21st February 2019, Thursday

E-budhabar

बुद्धमा भारी छुट



काठमाडौं । नेपालको अग्रणी विमानसेवा प्रदायक कम्पनी बुद्ध एयरले भारतको ऐतिहासिक तथा धार्मिक नगरी वाराणसीमा आउँदो असार १५ गतदेखि साताको दुई उडान गर्ने कम्पनीका प्रबन्ध निर्देशक वीरेन्द्रबहादुर बस्नेतले बताए ।
हिमालय होटलमा आयोजित प्रेस कन्फ्रेन्समा निर्देशक बस्नेतले दुई पौराणिक नगरी काठमाण्डौ र वाराणसीलाई नेपालको बुद्ध एयरले मात्रै हवाई उडानबाट जोडेको बताए । बुद्धले वाराणसीमा यसअघि मासिक दुई उडान भर्ने गरेको थियो । बुद्ध एयरले उडानसँगै नेपाली तथा भारतीय यात्रु र तीर्थालुहरूलाई भारी छुटमा पर्यटकीय तथा धार्मिक यात्रा प्याकेज पनि उपलब्ध गराउनेछ ।
पत्रकार सम्मेलनमा निर्देशक बस्नेतले नेपालगन्ज तथा भारतको नयाँदिल्ली उडानबारे पनि संक्षिप्त चर्चा गरेका थिए । यसका लागि कम्पनीले यही साताभित्रै मन्त्रालय तथा विभागहरूमा निवेदन बुझाउनेछ । बुद्ध एयरका रिसर्च तथा डेभलपमेन्ट विभागकी आस्था बस्नेतले कम्पनीको वेबपोर्टल तथा प्याकेजहरूबारे चर्चा गरेकी थिइन् । नयाँ बन्न लागेको वेबपोर्टल युजर फ्रेन्डली हुने र यसबाट केही क्लिकमै नेपालका पर्यटकीय तथा तीर्थस्थलहरूबारे सजिलै जानकारी पाउने बताइन् । वेबपोर्टलमा नेपालका रमणीय स्थलहरूसम्बन्धी मल्टीमिडिया तथा फोटो फिचरहरू हुनेछन् । आरएन्डडीकी एक्जुकेटिभ अफिसर बस्नेतले बुद्ध एयरको होलिडे प्याकेजहरूबाट बुद्ध एयरलाई मात्र नभई सबै सरोकारवालाहरूलाई उत्तिकै फाइदा हुने प्रस्ट पारिन् । प्याकेजबाट होटल, ट्रान्सपोर्टेसन, टुर गाइडलगायत अन्य सबैलाई फाइदा हुनेछ । बुद्ध एयरले केही साताअगाडि मात्रै ‘पशुपतिनाथ दर्शन’ र ‘विविध वाराणसी’ यात्राबारे भिडियोहरू सामाजिक सञ्जालबाट सार्वजनिक गरेको थियो ।
भारतीय तथा विदेशी पर्यटकका लागि टेम्पल रन, टेल अफ टु भ्यालिज, टेम्पलस एन्ड टाइगर्स तथा मनकामना, जानकी, मुक्तिनाथ दर्शन तथा अन्य प्याकेजहरू पनि छन् । यसैगरी, नेपाली यात्रुहरूको लागि वाराणसी, सारनाथ, गया, बोधगया, इहालाबाद, प्रयाग, अयोध्यालक्षित प्याकेजहरू पनि रहेको उनले बताइन् ।

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा