18th October 2018, Thursday

E-budhabar

डोलिडारका तिनीहरूकै ढलिमली



काठमाडौं । स्थानीय पूर्वाधार तथा ग्रामीण कृषि सडक विभाग (डोलिडार) को महानिर्देशकमा रामचन्द्र श्रेष्ठलाई ल्याइए पनि वर्षौंदेखि सो विभागमा ढलीमली गर्दै आएका कांग्रेसनिकटका कर्मचारीहरू भने यथावत् रहेका छन् । अर्बौं बजेट भएको डोलिडारका महŒवपूर्ण परियोजनाहरूमा कांग्रेसका कर्मचारीहरू नै हाबी हुँदै आएका छन् ।
डोलिडारका तत्कालीन महानिर्देशक जीवनकुमार श्रेष्ठले गएको वैशाख १६ गते उमेर हदका कारण अनिवार्य अवकाश पाएपछि महानिर्देशक पद खालि भएको थियो । तर, गएको आइतबार भने सोही विभागका उपमहानिर्देशक श्रेष्ठलाई नियुक्त गरिएको छ । महानिर्देशक श्रेष्ठले आफू अखिल पृष्ठभूमिबाट आएको बताएपछि उनलाई महानिर्देशक बनाउने संघीय मामिला तथा सामान्य प्रशासनमन्त्री लालबाबु पण्डित पनि सकारात्मक भएको बताइन्छ । महानिर्देशक श्रेष्ठले पोखराको पृथ्वीनारायण क्याम्पसमा अध्ययनरत रहँदा नेकपाका नेता खगराज अधिकारीको टिममा बसेर काम गरेको बताएपछि उनलाई महानिर्देशक बन्न बाटो खुलेको बताइन्छ ।
तर, डोलिडारको महानिर्देशकमा वामपन्थी पृष्ठभूमिका श्रेष्ठलाई ल्याइए पनि करोडौंका परियोजनाहरू भने कांग्रेसका कर्मचारीहरूले नै कब्जामा राख्दै आएका छन् । महानिर्देशकमा वामपन्थी पृष्ठभूमिका श्रेष्ठलाई ल्याइए पनि अरू परियोजनाहरूमा कांग्रेसका कर्मचारीहरू रहुन्जेलसम्म महानिर्देशकले प्रभावकारी रूपमा काम गर्न नसक्ने बताइन्छ । करिब एक दशकदेखि डोलिडारमा हाबी हुँदै आएकाहरूमा कांग्रेसनिकट उपसचिव तहका राजेश घिमिरेले विभागको एउटा शाखाका साथै साना सिँचाइ र पूर्वी चितवनको जिम्मेवारी सम्हाल्दै आएका छन् । यसरी नै, माधवप्रसाद भट्टराईले पक्की पुल शाखा, आरपीआईएसडब्लूएपी आयोजनामा महेशचन्द्र न्यौपाने, अनुगमन तथा सडक बोर्ड आयोजनाको प्रमुखमा उमाशंकर साह, आरएपी आयोजनाको प्रमुखमा महेश्वर घिमिरे रहेका छन् ।
यसैगरी, उन्नति आयोजनाको प्रमुखमा कृष्णबहादुर कटुवाल, आरपीआईपी काठमाडौंको प्रमुखमा मोहनराज चापागाईं, एसएनआरपीपी हेटौंडाको प्रमुखमा शंकरप्रसाद पण्डित, एसएनआरपीपीको केन्द्रीय आयोजना प्रमुखमा कुमार थापा, आरसीआईपीको झापा क्लस्टरको प्रमुखमा शम्भु कार्की, ईईएपी (भूकम्प) आयोजनाको प्रमुखमा अमृत श्रेष्ठ, आरसीआईपी काठमाडौंको प्रमुखमा प्रेमदत्त भट्ट र ईएचआरपी (भूकम्प) को प्रमुखमा नारायणप्रसाद श्रेष्ठ रहँदै आएका छन् । उपसचिव तहको यी सबै कर्मचारी कांग्रेसनिकट मानिन्छन् ।
सहसचिव गणेशराज वस्तीले पनि डोलिडारअन्तर्गतको महŒवपूर्ण मानिने भूकम्प पुनर्निर्माण केन्द्रीय आयोजनाको प्रमुख सम्हालिरहेका छन् । उनलाई केही समयअघि मात्रै उक्त आयोजनामा नियुक्त गरिएको हो । कांग्रेसनिकट वस्तीलाई सो आयोजनाको प्रमुख बनाउन मन्त्रालयका सचिव दिनेशचन्द्र थपलियाको हात रहेको बताइन्छ ।

Leave a Reply

... र यो पनि ...

चक्रपथ

करोडपति खरदार

ShareTweet काठमाडौं । सामान्यतया एक सरकारी कर्मचारी त्यो पनि खरदार तहको । उसको तलबले काठमाडौंको यो महँगीमा केके गर्न पुग्ला ? स्वाभाविक उत्तर हुन्छ– जेनतेन परिवार पाल्न- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा