18th October 2018, Thursday

E-budhabar

निजामती कर्मचारीमा अर्को तरंग



काठमाडौं । वर्षौंदेखि सुविधासम्पन्न ठाउँमा रहेर जागिरका साथै राजनीतिसमेत गर्दै आइरहेका निजामती सेवामा आबद्ध कर्मचारी–नेताहरूलाई अब भने मुस्किल पर्ने देखिएको छ । कर्मचारी–नेता बनेर सुविधा उपयोग गर्दै आएका कर्मचारीहरूलाई अब दरबन्दी रहेकै ठाउँमा खटाइने भएको छ । कर्मचारी–नेताहरूलाई दरबन्दी भएकै ठाउँमा खटाइने कुरामा संघीय मामिला तथा सामान्य प्रशासन मन्त्री लालबाबु पण्डित अडिग रहेका हुँदा कर्मचारी वृत्तमा त्यसले तरंग ल्याएको छ ।
राजनीतिक दलनिकट रहेका कर्मचारी संगठनहरूको खारेजी गर्ने कुरा उठे पनि अहिलेसम्म खारेज भने भइसकेको छैन । तर, वर्षौंदेखि नेकपा, नेपाली कांग्रेस, मधेसी दलसँग निकट रहेका कर्मचारी संगठनका नेताहरूले आफ्नो दरबन्दी दुर्गम भेगमा भए पनि काज मिलाएर काठमाडौंमा नै बस्दै आएका थिए । तत्कालीन समयमा सामान्य प्रशासन मन्त्री र सचिवहरूसँग कुरा मिलाएर कर्मचारीहरूले ‘आफ्नो कार्यक्षेत्र फरक नपार्ने गरी संगठनका नेताहरूको सरुवा गर्ने’ भन्ने मौखिक सहमति गरिएको थियो । त्यसरी नेपाल निजामती कर्मचारी संगठन, नेपाल निजामती कर्मचारी युनियन संघ र नेपाल निजामती कर्मचारी मधेसी मञ्चका नेताहरूले यस्तो सुविधा पाउँदै आएका थिए ।
अहिले तीनवटै कर्मचारी संगठनका करिब ४ सयजति कर्मचारीले संगठनको नेता भएबापत सुविधा पाउँदै आएका छन् । केन्द्रमा रहेका १ सय ९९, ७७ जिल्लाका अध्यक्ष र ४८ वटा विभागका अध्यक्षहरूले त्यस्तो सुविधा पाउँदै आएका छन् । केही दिनअघि ८० जना सुब्बाको शाखा अधिकृतमा बढुवा हुँदा पनि कर्मचारी नेताहरूले भने दरबन्दीमा जानुनपर्ने अवस्था सिर्जना भएको थियो ।
शाखा अधिकृतमा बढुवा भएका आधिकारिक ट्रेड युनियनका उपाध्यक्ष भोला पोखरेल र कांग्रेसनिकट कर्मचारी संघको अध्यक्ष गोपाल पोखरेलले त्यस्तो सुविधा पाएका हुन् । फाइल बढुवा हुँदा दुर्गममा बसेर काम गरेको हुनुपर्ने भए पनि उपाध्यक्ष पोखरेल र कांग्रेसनिकट कर्मचारी संघको अध्यक्ष पोखरेलको भने दुर्गम क्षेत्रमा सेवा गरेको अनुभव नै नभई बढुवा हुन पुगेको थियो ।
लोकसेवा आयोगले ८० जना कर्मचारीको बढुवा गरेपछि सबैलाई कर्णाली अञ्चलमा पठाइए पनि निजामती कर्मचारीको नेता भएका कारण पोखरेलद्वय उपत्यकामा नै रहेका थिए । निजामती कर्मचारी संगठनको नेता भएकै कारण ८३ हजार कर्मचारीमध्ये सीमित मात्र आफूलाई पायक पर्ने ठाउँमा बस्दै आएका छन् ।

Leave a Reply

... र यो पनि ...

चक्रपथ

करोडपति खरदार

ShareTweet काठमाडौं । सामान्यतया एक सरकारी कर्मचारी त्यो पनि खरदार तहको । उसको तलबले काठमाडौंको यो महँगीमा केके गर्न पुग्ला ? स्वाभाविक उत्तर हुन्छ– जेनतेन परिवार पाल्न- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा