18th June 2019, Tuesday

लुम्बिनीको पर्खालमा मन्त्रीको नजर



काठमाडांै । संस्कृति, पर्यटन तथा नागरिक उड्डयनमन्त्री रवीन्द्रप्रसाद अधिकारीले कुनै अध्ययन नै नगरी र बिनाइस्टिमेट लुम्बिनी गुरुयोजनावरिपरि पर्खाल लगाउन दिने निर्णयमा सही धस्काएका छन् । मन्त्री अधिकारीको निर्णयपछि अहिले लुम्बिनी क्षेत्रमा त्यसको तीव्र विरोध हुन थालेको छ ।
केही दिनअघि मन्त्री अधिकारीको अध्यक्षतामा बसेको लुम्बिनी विकास कोषको बैठकले लुम्बिनी गुरुयोजना वरिपरि ६ फिट अग्लो सुरक्षा पर्खाल लगाउन लुम्बिनीकै एक संस्थालाई जिम्मा दिइएको थियो । करिब १६ किलोमिटर लामो सुरक्षा पर्खाल लगाउन बोधी टिभी नामक संस्थालाई जिम्मा दिइएको हो । उक्त पर्खालको माथिल्लो भागमा भने चीनको ग्रेटवालजस्तै मानिसहरू हिँड्न मिल्ने बाटो बनाउने पनि टुंगो लागेको छ ।
लुम्बिनी क्षेत्रमा टेलिभिजन च्यानल सञ्चालन गर्ने अनुमति लिएको बोधी टिभीले उक्त पर्खाल निर्माणको जिम्मा पाएको हो । सो संस्थाले भिक्षुमैत्री महास्थवीरको निवासमा कोठा लिएर टेलिभिजन चलाउँदै आइरहेको छ । तर, उक्त टेलिभिजन संस्थाले लुम्बिनी गुरुयोजनावरिपरि पर्खाल लगाउने जिम्मा पाउन पाँच वर्षदेखि प्रयास गर्दै आइरहेको थियो । तर, लामो समयदेखि पर्खाल निर्माणको जिम्मा लिने प्रयत्न गरे पनि सो संस्थाले अर्बौंको काम गर्न नसक्ने देखेपछि उक्त संस्थालाई पर्खाल निर्माणको जिम्मा दिइरहेको थिएन । तर, मन्त्री अधिकारी भने संस्थाका सञ्चालकहरूको प्रभावमा परेर सो संस्थालाई निर्माणको जिम्मा दिन सहमत भएका हुन् ।
त्यसो त लुम्बिनी गुरुयोजना वरिपरि पर्खाल लगाउन दिने निर्णय भने युनेस्कोको मान्यताविपरीत रहेको छ । लुम्बिनी विश्व सम्पदा सूचीमा परेको हुँदा सो सूचीमा परेका सम्पदाहरूमा कुनै भौतिक पूर्वाधार निर्माण गर्न युनेस्कोको अनिवार्य स्वीकृति लिनुपर्ने हुन्छ । तर, लुम्बिनी गुरुयोजनावरिपरि पर्खाल लगाउने विषयमा युनेस्कोसँग कुनै अनुमति लिइएको छैन ।
लुम्बिनी गुरुयोजना वरिपरि पर्खाल लगाउने अनुमति बोधी टिभीले पाएपछि उक्त संस्थाको हैसियत त्यस्तो नरहेको बताइन्छ । १६ किलोमिटर पर्खाल लगाउन अर्बौं रकम लाग्ने भएको हुँदा त्यति धेरै रकम कोषले तत्काल जुटाउन सक्ने अवस्था नरहेको बताइन्छ । तर, कोषका पदाधिकारीहरूको सोही पर्खाल निर्माणको योजना देखाएर विदेशीहरूसँग पैसा धुत्ने चालबाजी रहेको पनि कतिपयले आशंका गरेका छन् । कोषले तीन वर्षमा सम्पन्न गरिसक्नुपर्ने २–४ करोडको काम दसौं वर्षसम्म पनि पूरा हुन नसकिरहेको अवस्था सो पर्खाल निर्माणको काम अघि बढ्ने आशंका देखिएको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा