18th June 2019, Tuesday

अलोकप्रिय हुँदा पनि कांग्रेसमा देउवा नै बलिया



अलोकप्रिय हुँदा पनि कांग्रेसमा देउवा नै बलिया

काठमाडौं । पार्टीका पाँचवटा भ्रातृ संगठनमा पराजित हुनासाथ कांग्रेसभित्र सभापति शेरबहादुर कोइराला कमजोर भए भनेर निकै हल्ला पिटाइएको छ । पार्टीभित्र जसको कुनै निर्णयमा सहभागि हुनेसम्मको हैसियत छैन, उनीहरूले गुटको भेला गरेर देउवा कमजोर भएको प्रचार गरे पनि खासमा उनी झन्झन् बलियो बन्दै गएको बताइन्छ ।
१३ सयभन्दा बढी सदस्यले सहभागिता जनाउने टे«ड युनियनको अधिवेशनको संघारमा पौडेल गुटले भेला आयोजना गरेर देउवा कमजोर भएको प्रचार गराएको बताइन्छ । यसलाई देउवा पक्षले पनि अधिवेशन केन्द्रित स्टन्टका रूपमा लिएको छ । अचम्म त के भने देउवा कमजोर भएको भनिएको भेलामै अधिवेशनमा रामचन्द्र पौडेल गुटबाट महामन्त्री निर्वाचित शशांक कोइराला उपस्थित भएका थिएनन् । अहिले पौडेल समूहले कोइराला देउवासँग बिकेको आरोप लगाउने गरेको छ । संसदीय दलको नेता चयन गर्ने बेलामा पौडेललगायतका सो गुटका नेताले कोइरालाई प्रकाशमान सिंहको प्रस्तावक बस्न आग्रह गरेका थिए । त्यतिबेलै उनले अस्वीकार गरेर आफू पौडेल गुटमा नरहेको जनाउ दिइसकेका थिए ।
कांग्रेस केन्द्रीय कमिटीमा निर्णयमा सहभागिताको हैसियतले भन्ने हो भने शीर्ष नेताहरू रामचन्द्र पौडेल, कृष्ण सिटौला, अर्जुननरसिंह केसीहरूको कुनै महŒव हँुदैन । उनीहरू महाधिवेशनमा पराजित भएपछि देउवाले मनोनीत गरेका हुन् । मनोनीत केन्द्रीय सदस्यको निर्णय प्रक्रियामा सहभागिता हुँदैन । जबकि, पौडेल समूहबाट निर्वाचित केन्द्रीय सदस्यहरू नारायण खड्का, मीनेन्द्र रिजाल र बद्री पाण्डे पनि अहिले पौडेल समूह त्यागिसकेका छन् । उनीहरू अहिले संस्थापन समूहमा छन् । संस्थापन समूहबाट एक जना चन्द्र भण्डारी मात्र पौडेल समूहमा गएका छन् । कांग्रेसका एक केन्द्रीय सदस्य भन्छन्, पछिल्लोपटक प्रधानमन्त्री हुँदा देउवा झनै अलोकप्रिय भए, तर अलोकप्रिय भए पनि पार्टीभित्र बलिया फेरि पनि उनै छन् ।
मधेसी जनअधिकार फोरम लोकतान्त्रिकलाई कांग्रेसमा मिसाएर आएका विजयकुमार गच्छदारले पनि देउवालाई नै साथ दिएपछि उनी झन् बलियो भएको बताइन्छ । खुमबहादर खड्काको निधनपछि बाध्य भएर देउवाले विमलेन्द्र निधिलाई उपसभापति बनाए पनि अब महासमिति बैठकबाट विधान संशोधन गरेर गच्छदारलाई आफूपछिको दोस्रो मर्यादाक्रममा राख्ने योजनामा रहेको बताइन्छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा