16th October 2018, Tuesday

E-budhabar

कार्कीको पक्षमा माहोल बन्दै



काठमाडौं । निर्माण व्यवसायी महासंघको २०औं साधारण सभाको संघारमा व्यवसायीहरू सक्षम नेतृत्व जिताउने अभियानमा जुटेका छन् ।
६ असोजमा काठमाडौंमा हुने साधारण सभाका लागि नेकपानिकट नेपाल निर्माण व्यवसायी संघले महासंघका पूर्वअध्यक्ष तथा इन्जिनियर यक्षध्वज कार्कीलाई नेतृत्वका लागि अघि सारेको छ । एक कार्यकाल पूर्वअध्यक्षको जिम्मेवारी सम्हालिसकेका कार्कीले ५५ सदस्यीय कार्यसमितिमा उपाध्यक्ष, महासचिव, सचिव र कोषाध्यक्षसहित टिम निर्माणका लागि कसरत अघि बढाउँदै व्यवसायीहरूसँगको भेटघाटलाई तीव्रता दिइरहेका छन् ।
कांग्रेसनिकट लोकतान्त्रिक निर्माण व्यवसायी संंघले भने गुटगत प्रतिस्पर्धाका कारण अहिलेसम्म अध्यक्षको उम्मेद्वार अघि सार्न सकेको छैन । उक्त खेमाबाट सभापति शेरबहादुर देउवानिकट होमनाथ कोइराला, रामशरण देउजाले दाबी गरेका छन् । त्यस्तै, अध्यक्षकै लागि रवि सिंहले पनि दाबी छ । एउटै खेमाबाट त्रिपक्षीय दाबीका कारण लोकतान्त्रिक खेमाले अहिलेसम्म अध्यक्षको उम्मेदवार तय गर्न सकेको छैन ।
लामो समयसम्म महासंघमा लोकतान्त्रिक खेमाले नेतृत्व गर्दै आएको छ । तर पनि नेपालको निर्माण व्यवसायको क्षेत्रमा दुई÷तीन दर्जन ठूला ठेकेदारहहरूको ठेक्कापट्टामा देखिएको हालिमुहाली र सिन्डिकेट तोडेर दुई तिहाइभन्दा बढी निर्माण व्यवसायीहरूको हकहितको पक्षमा काम गर्न नसकेको निरन्तर आरोप लाग्दै आएको छ । अहिले वामपन्थी समूहले मूलतः यही विषयलाई एजेन्डा अघि सारेको छ । ‘ठूला–साना सबैको साझेदारी, विकृति र विसंगतिप्रति खबरदारी ः राजनीतिक होइन, व्यवसायिक एकताका लागि हाम्रो समझदारी’लाई मूल नारा बनाएको वामपन्थी समूहले यसअघि कुशल नेतृत्व गरिसकेका कार्कीलाई अध्यक्षका रूपमा अघि सारेको हो ।
‘ठूलो राजनीतिक परिवर्तनपछि हामी समृद्धिको अभियानमा छौं, भौतिक पूर्वाधारको विकासमार्फत मुलुकलाई छिटो त्यस दिशामा अघि बढाउने हो भने देश निर्माणको काममा सानाठूला सबैको साझेदारी हुनुपर्ने एजेन्डालाई आत्मसात् गर्नुको विकल्प छैन, कार्की समूहको चुनावी प्रचार समितिका संयोजक खोपनिधि लोहनीले भने, ‘त्यसैले आमनिर्माण व्यवसायीहरूको चाहना र भावनाको प्रतिनिधित्व गर्दै हाम्रो समूह चुनावी प्रचारमा आक्रमक ढंगले अघि बढिरहेको छ ।’ चुनावी तयारीलाई नै मध्यनजर गर्दै निर्माण व्यवसायीहरूले तत्कालीन एमाले र माओवादीनिकट संगठनको एकतासमेत सम्पन्न गरिसकेका छन् । कार्कीनिकट समूहले ५० बुँदे प्रतिबद्धतासमेत अघि सारिसकेको छ ।
को हुन् कार्की ?
दोलखाको खारेमा जन्मिएका कार्कीे कुशल निर्माण व्यवसायीका रूपमा परिचित छन् । त्रिभुवन विश्वविद्यालयबाट सिभिल इन्जिनियरिङ गरेका कार्कीले अन्तर्राष्टिय राजनीतिशास्त्रमा स्नातकोत्तर र कानुनमा स्नातक गरेका छन् । एकपटक अध्यक्षको जिम्मेवारी पूरा गरिसकेका कार्कीले एकपटक उपाध्यक्ष, महासचिव र सचिव तथा दुईपटक सल्लाहकारको जिम्मेवारीसमेत सम्हालिसकेका छन् । महासंघको नेतृत्व सम्हाल्दा विधान समावेशी बनाउने, बोलपत्रको प्रावधानलाई सरलीकरण गर्न अगुवाइ गर्ने, जिल्ला निर्माण व्यवसायी संघका लागि अनुदान दिने व्यवस्थाको सुरुवात गर्नेजस्ता महŒवपूर्ण काम गरेको व्यवसायीहरू चर्चा गर्छन् ।
उनले सार्वजनिक खरिद ऐन र नियमावलीमा भएका अव्यावहारिक प्रावधानलाई संशोधन गराउने, मुलुकी अपराध (संहिता) ऐन २०७४ को दफा २५० लाई खारेजीका लागि पहल गर्ने प्रतिबद्धता अघि सारेका छन् । त्यस्तै, अन्तरदेशीय सम्बन्ध विस्तार, कोषको व्यवस्था र अन्तर्राष्ट्रिय सम्बन्धबारे समेत उनले योजना अघि सारेका छन् ।

 

Leave a Reply

... र यो पनि ...

चक्रपथ

करोडपति खरदार

ShareTweet काठमाडौं । सामान्यतया एक सरकारी कर्मचारी त्यो पनि खरदार तहको । उसको तलबले काठमाडौंको यो महँगीमा केके गर्न पुग्ला ? स्वाभाविक उत्तर हुन्छ– जेनतेन परिवार पाल्न- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा