21st September 2018, Friday

E-budhabar

नेकपाको बैठक अनिश्चित



काठमाडौं । नेपाल कम्युनिस्ट पार्टी (नेकपा) ले तल्ला कमिटी र जनसंगठनहरूको एकीकरण टुंगो लगाउन आगामी १८ र १९ गते बोलाएको स्थायी समिति बैठक दोस्रोपटक पनि अनिश्चित देखिएको छ ।
पार्टी विधानमा तीन महिनामा एकपटक स्थायी समिति बैठक बस्ने व्यवस्था छ । यसरी लामो अवधि राखेर स्थायी समितिको भूमिका खुम्च्याइएको भन्दै कतिपय सदस्य असन्तुष्ट छन् । यसअघि बोलाइएको स्थायी समिति बैठकमा यस्तै असन्तुष्टि पोखिन थालेपछि बैठक बीचैमा स्थगित भएको थियो । तर, ८ र ९ भदौका लागि बोलाइएको बैठक पनि १८ र १९ गतेका लागि सारियो । यसरी दोस्रोपटक सारिएको बैठक पनि अध्यक्ष प्रचण्ड नै स्वदेशमा नहुने सम्भावना देखिएकाले पुनः अनिश्चित बनेको छ ।
अध्यक्ष दाहाल १७ गते भारतको गुजरातमा आयोजित एक कार्यक्रममा सहभागी हुन त्यसतर्फ प्रस्थान गर्न लागेकाले पुनः दोस्रोपटक बैठक अनिश्चित बनेको हो । स्थायी समितिका लागि केन्द्रीय सचिवालयले यसअघि नै तय गरेको सरकारको कामको समीक्षामा पनि अहिलेसम्म छलफल भएको छैन । पार्टी एकीकरण नै टुंगो नलागेकाले सरकारको कामको एजेन्डा झन् ओझेलमा परेको छ । कतिपय नेताहरूले हाई कमान्डका नाममा स्थायी समितिलाई पंगु बनाउन खोजिएको टिप्पणी गर्न थालेका छन् ।
एकीकरणका लागि गठित कार्यदलहरूमध्ये अहिलेसम्म प्रदेश नम्बर ३, ४, ५, ६ र ७ ले मात्र प्रतिवेदन बुझाएका छन् । तर, प्रदेश नम्बर ५ को प्रतिवेदन विवादित बनेको छ भने ६ नम्बर प्रदेशको प्रतिवेदन अझै अपुरो रहेको बताइएको छ । उता, १ र २ नम्बर प्रदेशले भने अझै बाँडफाँट टुंग्याउन सकेका छैनन् । बिमस्टेक सम्मेलन सुरु भएकाले केन्द्रीय सचिवालयले पनि एकीकरणबारे थप गृहकार्य गर्न नभ्याएकाले अझ लम्बिने खतरा देखिएको छ ।

 

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा