27th May 2019, Monday

E-budhabar

हाउजिङको नाममा ठगी धन्दा



काठमाडौं । भक्तपुर क्षेत्रमा पछिल्लो समय हाउजिङ र घरजग्गा व्यवसायका नाममा बढिरहेको कारोबारसँगै ठगी धन्दा पनि मौलाएको छ । केही व्यक्ति तथा हाउजिङहरूले एउटै जग्गा १० जनासम्मलाई देखाएर बैना गरिदिने र वर्षौंसम्म झुलाएर राख्ने गरेको पीडितहरूको गुनासो छ । त्यति मात्र होइन, अधिकांश जग्गाका मामिलामा किर्ते धन्दा हुन थालेको बताइएको छ ।
एउटै जग्गा देखाएर खड्का हाउजिङका राजु खड्काले त्यसरी वर्षौंसम्म धेरै व्यक्तिलाई झुलाएको पीडितहरूले गुनासो गरेका छन् । उनले अहिलेसम्म एउटै जग्गा देखाएर प्रितम अधिकारी, यशोदा केसी, पूर्वसंविधानसभा सदस्य ललिता किङरिङलगायतलाई पनि ठगी गरेको उनीहरूका गुनासो छ । एक पीडित भन्छन्, ‘पोहोर भदौमा १८ लाख रुपैयाँ दिएर बैना गरेको हो, एक वर्ष हुँदा पनि न पैसा फिर्ता दिन्छन्, न त जग्गा ।’ त्यसो त खड्काले एउटै जग्गा देखाएर धेरैसँग पैसा संकलन गर्ने र सो रकम अन्यत्र फेरि जग्गामै लगानी गर्ने र त्यहाँका ग्राहकहरूलाई भने विभिन्न बहाना देखाएर आलटाल गर्ने गर्दै आएका छन् । प्लटिङको पैसा जम्मा गरेर अन्यत्र लगानी गर्दै हिँड्ने खड्का वास्तवमा दोहोरी रेस्टुरेन्टका सञ्चालकसमेत रहेको बताइएको छ । उनले उक्त रकमबाट विभिन्न व्यक्तिहरूलाई मिटर ब्याजमा पैसा लगानी गर्ने गरेको समेत बताइएको छ ।
सो गिरोहले नापी र मालपोतका कर्मचारीको समेत मिलेमतोमा भक्तपुरतिर रहेका धेरै सार्वजनिक जग्गाहरूमा आँखा लगाएको बुझिएको छ । पछिल्लो समय केही सार्वजनिक जग्गाहरू भूमाफिया र कर्मचारीहरूको मिलेमतोमा व्यक्तिका नाममा नामकरण हुँदै गएकामा आमभक्तपुरवासी चिन्तित छन् । पछिल्लोपटक खड्का हाउजीङले लालपुर्जाको फोटोकपी देखाएर फिल्डमा नभएको जग्गासमेत मान्छेहरूलाई पास गर्ने प्रपञ्च गर्दै आएको बुझिएको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

नौ महिनामा १ खर्ब ८२ अर्बको इन्धन खरिद

ShareTweet काठमाडौं । चालू आर्थिक वर्षको नौ महिनामा करिब १० खर्ब रुपैयाँबराबर व्यापार घाटा देखिएको छ । आर्थिक वर्ष २०७५÷७६ को चैत मसान्तसम्म ९ खर्ब ९१ अर्ब ७८ लाख ८८- ...
पूरा पढ्नुहोस्

स्रष्टा र सिर्जना

अब पनि झुन्ड–संस्कृति ?

ShareTweet पूर्ववर्ती समयमा होस् वा वर्तमान समयमा नै किन नहोस्, हरेक क्षेत्र झुन्डवादले आक्रान्त छ । हरेक क्षेत्रमा झुन्ड–संस्कृति मौलाउँदो छ । अरू क्षेत्र वा तप्कामा- ...
पूरा पढ्नुहोस्

नयाँ पुस्तक

संघर्षशील महिला–गाथा

ShareTweet निःसन्देह जिम्मेवारी र दायित्वबोधको भारी पुरुषले भन्दा महिलाले नै धेरै बोक्नुपर्छ । त्यो सामाजिक भारी पनि हुनसक्छ र पारिवारिक भारी पनि । सामन्ती समाजका- ...
पूरा पढ्नुहोस्

छोटकरीमा