24th June 2019, Monday

टेलिकमको कवाडीमा रैथानेको बोलवाला



काठमाडौं । छाउनीस्थित नेपाल टेलिकम परिसरमा अर्बौं मूल्य पर्ने अनगिन्ती उपकरणहरू वर्षौंदेखि अलपत्र परेका छन् । टेलिकम व्यवस्थापनले ती सामानहरू बेलाबेलामा टेन्डर लगाएर कवाडीमा बेच्ने गरेको छ ।
पछिल्लो समय गोरखापत्र दैनिकमा टेलिकमको वायरलाइन तथा ग्राहक सेवा निर्देशनालयमार्फत एउटा सूचना जारी भएको छ । भदौ १४ गते जारी गरिएको सो सूचनामा टेलिकमका हाकिमहरूको मिलेमतोमा आफ्नो मान्छेलाई टेन्डर दिन चलखेल सुरु भएको आरोप लागेको छ ।
जसमा साढे २ करोडको लिलामका लागि ७ करोड रुपैयाँको कारोबार गरेको विवरण बुझाउनुपर्ने सर्त उल्लेख गरिनुका साथै ब्याट्री कारखानाको सिफारिससमेत ल्याउनुपर्ने सर्त राखिनुले उनीहरूको बदनियत प्रस्ट भएको बताइएको छ ।
सो टेन्डर प्रक्रियामा टेलिकमका हाकिमहरूले राजकुमार अग्रवाल नामका व्यक्तिलाई पूर्वयोजनाअनुसार टेन्डर पार्न खोजिएको आरोप छ । त्यसका लागि नियममै नभएका सर्तहरू विनियममा थप गरी सर्तबन्दी गरेको बताइएको छ ।
अहिलेको सर्तबमोजिम लागू गरिने हो भने सो टेन्डर अग्रवाललले नै पाउने प्रस्ट भएको बताइन्छ । अग्रवाल एनसेलमा पनि यस्तै टेन्डर गर्दै आइरहेका छन् । तर, उनलाई त्यहाँ कालोसूचीमा राखिएपछि अहिले भने अग्रवालले आफ्नो नाममा नभई आफन्तका नामबाट काम जारी राखेका छन् । सो टेन्डरको आवेदन दिने म्याद असोज ६ गतेसम्म रहेको बताइन्छ ।
स्मरणीय छ, टेलिकममका यस्ता कवाडी सामानहरूमा करोडौंको घोटाला हुँदै आएको छ । टेलिकमका प्रबन्ध निर्देशक कामिनी राजभण्डारीको बर्खास्तीपछि निमित्तको जिम्मा लिएको अधिकारीसमेतको यस टेन्डरमा मिलेमतो रहेको बताइन्छ । टेलिकमका कवाडी सामानहरू सेटिङ मिलाएर टेन्डर लिने र करौंडो रकम कमिसन बाँड्ने रैथाने समूह टेलिकममा पहिलेदेखि नै रहेको बताइन्छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा