21st February 2019, Thursday

E-budhabar

विवादितलाई शैलेन्द्रको आशीर्वाद



काठमाडौं । सशस्त्र प्रहरी महानिरीक्षक शैलेन्द्र खनालले आफ्नो सबै उठ्तीपुठ्ती मिलाउने एसएसी नारायणदत्त पौडेललाई भावी महानिरीक्षकका लागि बाटो सजिलो हुने गरी सरुवामा चलखेल गरेका छन् । ककनी तालिम केन्द्रमा बस्दा रासन काण्ड लागेर ४ लाख रुपैया फिर्तासमेत गरेका विवादित पात्र पौडेललाई महानिरीक्षकले काखी च्याप्दा इमानदारहरू पाखा लाग्ने खतरा देखिएको छ ।
केही दिनअघि गरिएको एसएसपी सरुवामा पौडेललाई मानव स्रोतको जिम्मा दिइएको छ । पूर्व क्षेत्रमा एसपी हुँदा अनियमितता गरेकै कारण पुष्पराम केसीले रेकर्डमा जनिने गरी नसिहत दिएका पौडेल महानिरीक्षक खनालका प्यारा भएका छन् । डीआईजी बढुवामा पहिलो नम्बरमा पार्न सजिलो हुने भएकाले अहिले महानिरीक्षक खनालले विवादित भए पनि मानव स्रोतमा सरुवा गराएको बताइन्छ । यहाँ बस्दा नेताको घर चहार्न र चलखेल गर्न सजिलो हुने भएकाले पौडेलले मागेकै ठाउँमा खनालले आशीर्वाद दिएर पठाएको बताइन्छ ।
अहिले यो ब्याजमा पहिलो नम्बरमा सीपी गौतम छन् । उनी काबिल प्रहरी अधिकृतका रूपमा चिनिन्छन् । यूएन मिसनमा छँदा पनि माथिल्लो तह क्षेत्रीय कमान्डरकै रूपमा काम गरेका उनलाई पोखरा सरुवा गरेर पौडेललाई १ नम्बर डीआईजी बनाउनकै लागि मानव स्रोतमा ल्याइएको स्रोतको दाबी छ । पौडेल नेपाली कांग्रेसका नेता पूर्णबहादुर खड्काका निकटका रूपमा चिनिन्छन् ।
त्यस्तै, अर्का विवादित रामप्रसाद श्रेष्ठलाई ३ नम्बर प्रदेश प्रमुखको कामु दिएर पठाइएको छ । उनी कमान्डर भएका बेला तालिमका क्रममा टेकबहादुर चन्द नामका व्यक्तिलाई जबर्जस्त पौडी खेलाउँदा उनको तालिमकै क्रममा मृत्यु भएको थियो । त्यस्तै लामो समय कर्मचारी प्रशासनमा बसेका चिरञ्जीवी अधिकारीलाई पोखराबाट बुटबल पठाइएको छ । पोखरा बाहिनीमा भने प्रवीण श्रेष्ठलाई पठाइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा