24th June 2019, Monday

बालुवाटारबाटै कसले गर्दै छ प्रधानमन्त्रीको बदनाम ?



काठमाडौं । प्रधानमन्त्री केपी शर्मा ओलीले सरकारकै तर्फबाट भइरहेका कतिपय काम आफूलाई जानकारी नहुने खुलासा गरेका छन् । सोमबार बिहान प्रधानमन्त्री निवास बालुवाटारमा दैनिक तथा अनलाइनका सम्पादकहरूसँगको अन्तक्र्रियामा प्रधानमन्त्री ओलीले यस विषयमा तीनवटा प्रसंग सुनाएका थिए । एउटा महेन्द्र संस्कृत विश्वविद्यालयका उपकुलपति कुलप्रसाद कोइरालालाई पक्राउ गरी बालुुवाटार पु¥याइएको घटना, दोस्रो पूर्वमाओवादी जनसेनाका अयोग्य लडाकू लेनिन विष्टलाई त्रिभुवन विमानस्थलबाटै फर्काइएको प्रसंग र अर्को ट्रमा सेन्टरका चिकित्सकलाई अस्पतालबाट उठाएर गृह मन्त्रालय पु¥याएको प्रकरण ।
यी तीनै सन्दर्भमा आफू बेखबर मात्र होइन, विष्टलाई फर्काइएको प्रसंग भोलिपल्ट मिडियाबाट थाहा पाएको स्पष्ट पारेका थिए । कोइरालालाई गत असार अन्तिम साता कोलम्बियाको एक कार्यक्रममा भाग लिन जाने क्रममा त्रिभुवन अन्तर्राष्ट्रिय विमानस्थलबाट पक्राउ गरी प्रधानमन्त्री निवास बालुवाटार पु¥याइएको थियो । कुलपति प्रधानमन्त्रीलाई जानकारी नै नदिई शिक्षासम्बन्धी कार्यक्रममा भाग लिन जान लागेकाले कोइराला पक्राउ परेको र उनलाई प्रधानमन्त्रीको आदेशमा बालुवाटार पु¥याइएको समाचार तत्काल अनलाइन सञ्चार माध्यमहरूमा भाइरल भएको थियो । तर, प्रधानमन्त्रीले आफूले त्यस्तो गलत आदेश दिने सम्भावना नै नरहेको र भोलिपल्ट मात्र आफूलाई जानकारी भएको भनेपछि सम्पादकहरू आश्चर्यचकित भएका थिए । त्यसो त बालुवाटारभित्रकै कतिपय सल्लाहकारहरूसमेत कोइरालालाई त्यसरी निवासमै पु¥याइएपछि मात्र झस्किएका थिए । स्रोतका अनुसार कोइरालालाई त्यसरी बालुवाटार पु¥याएर एक घण्टासम्म बन्दीसरि केरकारसम्म गराउने कामको तारतम्य प्रधानमन्त्रीका एक अघोषित सल्लाहकारले गरेका थिए । नेपाल–भारत प्रबुद्ध समूहका सदस्यसमेत रहेका ती अघोषित सल्लाहकारकै आदेशमा कोइरालालाई बालुवाटार पु¥याएर केरकार गरिएको थियो ।
उनले कानुन र नियमावली उल्लंघन गरेकाले फर्काउने घटनासम्म त ठीकै थियो । तर, प्रधानमन्त्री निवासमै उपकुलपतिलाई पु¥याइएको घटनाबाट कम्युनिस्ट अधिनायकवाद यस्तो हुन्छ भन्दै हौवा पिटाइएपछि सरकार प्रतिरक्षात्मक बन्न बाध्य बनेको थियो । उता, विष्टका सन्दर्भमा भने आफूले घटना केहो भन्ने विषयमा जानकारी मागेको जानकारी गराएका थिए ।
प्रधानमन्त्री मुलुकको कार्यकारी प्रमुख भएकाले अतिव्यस्त रहनु स्वाभाविक छ । तर, उनकै नाममा यसरी बदनाम गर्ने घटना भने उनकै नाममा घोषित र अघोषित सल्लाहकारहरूबाट भएपछि सतकर्ता अपनाउन थालिएको बुझिएको छ ।
कोलम्बियामा एक कार्यक्रममा भाग लिन जान लागेका कोइरालालाई गत असार अन्तिम साता प्रहरीले विमानस्थलमा पक्राउ गरी प्रधानमन्त्री निवास बालुवाटार पु¥याएको थियो ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा