21st September 2018, Friday

E-budhabar

आचार्यले पारे रेलवे विभाग अस्तव्यस्त



काठमाडौं । प्रधानमन्त्री केपी शर्मा ओलीको पछिल्लो चीन भ्रमणमा काठमाडौंसम्म रेलवे जोड्ने सम्झौता भइसक्दा पनि नेपाल सरकारअन्तर्गत रहेको रेलवे विभाग भने अस्तव्यवस्त भएर कुनै गृहकार्य नगरी बसेको छ । भारत र चीन दुवै देशबाट रेलमार्गमार्फत नेपाललाई जोडेर समृद्धि ल्याउने उद्घोष गरिरहँदा भौतिक योजना तथा निर्माण मन्त्रालयअन्तर्गतको एक मात्र सरकारी विभाग भने सुस्ताएर सरकारको स्प्रिटअनुसार प्रस्तुत हुन नसकेको भन्दै गुनासो बढेको छ ।
यसरी विभागप्रति गुनासो बढ्दै जानुमा विभागको नेतृत्वको नालायकीपन रहेको विभागकै कर्मचारीहरू बताउँछन् । अहिले विभागमा महानिर्देशकका रूपमा अनन्त आचार्य कार्यरत छन् । उनी हृदयेश त्रिपाठी, विजय गच्छदार, विमलेन्द्र निधिलगायत सबैलाई रिझाएर सिन्कोसमेत नभाँची त्यहाँ टिकिरहेको र विभाग स्थापना भएदेखि उनले नै सो विभाग एकछत्र हाँकिरहेको बताइन्छ । पहिले रेलवेको काम महाशाखाअन्तर्गत रहेका हृदयेश त्रिपाठी भौतिक योजना तथा निर्माणमन्त्री भएपछि आचार्यलाई नै महानिर्देशक बनाउने उद्देश्यले महाशाखालाई विभागमा रूपान्तरण गरिएको बताइन्छ । त्यसयता चार वर्षदेखि लगातार विभागमा रहेका आचार्यले प्रधानमन्त्रीको स्पिरिटअनुसार काम गर्न नसकेको र उल्टो विभिन्न सर्भे र टेन्डरको नाममा अर्बौं बजेट सकाएको आरोप लागेको छ ।
चार वर्षअघि विभागको नेतृत्वमा आएका उनले नेपालमा रेलवेसम्बन्धी कुनै योजना बनाउन नसकेको र उल्टो संस्थागत भ्रष्टाचारलाई मलजल गरेका कारण उनलाई हटाउनुपर्ने आवाज उठेको छ । तर, उनले आफ्नो थमौतीका लागि भौतिक योजना तथा निर्माणमन्त्री रघुवीर महासेठलाई भने भेटिसकेको स्रोतको दाबी छ । मन्त्री सकारात्मक भए सिधै प्रधानमन्त्रीले हस्तक्षेप गरेर भए पनि आचार्यलाई हटाउनुपर्ने भन्दै प्रधानमन्त्री तथा मन्त्रिपरिषद् कार्यालयतिर चर्चा चल्न थालेको छ ।
त्यसो त आचार्य विवादास्पद कर्मचारीका रूपमा चिनिन्छन् । उनले २०७१ सालमा ८ अर्बको एक टेन्डरमा ठूलो घोटाला गरेको भन्दै उजुरी परेको थियो । उक्त टेन्डर आफ्नो मान्छेलाई दिइएको र गलत सर्भे गरेको भन्दै उनको विरुद्ध अख्तियारमा उजुरी परे पनि उनले सो उजुरी पैसाको चलखेल गरी मिलाउन सफल भएका थिए । तत्कालीन अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीसँग सेटिङ मिलाएर उन्मुक्ति पाएका आचार्यले पुनः रेलवेको क्षेत्रमा ठूलो बजेट आउने र लामो हात गर्न पाइने भन्दै नेता तथा मन्त्रीहरूको घरदौडाहा थालेको बुझिएको छ ।
त्यसो त अहिले पनि एउटा ३ अर्बको ठेक्कामा आचार्यले धेरै गुनासा सिर्जना गरेको बताइन्छ । कमिसनका लागि ठूलै खेलेमेलोमा लाग्ने आचार्यले विभागलाई चार वर्षसम्म अस्तव्यस्त बनाएकोमा अझै सोही विभागमा टिकेर राम्रो रकम कुम्ल्याउने दाउ पालेको उनीनिकट स्रोतले बतायो । प्रधानमन्त्री केपी शर्मा ओलीले नेपाललाई भारत र चीनसँग रेलवेको माध्यमबाट जोड्ने सपना साँचेर काम सुरु गरेसँगै भविष्यमा त्यहाँबाट राम्रो आर्जन गर्न सकिने आशा लिएर सो नछोड्न आचार्यले दौडधुपमा लागेका हुन् ।

 

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा