21st September 2018, Friday

E-budhabar

घुस रकमको भागबन्डा नमिल्दा नापीमा कुटपिट



काठमाडौं । सेवाग्राहीबाट घुसबापत लिएको रकममा बाँडफाँट नमिल्दा डिल्लीबजारस्थित नापी कार्यालयका कर्मचारीबीच कुटाकुट भएको छ । कुट्ने र कुटिने कर्मचारीबीच मिलापत्र गर्ने प्रयत्न भए पनि अहिलेसम्म मिलापत्र हुन सकेको छैन ।
केही दिनअघि, नापी कार्यालयमा करारमा कार्यरत सन्तोष साहले आफ्नै समकक्षी विनोद देवलाई नराम्ररी भकुरेका थिए । दुवै कर्मचारी नक्सा प्रिन्ट शाखामा कार्यरत हुन् । तर, विनोदले सेवाग्राहीबाट लिएको रकम उचित रूपले बाँडफाँट नगरेको भन्दै सो दिन साहले उनलाई कार्यालयभित्रै कुटेका थिए । साहले ‘तँ आफू मात्रै खाने ?’ भन्दै देवको कठालो समातेर नराम्ररी चुटेका थिए ।
आफंैले करारमा नियुक्त गरेका दुई कर्मचारीबीच रकम बाँडफाँटको विषयलाई लिएर हात हालाहाल भएपछि उक्त घटनालाई गुपचुप राख्न प्रमुख नापी अधिकृत मगनु दत्तले दुवैलाई आफ्नो कार्यकक्षमा बोलाएका थिए । पिटिने देवलाई कामलाई निरन्तर लाग्न निर्देशन दिएपछि कार्यालय प्रमुख दत्तले पिट्ने साहलाई भने माफी नमागेसम्म कार्यालय नआउन उर्दी जारी गरे । घटना भएको केही दिनसम्म साह र देवबीच मिलापत्र गराउने प्रयत्न कार्यालय प्रमुख दत्तले गरे । तर, अहिलेसम्म पनि दुवैजना बीच मिलापत्र हुन सकेको छैन ।
केही दिनअघि धनगढीस्थित मालपोत कार्यालयमा सेवाग्राहीबाट घुसबापत लिएको रकम बाँडफाँट नमिल्दा तीन÷चार जना कर्मचारीबीच कार्यालयभित्रै कुटाकुट हुन पुगेको थियो । कुटाइमा संलग्न सबै कर्मचारीलाई तत्काल निलम्बन गरिएको थियो । तर, डिल्लीबजारका कार्यालय प्रमुखले भने कुटाइमा संलग्न करारका कर्मचारीहरूलाई मिलापत्र गराएर घटनालाई गुपचुप राख्ने प्रयत्न गरेका छन् ।
डिल्लीबजारको कार्यालय प्रमुख भएर आएपछि दत्तले आवश्यकताभन्दा बढी कर्मचारीलाई करारमा नियुक्त गरेका थिए । उनले तत्कालीन मन्त्री, सचिव र नापी विभागका महानिर्देशकलाई रिझाउन उनीहरूका मानिसलाई करारमा नियुक्त गरेका हुन् । यसरी अहिले करारमा ११ जना कर्मचारी राखिएका छन् र उनीहरू सबै नक्सा प्रिन्ट शाखामा कार्यरत छन् ।
यसअघि घाममा सुकाएर नक्सा प्रिन्ट गर्दा सोही कार्यालयको उक्त शाखामा चार जना मात्र कर्मचारी थिए । तर, अहिले भने नक्सा घाममा सुकाएर प्रिन्ट गर्नुपर्दैन, सिधै डिजिटल प्रविधिबाट नक्सा प्रिन्ट हुन्छ । पहिला चार जनाले भ्याउने काममा अहिले ११ जनालाई राख्नु आवश्यक नभएको कुरा उठ्दै आएको छ । त्यस्तै, केही वर्षपहिला डिल्लीबजारको नापी कार्यालयले काठमाडौंभरिका सेवाग्राहीको काम भ्याउनुपथ्र्यो । अहिले भने कलंकी, चावहिल, साँखु, टोखा र मनमैजुमा कार्यालयहरू स्थापना भइसकेका छन् । तर, डिल्लीबजारमा कामको चाप पहिलाभन्दा कम भए पनि आवश्यकताभन्दा बढी कर्मचारी करारमा भर्ना गरेर कार्यालय प्रमुख दत्तले राज्यलाई भार बोकाइरहेको बताइन थालिएको छ ।

 

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा