21st September 2018, Friday

E-budhabar

ध्वाँस दिने सहसचिव कर्मचारीको घानमा



काठमाडौं । संघीय मामिला तथा सामान्य प्रशासनमन्त्री लालबाबु पण्डितकै शैलीमा दुई जना सहसचिवले कर्मचारीहरूलाई निर्देशन दिएपछि उल्टै कर्मचारीहरूको घानमा परेका छन् । निजामती कर्मचारीहरूलाई प्रशिक्षण दिन गएका दुई सहसचिवहरूलाई कर्मचारीहरूले उल्लीबिल्ली खेलाएर पठाएका छन् ।
शनिबारको दिन प्रदेश ३ को कर्मचारीहरूको उपत्यका भेला आयोजना गरिएको थियो । सो भेलामा कर्मचारीहरूले मन्त्री पण्डितलाई नबोलाई श्रम, रोजगार तथा सामाजिक विकास मन्त्री गोकर्ण विष्टलाई बोलाएका थिए । र, सोही भेलामा कर्मचारीहरूलाई प्रशिक्षण दिन एमालेनिकट मानिने प्रधानमन्त्री कार्यालयका सहसचिव विनोद कुँवर र संघीय मामिला तथा सामान्य प्रशासन मन्त्रालयका सहसचिव सुरेश अधिकारीलाई निम्त्याइएको थियो ।
प्रशिक्षण दिने क्रममा सहसचिव कुँवरले लालबाबुकै शैलीमा भने, ‘अब कर्मचारीहरूको एकल संगठन बनाउनुपर्छ । एउटा मात्रै टे«ड युनियन बनाउनुपर्छ । हरेक दलको टे«ड युनियन हुनुहुँदैन ।’ तर, कर्मचारीहरूलाई उनको कुरा चित्त बुझेन । एकजना कर्मचारीले प्रश्न गरिहाले, ‘अहिले हामीकहाँ विभिन्न राजनीतिक दल छन् र विभिन्न दलकै आधारमा चुनाव लड्छन् । चुनाव लडेर संसद् बनेपछि दलहरू किन चाहियो र भनेजस्तो कुरा भयो यो । विभिन्न राजनीतिक दल हुन्छन् भने कर्मचारीहरूको चाहिँ किन विभिन्न संगठन नहुने ?’
कर्मचारीहरूले सहसचिव कुँवरको कुराको प्रतिवाद गर्दै बहुसंगठनको आवश्यकता रहेको बताए । कर्मचारीहरूले बहुसंगठनको कुरा उठाएपछि कुँवरले एकल संगठन हुनुपर्नेमा नै जोड दिए । कर्मचारीहरूको कुरा सुनेपछि कुँवरले झोक्किँदै भने, ‘आफूलाई शक्तिशाली बताउने राजालाई त पार्टीहरूले फ्याँके भने कर्मचारी संगठनलाई फ्याँक्न, खारेज गर्न कुनै समस्या छैन ।’ कुँवरले राजाको उदाहरण दिएर ध्वाँस दिएपछि कर्मचारीहरू झनै रुष्ट बन्न पुगेका थिए ।
कर्मचारीहरूले उच्च तहका प्रशासकहरूले ४० हजार जनप्रतिनिधिलाई तलब र सेवा सुविधा दिनुपर्ने मस्यौदा ल्याएकोमा पनि आपत्ति जनाएका थिए । उनीहरूले संघीयतालाई असफल तुल्याउने नियतले जनप्रतिनिधिलाई तलब दिने व्यवस्था गरिएको बताए । कर्मचारीले प्रश्न उठाउँदै भने, ‘कर्मचारीहरूलाई स्वैच्छिक अवकाश दिन सरकारले आफूसँग पैसा नभएको कुरा बतायो । तर, ४० हजार जनप्रतिनिधिलाई तलब खुवाउनचाहिँ कहाँबाट पैसा आयो । यदि जनप्रतिनिधिहरूलाई तलबको व्यवस्था हुन्छ भने उनीहरूले पनि कर्मचारीले जस्तै १० देखि ५ बजेसम्म काम गर्नुपर्छ ।’
कर्मचारीहरूको पेलाइमा परेपछि सामान्य प्रशासनका सहसचिव अधिकारीले मन्त्रालयमा गएर आफूनिकटस्थहरूसँग गुनासो गरेको बताइन्छ । उनले कर्मचारीहरूले आफूलाई भेलामा प्रशिक्षण दिन बोलाएर ‘नराम्रो व्यवहार’ गरेकोमा खिन्नता प्रकट गरेको बताइन्छ । मन्त्री विष्टले चाहिँ स्वैच्छिक अवकाशको विषयलाई आफूले गम्भीरतापूर्वक उठाउने वचन कर्मचारीहरूलाई दिएका थिए । कर्मचारी र मन्त्री पण्डितबीच पछिल्लो समय दूरी बढ्दै गएको हुँदा मन्त्रीलाई बोलाउन कर्मचारीहरूले उपयुक्त नठानेको बताइन्छ ।

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा