21st September 2018, Friday

E-budhabar

हार्दा पनि देउवा नै बलिया



हार्दा पनि देउवा नै बलिया

काठमाडौं । गत निर्वाचनमा लज्जास्पद पराजय बेहोरेपछि पहिलोचोटि गत हप्ता सुरु भई अहिलेसम्म जारी केन्द्रीय समिति बैठकमा सभापति शेरबहादुर देउवा गुट र रामचन्द्र पौडेलबीच चर्काचर्की परेको छ । पौडेल गुटले पराजयको सम्पूर्ण दोष देउवामाथि खन्याएको छ भने देउवा समूहकाले टिकट वितरण सबै बसेर गरेको र पैसा पनि मिलेर बाँडफाँट गरेको भन्दै आन्तरिक कुरा छताछुल्ल बनाएका छन् ।
पार्टीको पराजयसँगै पार्टीभित्र सभापति देउवा कमजोर भएको चर्चा कांग्रेसभित्रै कार्यकता पंक्तिमा व्याप्त छ । तर, यो चर्चा पौडेल समूहले नियोजित तरिकाले सतहमा ल्याएको बताइन्छ । स्रोतका अनुसार पछिल्लो समयमा देउवा कमजोर नभई झन् बलियो बनेका छन् । इतिहासमै यति कमजोर प्रतिपक्ष भएका बेला कमजोर प्रतिपक्षको बलियो नेता देउवा बनेको बताइन्छ ।
अझ पछिल्लो समय नेता खुमबहादुर खड्काको निधनपछि पार्टी समीकरणमा देउवा बलियो बनेको दाबी स्रोतको छ । जीवित छउन्जेल खड्काले चलाउँदै आएको गुटले अब देउवालाई साथ दिने बुझिएको छ । खड्कासँग देउवाका साढुभाइ मोहनबहादुर बस्नेत, पुष्पा भुसाल, देवेन्द्रराज कँडेल, शंकर भण्डारी, अजय चौरासिया, पार्वती डीसी चौधरीलगायत थिए । कुनै समय खड्कासँगै रहेका पूर्णबहादुर खड्का भने अहिले उक्त गुट जीवितै राखेर त्यसको नेतृत्व आफूले गर्ने दाउमा छन् । तर, अरूले उनलाई साथ नदिने भएका छन् । कुनै गुट नै समात्नुपरेपछि ठूलै गुट समातेर भाग खोज्ने मनस्थितिमा अरू रहेको बताइन्छ । पौडल समूहले हिजो खड्कासँग रहेका मान्छेलाई अब कन्भिन्स गर्न सकिने र तिनीहरूले आफूहरूलाई साथ दिने भ्रम पालेको बताइन्छ । बरु, हिजो पौडेल समूहमै रहेकाले पनि अहिले खुलेर देउवालाई सघाएका छन् । डा. मीनेन्द्र रिजाल, डा. नारायण खड्का अहिले देउवा गुटमा फर्किसकेका छन् । चुनावमा पराजयपछि सात युवाको समूह बनाएर नेतृत्वको खुलेआम आलोचना गर्दै आएका बद्री पाण्डे राष्ट्रिय सभा सदस्य बनाइएपछि अहिले देउवाप्रति नरम बनेका छन् भने प्रवक्ता बनाइएपछि विश्वप्रकाश शर्माको स्वर पनि मसिनो बनेको बताइन्छ ।

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा