद्ध माइन्युट गर्न लगाउने र फैसला कार्यान्वयन नगर्ने काममा एआईजीद्वय खनाल, शाहीसहितका चार अधिकृत लागेपछि उच्च अदालतले उनीहरूलाई पत्र काटेको थियो ।

(क्षमाप्रार्थी छौं ः यस समाचारको प्रिन्ट संस्करणमा भुलवस् नेपाल प्रहरीका डिआइजी सर्वेन्द्र खनालको तश्वीर पर्न गएकोमा क्षमाप्रार्थी छौं ।)

 

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा