18th June 2019, Tuesday

१७ सय सरकारी कर्मचारीद्वारा नियमको अटेर



काठमाडौं । मुलुकको प्रशासनिक केन्द्रका रूपमा रहेको सिंहदरबारभित्रैका कर्मचारीहरूले सरकारी नियमको अटेर गर्ने गरेको तथ्य पत्ता लागेको छ । सरकारी नियामक निकायले गरेको अनुगमनबाटै यो तथ्य पत्ता लागेको हो । अनुगमनमा सिंहदरबारभित्रै रहेका अधिकांश मन्त्रालय र अन्य सरकारी कार्यालयका कर्मचारीहरूले नियमअनुसार सरकारी नियम उल्लंघन गरेका हुन् ।
राष्ट्रिय सतर्कता केन्द्रले समयमा कार्यालय नआउने र पोसाक नलगाउने करिब १ हजार ६ सय ६८ कर्मचारीलाई कारबाहीका लागि सिफारिस गरेकोे छ । केन्द्रले आर्थिक वर्ष २०७४÷७५ मा ८ सय १९ कार्यालयको अनुगमन गर्दा समय पालना नगर्ने र पोसाक नलगाउने एक हजार ६ सय ६८ कर्मचारीलाई कारबाहीका लागि सिफारिस गरिएको हो । कारबाहीको सिफारिसमा परेकामध्ये समय पालना नगर्ने १ हजार १ सय १९ जना र पोसाक नलगाउने ५ सय ४९ जना रहेका छन् ।
कारबाही सिफारिसमा परेकामध्ये सिंहदरबारभित्र रहेका मन्त्रालयका कर्मचारी सबैभन्दा बढी छन् । केन्द्र स्रोतका अनुसार सिंहदरबारका ४३ वटा कार्यालयमा गरिएको अनुगमनमा १ सय ८८ जना समय पालना नगर्ने र २ सय ८० जना पोसाक नलाउने कर्मचारी परेका छन् । समय पालना नगर्ने र पोसाक नलगाउने कर्मचारीलाई सम्बन्धित कार्यालय प्रमुखलाई कारबाही गर्न निर्देशन दिइएको बताइएको छ । स्पष्टीकरण सोध्ने, सचेत गराउने र नसिहत दिनेसम्मका कारबाही गर्न सिफारिस गरिएको बताइएको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा