21st September 2018, Friday

E-budhabar

विद्युत्का १५ सय कर्मचारी हिस्स



काठमाडौं । नेपाल विद्युत् प्राधिकरणमा सरुवा प्रकरण चर्किन पुगेको छ । प्राधिकरणका करिब १ हजार ५ सय कर्मचारीले सरुवाका लागि निवेदन दिए पनि व्यवस्थापन पक्षले त्यसलाई लत्याएका कारण सो प्रकरण सतहमा आएको हो ।
प्राधिकरणको विनियममा हरेक ६÷६ महिनामा कर्मचारीहरूको सरुवा गर्नुपर्ने प्रावधान उल्लेख छ । त्यसका निम्ति हरेक वर्षको असोज र चैत महिना छुट्ट्याइएको छ । प्राधिकरणको व्यवस्थापनले पनि लामो समयदेखि एउटै कार्यालयमा थन्किएर बसेका कर्मचारीहरूलाई मर्का नपरोस् भनेर न्यायोचित रूपले सरुवा गर्दै आएको थियो । तर, यसपटक भने चैत महिनामा कर्मचारीहरूको सरुवा हुनुपर्ने भए पनि प्राधिकरणको व्यवस्थापन पक्षले सरुवा नगर्दा सयौं कर्मचारी मर्कामा परेका छन् ।
अहिले प्राधिकरणका कतिपय कार्यालयमा १० वर्षसम्म सरुवा नभई बसेका कर्मचारीहरू छन् । लामो समयदेखि सरुवा नभई बसेका करिब १ हजार ५ सय कर्मचारीले सरुवा हुने आस गरी प्राधिकरणको व्यवस्थापन पक्षसमक्ष निवेदन दिएका थिए । तर, प्राधिरणका कार्यकारी–निर्देशक कुलमान घिसिङले कर्मचारी सरुवामा चासो नदिएपछि सरुवाका लागि अपेक्षा राखेका कर्मचारीहरू रुष्ट बन्न पुगेका छन् ।
अप्ठेरामा परेका कर्मचारीहरूको समेत चैत महिनाभित्र सरुवा नभएपछि कर्मचारीहरूले केही दिनअघि कार्यकारी निर्देशक घिसिङलाई भेटेर आफ्ना गुनासो राखेका थिए । कर्मचारीहरूले कार्यकारी निर्देशक घिसिङलाई विनियमअनुसार कर्मचारीहरूको सरुवा किन नगरिएको भनी प्रश्न गरेका थिए । जवाफमा घिसिङले ‘मलाई धेरै नै प्रेसर भयो, राम्रोसँगले हेर्दै नहेरी सरुवा गर्ने कुरा पनि भएन, अब उपयुक्त समयमा सरुवा गर्छु’ भनी बताएका थिए ।
यसपटकको चैतमा कर्मचारीहरूको सरुवा गर्न कार्यकारी निर्देशक घिसिङले खासै चासो नदेखाए पनि गएको वर्ष भने एकै दिन २ हजार ५ सय कर्मचारीको सरुवा गरेर कर्मचारीबीच उनले आतंक नै सिर्जना गरेका थिए । ट्रेड युनियनको चुनावको पूर्वसन्ध्यामा कार्यकारी निर्देशक घिसिङले तत्कालीन ऊर्जामन्त्री जनार्दन शर्माको निर्देशनमा एकै दिन ठूलो संख्यामा कर्मचारीहरूको सरुवा गरेका थिए । उक्त सरुवा टे«ड युनियनको चुनावलाई प्रभावित पार्ने हिसाबले गरिएको थियो । त्यही समय सरुवा भएका करिब ६० जना कर्मचारीलाई मर्का परेको र त्यसलाई सच्याउनुपर्ने कुरा उठे पनि अहिलेसम्म त्यो सच्याइएको छैन ।
गएको वर्ष एकै दिन ठूलो संख्यामा कर्मचारीहरूको सरुवा गर्दा त्यसले संस्थालाई कुनै फाइदा नपुगेको निष्कर्ष निकालिएको थियो । उक्त सरुवाले कर्मचारीहरूबीच आतंक सिर्जना गर्ने काम मात्र भएको बताइन्छ । साथै, कर्मचारीहरूलाई पनि उक्त सरुवाले ठूलो मर्का परेको बताइँदै आएको छ ।

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा