23rd March 2019, Saturday

E-budhabar

असन्तुष्टि सम्बोधन गर्ने योगेशका सात सूत्र



काठमाडौं । नेपाल कम्युनिस्ट पार्टी (नेकपा) को प्रदेश, जिल्ला र जनसंगठन एकीकरणमा समस्या देखिएपछि स्थायी समिति सदस्य योगेश भट्टराईले ती समस्या सम्बोधन गर्न सातबुँदे सूत्र सामाजिक सञ्जालमार्फत अगाडि सारेका छन् । पार्टीको स्थायी कमिटी बैठक बस्न ढिला भइरहेको बेला एकतालाई लिएर केही तीता समाचार सार्वजनिक भएपछि आफूले सामाजिक सञ्जालमार्फत आफ्नो टिप्पणी सार्वजनिक गर्नुपरेको बताएका छन् ।
उनले अगाडि सारेको मापदण्डमा पार्टी एकीकरणको ऐतिहासिक घडीमा वरिष्ठतालाई मापदण्ड मानेर नेतृत्व चयन गरिए अहिलेको असन्तुष्टि सम्बोधन हुने रोडम्यापमा प्रस्ट पारेका छन् । ‘कुनै जिल्ला कमिटीको अध्यक्ष जनप्रतिनिधिमा निर्वाचित भएको छैन भने अब बन्ने एकीकृत कमिटीको अध्यक्ष उसैलाई बनाऔं । यदि अध्यक्ष जनप्रतिनिधिमा निर्वाचित भएको अवस्थामा त्यो जिम्मेवारी उपाध्यक्षलाई दिऊँ । उपाध्यक्ष पनि त्यस्तै भए सचिवलाई र सचिव पनि त्यस्तै भए उपसचिवलाई जिम्मेवारी दिऊँ । पदाधिकारी सबै जनप्रतिनिधि भए सहमतिका साथ वरिष्ठ सदस्यमध्येबाट जिम्मेवारी दिने व्यवस्था मिलाऔं,’ रोडम्यापमा भनिएको छ । ‘कुनै जिल्ला कमिटीको अध्यक्ष जनप्रतिनिधिमा निर्वाचित भएको छैन भने अब बन्ने एकीकृत कमिटीको अध्यक्ष उसैलाई बनाऔं । यदि अध्यक्ष जनप्रतिनिधिमा निर्वाचित भएको अवस्थामा त्यो जिम्मेवारी उपाध्यक्षलाई दिऊँ । उपाध्यक्ष पनि त्यस्तै भए सचिवलाई र सचिव पनि त्यस्तै भए उपसचिवलाई जिम्मेवारी दिऊँ । पदाधिकारी सबै जनप्रतिनिधि भए सहमतिका साथ वरिष्ठ सदस्यमध्येबाट जिम्मेवारी दिने व्यवस्था मिलाऔं,’ रोडम्यापमा भनिएको छ ।
त्यस्तै, उनले यो एकताको बेला जटिल र संवेदनशील बेला भएकाले यस्तो बेलामा अनावश्यक ढंगले समस्या उत्पन्न गर्नु नहुने बताएका छन् । उनले भनेका छन्, ‘पार्टी र सरकार माथि चौतर्फी आक्रमण भइरहेको बेलामा सिंगो पार्टी अझ एकताबद्ध भएर त्यसको सामना गर्नुपर्नेमा पार्टीभत्र निषेध र प्रतिशोधको व्यवहारमार्फत पार्टीलाई कमजोर बनाउने हर्कतहरूलाई इतिहासले क्षमा गर्नेछैन ।’ नेता भट्टराईले अध्यक्षद्वय केपी ओली र प्रचण्डले पार्टी एकताको घोषणासँगै सात दशक लामो प्रयत्नलाई आफ्नो कालमा सार्थक बनाएकाले अब अभिभावकीय भूमिकामा बस्नुपर्ने बताएका छन् । उनले भनेका छन्, ‘आदरणीय नेताद्वय कमरेड केपी ओली र कमरेड प्रचण्ड ! पार्टी एकताको घोषणासँंगै सात दशक लामो प्रयत्नलाई आफ्नो कालमा सार्थक बनाउनुभयो । तपाईंहरूलाई इतिहासले सलाम गरेको छ र जुगजुगसम्म अमर हुनुहुनेछ । सायद तपाईंहरूको जिन्दगीमा योभन्दा युगान्तकारी उपलब्धि अर्को हुनेछैन । आजको दिनमा नेपाल कम्युनिस्ट पार्टीका लाखौंलाख कार्यकर्ताहरूले तपाईंहरूबाट न्याय र समानता खोजेका छन, एउटा असल अभिाभावकको भूमिका खोजेका छन् । मेरो कठोर विश्वास छ, हजारौं चुनौती र अप्ठ्यारामाथि खरो उत्रँदै आउनुभएका तपाईंहरू आफ्नै कार्यकर्ताका यी अपेक्षामा पनि सफल बन्नुहुनेछ ।’

Leave a Reply

Your email address will not be published. Required fields are marked *

... र यो पनि ...

चक्रपथ

चियाका नाममा कार्यकर्ताको ताँती

ShareTweet काठमाडौं । नेपाली चिया तथा कफीको विकास एवं विस्तारका लागि आयोजना भएको एक कार्यक्रममा चिया र कफीसँग सरोकार नै नभएका व्यक्तिहरूले चीन भ्रमण गरेर फजुल खर्च- ...
पूरा पढ्नुहोस्

स्रष्टा र सिर्जना

नयाँ स्वादको खोजी

ShareTweet वैदेशिक रोजगारीमा एकाध वर्ष रमाएर स्वदेशमै फर्की आफ्नै पेशा–व्यवसायमा भिजेका थुप्रै पात्रहरू छन, हामी बाँचिरहेको समाजभित्र । मूलतः वैदेशिक रोजगारीमा- ...
पूरा पढ्नुहोस्

नयाँ पुस्तक

समाचार समिति पत्रकारिता ः नेपाली दस्तावेज

ShareTweet प्रकाश सिलवाल नेपाली पत्रकारिता र साहित्य क्षेत्रमा क्रियाशील÷जुझारु नाम हो । उहाँको पछिल्लो पत्रकारितासम्बन्धी पुस्तक सञ्चार जगत्का लागि नयाँ कोसेलीका- ...
पूरा पढ्नुहोस्

छोटकरीमा