21st September 2018, Friday

E-budhabar

त्याग्न सकेनन् प्रचण्डले परिवारवाद



त्याग्न सकेनन् प्रचण्डले परिवारवाद

काठमाडौं । स्थानीय तह निर्वाचनमा भरतपुर महानगरपालिकामा छोरी रेणु दाहाललाई प्रमुखको टिकट दिँदा होस् वा प्रतिनिधिसभा निर्वाचनमा कञ्चनपुरबाट बुहारी बिना मगरलाई टिकट दिँदा होस्, परिवारवादप्रति लम्पसार परेको भन्दै माओवादीकै एक वृत्तबाट आलोचित अध्यक्ष पुष्पकमल दाहाल प्रचण्डले जति आलोचना भए पनि परिवारवाद भने त्याग्न सकेका छैनन् । जतिसुकै नांगो आलोचना सुन्नुपरे पनि बुहारी बिनालाई मन्त्री बनाएका दाहालले जेठा ज्वाइँ सागर केसीलाई सभामुख कृष्णबहादुर महराको स्वकीय सचिव नियुक्त गराएका छन् ।
करिब डेढ महिनाअघि नै विशिष्ट श्रेणीको सेवा सुविधा पाउनेगरि ज्वाई केसीलाई महराको स्वकीय सचिवमा नियुक्त गरिएको हो । जेठी छोरी ज्ञानुलाई सशस्त्र युद्ध सुरु नहुँदै १७ वर्षकै उमेरमा सागरसँग विवाह गराइदिएका थिए । युद्धका बेला प्रचण्डले छोरीज्वाइँलाई लखनउमा कोठा भाडामा लिएर सुरक्षित राखेका थिए । राजनीतिमा त्यति सक्रिय नभए पनि त्यसबेला ज्वाइँ सागरले फाटफुट रूपमा ससुरा प्रचण्डलाई सहयोग गर्ने गर्थे । अढाइ वर्षअघि छोरी ज्ञानुकोे स्तन क्यान्सरका कारण निधन भएको थियो ।
गत प्रदेशसभा निर्वाचनमा कान्छा ज्वाइँ जीवन आचार्यलाई पनि प्रचण्डले मोरङ–६ को १ मा टिकट दिएका थिए । तर, कांग्रेस परिवारमा हुर्किएका ज्वाइँ आचार्य आफ्नै अहंका कारण पराजित भएको बताइन्छ । त्यस बेला जेठा ज्वाइँ सागरको नाम पनि उनले समानुपातिक सूचीमा राखेका थिए । तर, कान्छो ज्वाइँ र बुहारीलाई टिकट दिइसकेको र अर्का ज्वाइँलाई पनि समानुपातिकमा राख्दै बदनामै हुने डरले पछि नाम हटाइएको थियो ।

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा