13th December 2018, Thursday

E-budhabar

नापी र मालपोतमा बिचौलियाको जगजगी



काठमाडौं । आफ्नो मन्त्रालयमातहत हुने सरुवामा राम्रो व्यवस्थापन गर्ने र बिचौलियालाई पनि हटाउने भाषण गर्दै हिँडेकी भूमि व्यवस्था तथा सहकारीमन्त्री पद्मा अर्याललाई उनकै मन्त्रालयमातहतका दुई विभागमका महानिर्देशक निकम्मा बनाउने अभियानमा छन् । सो मन्त्रालयअन्तर्गत भूमि व्यवस्थापन र नापी विभाग छन् । भूमि व्यवस्थापन विभागलाई पहिले मालपोत विभाग भनिन्थ्यो । यी दुई विभागका प्रमुखको काम नै अहिले सरुवामा लिलाम बढाबढ गर्दै पैसा असुल्ने रहेको छ ।
यी विभागअन्तर्गतका कर्मचारीको सरुवाको सिजन अब सुरु हुन लागेको छ । सामान्य प्रशासनले गर्ने सरुवा सकिएपछि यसको सरुवा सुरु हुन्छ । यही मौकामा काठमाडौ उपत्यकाका नापी र मालपोत कार्यालय, साथै काठमाडौंबाहिर पोखरा, विराटनगर, दाङ, नेपालगन्ज, हेटौंडा, चितवन, इटहरीलगायत जग्गाको भाउ उत्कर्षमा भएका सहरी जिल्लामा प्रमुख तथा कर्मचारी सरुवा गर्न लिलाम बढाबढ भएको हो ।
लिलाम बढाबढमा पैसा उठाउन भूमि व्यवस्थापन विभागका महानिर्देशक मुक्ति आचार्य र नापीका महानिर्देशक गणेशप्रसाद भट्ट सक्रिय छन् । स्रोतका अनुसार आचार्यले भूमि व्यवस्थापनको प्रशासन अधिकृत रत्नमान उदासलाई मालपोतबाट पैसा उठाउन परिचालन गरेका छन् । उदास र नापी प्रमुख भट्टको काम दिनमा एकचोटि मन्त्रीकोमा पुग्ने हुन्छ । त्यहाँबाट निस्केपछि ‘माथि हामीले लाइन मिलाइसक्यौ,’ भन्छन् र पैसा बोलकबोल गर्छन् । पैसा माग्दा पनि उनीहरूले अन्त्य गर्छु भन्ने मन्त्रीको भाषण मात्र हो, केही हँुदैन, खुरुखुरु पैसा ल्याउनुस् राम्रो मालपोत, नापी रोज्नुस् भन्दै कन्भिन्स गर्ने गरेको बुझिएको छ ।

 

Leave a Reply

... र यो पनि ...

चक्रपथ

बुधबार २४औं वर्षमा

ShareTweet काठमाडौं । आजबाट बुधबार साप्ताहिक २३ वर्ष लामो यात्रा पूरा गरी २४औं वर्षमा प्रवेश गरेको छ । मिसनसहितको जनपक्षीय पत्रकारिताको आवश्यकता पूरा गर्दै अघि बढेको- ...
पूरा पढ्नुहोस्

स्रष्टा र सिर्जना

सिर्जनाको मझेरीमा उपेक्षित किसान

ShareTweet – मधेस सदैव उर्वर भूमि रहँदै आयो । अन्नबालीको प्रचुरता रहेको मधेसका जनताले चिनी कारखाना खुल्न थालेपछि उखु खेतीलाई प्रश्रय दिए । नगदे बालीका रूपमा परिचित- ...
पूरा पढ्नुहोस्

नयाँ पुस्तक

उज्यालोको एउटा गीत

ShareTweet अक्सर कविहरूसामु विषयवस्तुको छनोट र बिम्बविन्यासको क्रममा उज्यालो या अँध्यारोमध्ये कुन पक्षलाई प्रधान मान्ने भन्ने विषयमा गम्भीर प्रश्न खडा भइदिन्छ ।- ...
पूरा पढ्नुहोस्

छोटकरीमा