21st September 2018, Friday

E-budhabar

नेतृत्वका लागि नेताका घर धाउँदै ठेकेदार



काठमाडौं । मुलुकमा आबद्ध ठेकेदारहरूको संगठन नेपाल निर्माण व्यवसायी महासंघको २०औं अधिवेशन आउन करिब २५ दिन बाँकी हुँदा आगामी नेतृत्व हत्याउन दौडधुप चलेको छ ।
आगामी असोज ५ र ६ गतेका लागि निर्माण व्यवसायीहरूको अधिवेशन निश्चित गरिएसँगै ठेकेदारका नेताहरू पार्टीको आधिकारिक लाइनमा पर्न र नेताको आशीर्वाद लिई चुनाव जित्न कम्मर कसेर लागेका हुन् । तर, घोषित मितिभन्दा एक हप्ता पर अधिवेशन सर्न सक्ने सम्भावना औंल्याइएको छ । महासंघको अध्यक्ष हुन मकवानपुरबाट कांग्रेसको राजनीति गरेर असफल भएपछि राजनीति गर्ने प्लेटफर्म खोज्दै पुनः निवर्तमान अध्यक्ष जयराम लामिछानेले रहर गरेको बुझिएको छ । त्यस्तै, महासंघकै पूर्वअध्यक्ष यक्षध्वज कार्कीले पनि रहर गरेको थाहा भएको छ ।
कार्की अहिले महासंघका सल्लाहकार हुन् । यसैगरी, अध्यक्षको रहर पाल्नेहरूमा हुमानाथ कोइराला, हालका अध्यक्ष विष्णुभाइ श्रेष्ठ, हालका महासचिव रामशरण देउजा, टंक चौलागार्इंलगायत रहेका छन् ।
उनीहरूमध्ये लामिछानेले भने महासंघको नेतृत्व पुनः हत्याउन भित्री तयारीसमेत थालेको र एकदुईवटा बैठकसमेत गरिसकेको थाहा भएको छ । लामिछाने स्वच्छन्द निर्माण सेवा प्रालिका प्रबन्ध निर्देशक हुन् । यता, पूर्वअध्यक्ष शकुन्तललाल हिराचनले पनि अध्यक्षमा नजर लगाएको बताइएको छ । उनी युनाइटेड विल्डर्सका प्रमुख हुन् । मुलुकमा अर्बांैका कारोबार र ठेक्का गर्ने सीमित व्यवसायीहरूकै बोलवाला हुने महासंघलाई प्रतिष्ठाका रूपमा लिइने हुनाले हरेक चुनावहरूमा करोडौंको आर्थिक चलखेलसमेत हुँदै आएको छ ।
उनले पार्टीले आधिकारीक रूपमा टिकट दियो भने जितेर देखाइदिने भन्दै शेरबहादुर देउवादेखि शशांक कोइरालालगायत नेताहरूको घर धाउने तयारी थालिएको बुझिएको छ । यस्तै, पूर्वएमालेनिकट कार्कीले भने नेकपाका नेताहरूको भेटघाटलाई तीव्रता दिएका छन् । यसअघि विविध कारणले सर्दै आएको महाधिवेशन यसपटक जसरी पनि निर्धारित समयमै आयोजना गरिने बताइएको छ । त्यस्तै, अध्यक्षपछिको महŒवपूर्ण महासचिव पदका लागि वर्तमान कोषाध्यक्ष रोशन दाहालले तयारी अगाडि बढाएका छन् । उनीलगायत अन्य तीन जना पनि महासचिव पदको रेसमा रहेको बताइएको छ ।

 

Leave a Reply

... र यो पनि ...

चक्रपथ

सरुवामा चलखेलको आशंका

ShareTweet काठमाडौं । नेपाल विद्युत् प्राधिकरणको कार्यालय प्रमुखहरूको सरुवा गरिँदा तीव्र आर्थिक चलखेल भएको आशंका गरिएको छ । गएको शुक्रबार प्राधिकरणको व्यवस्थापनले- ...
पूरा पढ्नुहोस्

स्रष्टा र सिर्जना

अनुभवको आँखीझ्यालबाट प्रज्ञा–प्रतिष्ठान

ShareTweet प्रज्ञा–प्रतिष्ठानमा जाने र काम गर्ने इच्छा अलि पहिल्यैदेखि थियो । सायद भाषा, साहित्य तथा वाङ्मयका अन्य क्षेत्रमा काम गर्ने सबैमा यस्तो इच्छा हुन्छ । यस्तो- ...
पूरा पढ्नुहोस्

नयाँ पुस्तक

इन्द्रेनीझैं रंगीचंगी

ShareTweet २०४६ सालयता नेपाली राजनीति, समाज र अर्थव्यवस्था धेरै चलायमान हुन पुगे । परिवर्तनको आवेगले समाजका हरेक अंगलाई लपेट्यो । २०६२ सालसम्म आइपुग्दा त राजनीतिले- ...
पूरा पढ्नुहोस्

छोटकरीमा