21st September 2018, Friday

E-budhabar

एकताको कामलाई गति दिइँदै



काठमाडौं । नेपाल कम्युस्टि पार्टी (नेकपा) का अध्यक्ष केपी शर्मा ओली र पुष्पकमल दाहाल ‘प्रचण्ड’ले पार्टी एकताको कामलाई गति दिने भएका छन् । दुई साता सिंगापुरमा पत्नी सीताको स्वास्थ्य उपचार गराएर प्रचण्ड फर्किएलगत्तै एकताको कामलाई गति दिने गृहकार्य अघि बढेको हो । यसका लागि दुवै अध्यक्षले नियमित छलफलको शृंखला अघि बढाउने तयारी गरेका छन् । अध्यक्षद्वयकोे छलफलपछि स्थायी समिति बैठक बोलाउने नेकपाको तयारी छ । स्थायी समितिले सबै सदस्यको सुझाव लिएर पार्टीको नियमावली पारित गर्नेछ ।
तल्ला कमिटी प्रदेश र जिल्ला तथा जनसंगठनहरूको एकीकरणका लागि छुट्टाछुट्टै कार्यदल गठन भएको डेढ महिना बितिसकेको छ । यसबीचमा सबै कार्यदलले सम्बन्धित कमिटीहरूको बैठक राख्ने, कार्यदल तहमा छलफल गरेर सुझाव लिनेबाहेक एकताले आकार ग्रहण गर्ने गरी ठोस रूपमा काम अघि बढाइसकेका छैनन् । एकीकरण गर्दा तत्कालीन पार्टी कमिटी र अग्रजहरूको सुझाव र मनोविज्ञानलाई सम्बोधन गर्नुपर्ने भएकाले कार्यदलले एकीकृत कमिटीहरूको ठोस खाका तयार पार्न सकेका छैनन् । कार्यदलका सदस्यहरूले यही जटिलताका कारण विधान र नियमावली छिटो प्रकाशन गर्न तथा नेतृत्व तहबाटै कुनकुन कमिटी र जनसंगठनको नेतृत्व कसले कसरी लिने विषय टुंग्याउन दबाब दिइरहेका छन् । यस्ता विषयमाथि नै नटुंगिए तल विग्रह र असन्तुष्टि देखिन सक्ने खतराप्रति कार्यदलका सदस्यहरू सचेत देखिएका छन् । खासगरी तत्कालीन माओवादी केन्द्रका प्रदेश र जिल्ला मात्र होइन, जनसंगठनहरू पनि धेरै जम्बो रहेकाले कसरी छरितो एकीकृत कमिटी बनाउने समस्या देखिएको नेताहरू बताउँछन् । पार्टीको विधानमा प्रदेश, जिल्लासहित तल्ला कमिटीको संरचना सन्तुलित आकारको बनाउन प्रस्ताव गरिएको छ । तर, तत्कालीन माओवादी केन्द्रका कमिटीहरू धेरै ठूलो आकारको भएकै कारण विधान र नियमावली प्रकाशन नभएसम्म र अध्यक्षद्वयले नै धेरै विषय नटुंग्याएसम्म एकताको कामलाई गति दिने पक्षमा कार्यदलका नेताहरू छैनन् ।
उच्च स्रोतका अनुसार अध्यक्षद्वयले नै यी सबै कुरा टुंगो लगाएपछि मात्र सबै कार्यदलले एकीकृत कमिटी र जनसंगठनहरूको खाका तयार पार्नेछन् । नेतृत्व लिन इच्छुकहरूको दौडधुप बाक्लिएकाले नेताहरू पनि छिटो टुंग्याउने दबाबमा देखिएका छन् । सबै कार्यदललाई तीन महिनाभित्र एकताको काम सम्पन्न गरिसक्न यसअघि अध्यक्षद्वयले सर्कुलर गरेका थिए ।

 

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा