27th May 2019, Monday

E-budhabar

बुद्धको सम्झनामा शान्ति कविता



काठमाडौं । २०७५ जेठ २५ गते भृकुटीमण्डपस्थित नेपाल पर्यटन बोर्डको हलमा शान्तिदूत भगवान् गौतम बुद्धको २५६२औं बुद्ध जयन्तीको उपलक्ष्यमा आयोजित ‘एनएलजी विशेष शान्ति कविता गोष्ठी’को आयोजना गरियो ।
एनएलजी इन्स्योरेन्स कम्पनी लिमिटेडको सहकार्यमा तथा नेपाली कला साहित्य डटकम प्रतिष्ठानद्वारा आयोजित ‘विशेष शान्ति कविता गोष्ठी’मा शान्तिदूत बुद्धलाई सम्झिँदै १३ कविले शान्ति कविता सुनाए । कविहरूले कवितामार्फत शान्ति स्थापना र सामाजिक समानताको पक्षमा कविता सुनाएका थिए ।
कविहरू अशेष मल्ल, सुलोचना मानन्धर, किशोर पहाडी, राजेन्द्र शलभ, शशी लुमुम्बू, साम्ब ढकाल, देवकी अभिलाषी, निमेष निखिल, सुनीता खनाल, जीवन खत्री, अमृता स्मृति, केशव सिग्देल र कविता राई गाउँले आ–आफ्ना कविता वाचन गरेका थिए ।
कार्यक्रमका प्रमुख अतिथि वरिष्ठ कवि तथा संस्कृतिविद् तुलसी दिवसले सबैभन्दा कलात्मक भाषिक अभिव्यक्ति नै कविता भएको बताए । प्रतिष्ठानका अध्यक्ष कवि तथा निबन्धकार मोमिला जोशीले समाजमा आपसी सद्भाव र प्रेमको अभाव खट्किन थालेको भन्दै प्रेम, सद्भाव र शान्तिका लागि आफ्नो संस्थाले यस प्रकारको कार्यक्रम आयोजना गर्ने गरेको बताइन् ।
कार्यक्रममा प्रतिष्ठानका उपाध्यक्ष एवं कवि राजेश्वर कार्कीले कार्यक्रमको उद्देश्यबारे प्रकाश पारेका थिए । प्रतिष्ठानका संरक्षक विमल कोइराला, प्रथम मानार्थ सदस्य एसपी कोइराला र एनएलजीका मानव संशाधन प्रमुख नौमिनाथ अधिकारीले ‘शान्ति कविता गोष्ठी’को महŒवबारे बोलेका थिए ।
कार्यक्रममा ‘कलाश्री’ साहित्य वार्षिक पत्रिकाको मञ्चमा आसिन र दर्शकदीर्घामा रहेका उपस्थित सबैले खामबाट पत्रिका निकालेर विमोचन गरेका थिए भने ई–पत्रिकाको नयाँ अंकको पनि लोकार्पण गरिएको थियो । विमोचित पत्रिका ‘कलाश्री’ साहित्य वार्षिकमा प्रकाशित रचनामध्ये उत्कृष्ट ठहरिएको बलराम अधिकारीको निबन्ध ‘सुपेरियोरिटी कम्प्लेक्सको टुप्पोबाट’का लागि ११ हजार रुपैयाँ राशिको ‘एनएलजी कलाश्री सिर्जना पुरस्कार’ पनि प्रदान गरिएको थियो ।
कार्यक्रमको सहजीकरण कवि तथा सञ्चारकर्मी मणि लोहनीले गरेका थिए ।

 

Leave a Reply

Your email address will not be published. Required fields are marked *

... र यो पनि ...

चक्रपथ

नौ महिनामा १ खर्ब ८२ अर्बको इन्धन खरिद

ShareTweet काठमाडौं । चालू आर्थिक वर्षको नौ महिनामा करिब १० खर्ब रुपैयाँबराबर व्यापार घाटा देखिएको छ । आर्थिक वर्ष २०७५÷७६ को चैत मसान्तसम्म ९ खर्ब ९१ अर्ब ७८ लाख ८८- ...
पूरा पढ्नुहोस्

स्रष्टा र सिर्जना

अब पनि झुन्ड–संस्कृति ?

ShareTweet पूर्ववर्ती समयमा होस् वा वर्तमान समयमा नै किन नहोस्, हरेक क्षेत्र झुन्डवादले आक्रान्त छ । हरेक क्षेत्रमा झुन्ड–संस्कृति मौलाउँदो छ । अरू क्षेत्र वा तप्कामा- ...
पूरा पढ्नुहोस्

नयाँ पुस्तक

संघर्षशील महिला–गाथा

ShareTweet निःसन्देह जिम्मेवारी र दायित्वबोधको भारी पुरुषले भन्दा महिलाले नै धेरै बोक्नुपर्छ । त्यो सामाजिक भारी पनि हुनसक्छ र पारिवारिक भारी पनि । सामन्ती समाजका- ...
पूरा पढ्नुहोस्

छोटकरीमा