14th November 2018, Wednesday

E-budhabar

नार्कमा विवादास्पद महतोकै ढलीमली



काठमाडौं । कायममुकायमको अवधि सकिए पनि नेपाल कृषि अनुसन्धान परिषद् (नार्क) को कार्यकारी–निर्देशक डा. वैद्यनाथ महतोले अझै जिम्मेवारी सम्हालिरहेका छन् । कायममुकायमको अवधि सकिएको एक महिना पुग्न लागे पनि उनले अझै सोही हैसियतमा रहेर काम गरिरहेका छन् ।
विवादास्पद छविका कार्यकारी–निर्देशक डा. महतोको कायममुकायमको अवधि गएको साउन २६ गते नै सकिएको हो । कुनै पनि कर्मचारीलाई ६ महिनाभन्दा बढी कायममुकायम तोक्न मिल्दैन । तर, डा. महतोले कायममुकायम पाएको ६ महिना बितेको करिब एक महिना हुनै लाग्दा पनि उनले सोही हैसियतमा रहेर काम गरिरहेका हुँदा सबै जना चकित परेका छन् । नार्कका एक कर्मचारीले भने, ‘डा. महतो कानुनी हिसाबले अहिले कामु हो कि निमित्त हो, हामीले केही थाहा पाउन सकेका छैनौं ।’ सूत्रका अनुसार कामुको जिम्मेवारी सकिए पनि उनलाई निमित्त भनेर पनि तोकिएको छैन । त्यही कारण नार्कका कर्मचारीहरू डा. महतोको हैसियतलाई लिएर अन्योलमा परेका छन् ।
यसअघि विदेश भ्रमणको विषयलाई लिएर पनि डा. महतो विवादमा तानिएका थिए । मोरक्कोमा भएको एक कार्यक्रममा भाग लिन जाने क्रममा कृषि तथा पशुपन्छी मन्त्रालयले उनलाई भ्रमण अनुमति नदिएपछि व्यक्तिगत हिसाबले सो कार्यक्रममा उनी सहभागी भएका थिए । मन्त्रालयले विदेश भ्रमणका लागि अनुमति नदिएपछि बिदा लिएरै भए पनि उनी मोरक्कोको भ्रमणमा गएका थिए । बिदा लिएर मोरक्को गएको विषयमा उनीसँग प्रधानमन्त्री कार्यालयले स्पष्टीकरण सोधे पनि उनले चित्तबुझ्दो जवाफ दिन सकेका थिएनन् ।
डा. महतोको कामुको अवधि सकिएसँगै नार्कको कामु कार्यकारी–निर्देशक बन्न अहिले केही मुख्य वैज्ञानिकहरू लागिपरेका छन् । सत्तारूढ नेकपासँग नजिक रहेका चार जना मुख्य वैज्ञानिकहरूले कामुका लागि लबिङ गरिरहेको बुझिएको छ । ती चार मुख्य वैज्ञानिकहरूमा हरिकृष्ण उप्रेती, डा. दीपक भण्डारी, ताराबहादुर घिमिरे र मेघराज तिवारी रहेका छन् । डा. महतोलाई तत्काल कामुबाट हटाएर ती चारजनामध्ये वरिष्ठतमलाई कामु दिइनुपर्ने कुरा नार्कका कर्मचारी संगठनहरूले पनि उठाइरहेका छन् ।
यसैबीच, मुलुक प्रादेशिक संरचनामा गइसकेको हुँदा परिवर्तित सन्दर्भमा नार्कको पुनःसंरचना हुनुपर्ने कुरा उठेको छ । कृषि तथा पशुपन्छी मन्त्री चक्रपाणि खनालले पनि केही दिनअघि मन्त्रालयका सचिव र कर्मचारीहरूलाई दिएको २४ बुँदे निर्देशनमा पनि नार्कको पुनःसंरचनाको कुरा परेको छ । केही दिनअघि कास्कीको लुम्लेमा सम्पन्न नार्कको एक कार्यक्रममा पनि नार्कको पुनःसंरचना गर्न एउटा कमिटी गठन गरिने कुरा उठेको थियो ।

Leave a Reply

... र यो पनि ...

चक्रपथ

गल्याङको लल्याङमा नेपाल टेलिकमको सेवा विस्तार

ShareTweet नेपाल टेलिकम, द“रसञ्चार कार्यालय गल्याङले स्याङ्जाको लल्याङमा आफ्नो पिएसटिएन तथा एडिएसएल सेवाको विस्तार गरेको छ . विस्तार पश्चात अब लल्याङका करिब ५) घरध’री- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा