20th October 2018, Saturday

E-budhabar

निहुँ साझाको, लफडा दुई भाइको



काठमाडौं । माक्र्सवादी समीक्षक डा. ऋषिराज बराल र हरिहर खनाल एउटै स्कुलिङबाट हुर्किएका वामपन्थी चिन्तक एवं लेखक हुन् । दुवै राम्रा कथाकार पनि हुन् । केही वर्षअघि दुवै जना नेकपा (माओवादी) मा थिए । तर, माओवादी पार्टी छिन्नभिन्न भएपछि खनाल माओवादी केन्द्रमै छन् भने डा. बरालचाहिँ मोहन वैद्यसँग निकट छन् ।
यी दुई विद्वान्बीच अहिले भने साझा प्रकाशनबाट निस्किएको किताबको विषयलाई लिएर वाक्युद्ध सुरु भएको छ । साझा प्रकाशनको सञ्चालक समितिमा रहेर विवादास्पद अध्यक्ष एवं महाप्रबन्धक डोलिन्द्रप्रसाद शर्मालाई सघाउँदै आएका खनालका केही पुस्तक सो प्रकाशन संस्थाबाट निस्किएपछि डा. बरालले क्षोभ व्यक्त गरेका थिए । अहिले खनाल त्यसको प्रतिवादमा उत्रिएका छन् । खनालले डा. बराललाई चुनौती दिँदै भनेका छन्, ‘साझाबाट ऋषिराज बरालहरूका पुस्तक मात्र निकाल्नुपर्छ र अरूको निकाल्नुहुँदैन भन्ने कुरा कसरी युक्तिसंगत हुन्छ, मलाई बताइदिनुहोला । कसको किताब सित्तैमा दिए पनि पढ्दैनन् भन्ने कुराको त बजार सर्भे गरे थाहा भइहाल्छ नि बरालजी । जहाँसम्म वर्षको दुइटा किताब निकाल्ने कुरा छ, मेरो व्यक्तिगत खर्चमा १० वटा निकाले पनि तपाईलाइ टाउको किन दुख्यो ?’
आफूले साझाबाट धमाधम किताब निकालेको र महाप्रबन्धक शर्माको मतियार बनेको आरोप डा. बरालले लगाएपछि खनाल अत्यन्तै क्षुब्ध बन्न पुगेका छन् । उनले डा. बरालप्रति लक्षित गर्दै लेखेका छन्, ‘मैले गरेको कामको चुँसम्म गरेर मूल्यांकन नगर्ने तपार्इंले अहिले मेरो पुस्तकको प्रकाशनका विषयमा प्रश्न उठाउने कष्ट कसरी गर्न सक्नुभयो । जहाँसम्म महाप्रबन्धकको मतियार भन्ने मलाई आरोप लगाउनु भयो, त्यसको प्रमाण दिनुपर्दैन तपार्इंले ? बरू भन्ने नै हो भने त तपाई पो हुनुहुन्छ उनको मतियार । नभए तपाईं साझाबाट छापिने आफ्ना पुस्तकको प्रुफ हेर्न भन्दै किन जानुहुन्छ लुरुलुरु उनको निजी प्रकाशन गृहमा ? झूट र फरेबको पनि सीमा हुन्छ नि बरालजी । बरू, तपाई आफ्नो सक्कली नामसम्म उल्लेख गर्न लाज मानेर छद्मनाम लेख्नुहुन्छ सामाजिक सञ्जालमा ?’

Leave a Reply

... र यो पनि ...

चक्रपथ

करोडपति खरदार

ShareTweet काठमाडौं । सामान्यतया एक सरकारी कर्मचारी त्यो पनि खरदार तहको । उसको तलबले काठमाडौंको यो महँगीमा केके गर्न पुग्ला ? स्वाभाविक उत्तर हुन्छ– जेनतेन परिवार पाल्न- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा