17th August 2019, Saturday

E-budhabar
Header Right Side NTC Advertisement

श्यामलाई राखेपछि मन्त्रीकै आलोचना



श्यामलाई राखेपछि मन्त्रीकै आलोचना

काठमाडौं । शिक्षा तथा विज्ञान प्रविधिमन्त्री गिरिराजमणि पोखरेलको ‘पूर्वजनमोर्चा’ मोहका कारण झनै आलोचना बढ्दै गएको छ । पूर्वजनमोर्चाको पृष्ठभूमि भएका मानिसहरूलाई काखी च्याप्ने र अरूलाई बेवास्ता गर्ने मन्त्री पोखरेलको कार्यशैलीको नेकपाभित्रै आलोचना बढ्न पुगेको हो ।
अरू त ठीकै थियो । तर, मन्त्री पोखरेलको अध्यक्षतामा करिब दुई महिनाअघि गठन भएको उच्चस्तरीय राष्ट्रिय शिक्षा आयोगमा गैरशिक्षाविद्हरूलाई समेत पूर्वजनमोर्चा भएकै कारण समावेश गरेपछि उनको आलोचना बढ्न पुगेको हो । मन्त्री पोखरेलले आफूसँग लामो समयदेखि निकट रहेका पत्रकार श्याम श्रेष्ठलाई पनि उच्चस्तरीय शिक्षा आयोगमा राखेपछि ‘पत्रकारलाई किन राखियो ?’ भन्ने प्रश्न उठ्न पुगेको थियो । आयोगमा रहेका पत्रकार श्रेष्ठले अहिले आयोगभित्रको विभिन्न समूहमध्ये आधारभूत शिक्षा समूहको जिम्मेवारी लिएर काम गरिरहेका छन् ।
मन्त्री पोखरेलले पत्रकार श्रेष्ठलाई ‘जागिर खुवाउनैका निम्ति’ मात्र आयोगमा राखिएको देखिएको छ । उच्चस्तरीय शिक्षा आयोगमा श्रेष्ठलाई राख्दा ‘हाँसको बथानमा बकुल्ला’ भनेर चर्चा भए पनि आयोगका सदस्यले विशिष्ट श्रेणी (सचिवसरह) को सुविधा पाउने भएको हुँदा श्रेष्ठलाई आयोगमा राखिएको बताइन्छ । आयोगको कार्यावधि चार महिनालाई तोकिएको छ र कात्तिक मसान्तभित्र आयोगले प्रतिवेदन तयार पारिसक्नुपर्छ ।
तर, मन्त्री पोखरेलले भने डा. गोविन्द केसीको आमरण अनशनमा ऐक्यबद्धता जनाउन सडकमा उत्रिएका बुद्धिजीवीहरूको अग्रपंक्तिमा बसेका पत्रकार श्रेष्ठलाई आयोगमा राखे पनि बचाउ गर्दै आएका छन् । श्रेष्ठलाई आयोगमा राखिएको विषयमा मन्त्री पोखरेलले ‘शिक्षा क्षेत्रको सुधार र पुनःसंरचनाका लागि बनेको आयोगमा शिक्षा क्षेत्रभन्दा बाहिरका मानिसलाई पनि राख्न सकिन्छ, शिक्षा क्षेत्रभन्दा बाहिरका मानिसले पनि शिक्षाको बारेमा बुझेका हुँदा योजना बनाउन सुझाव दिन सक्छन्’ भनेर भन्दै आएको बताइन्छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

कसले लग्यो गैंडाको खाग र बाघको जुँगा ?

ShareTweet काठमाडौं । सिंहदरबारस्थित पुरानो प्रधानमन्त्री तथा मन्त्रिपरिषद् कार्यालयको बेलायती बैठकमा सजाइएको अखेटपहारहरू हराएपछि त्यसको चोरी गर्ने चोरको खोजी- ...
पूरा पढ्नुहोस्

स्रष्टा र सिर्जना

नगुन्जिएको एउटा जिन्दगी

ShareTweet ‘वैरीहरू आफ्नै कुकृत्यहरूले उदांगियून् आफ्नै मुर्खतापूर्ण प्रयासले पराजित होऊन् हास्यास्पद तर्कहरू न्यायले शान्तिले समानताका गुञ्जले गुञ्जित होऊन्- ...
पूरा पढ्नुहोस्

नयाँ पुस्तक

जातीय विभेदविरुद्ध अडिग

ShareTweet नेपाली समाजलाई परिवर्तनको लहरले स्पर्श गरे पनि जातीय विभेद र छुवाछुतका प्रकरणमा भने अझै पनि संकुचित र निर्मम नै प्रतीत हुन्छ । आधुनिक विकास र परिवर्तनका- ...
पूरा पढ्नुहोस्

छोटकरीमा