21st February 2019, Thursday

E-budhabar

पैसा लिँदै, नवीकरण गर्दै



काठमाडौं । वर्षौंैंदेखि नवीकरण नगरेर खारेजीमा परिसकेका शैक्षिक कार्यक्रमहरूलाई आर्थिक चलखेलका आधारमा नवीकरण गर्ने कार्यमा अहिले प्राविधिक शिक्षा तथा व्यावसायिक तालिम परिषद् (सीटीईभीटी) का कर्मचारीहरू सक्रिय हुन थालेका छन् । कानुनतः तीन वर्षसम्म नवीकरण नभएका कार्यक्रमहरू स्वतः खारेज हुने भए पनि अहिले भने १० वर्षअघि केही शैक्षिक संस्थाले अनुमति लिएका कार्यक्रमहरूलाई नवीकरण गर्न थालिएको छ ।
आफूबाट सम्बन्धन प्राप्त गरेका संस्थाहरूलाई सीटीईभीटीले विगत लामो समयदेखि ‘निजी स्तरमा शैक्षिक÷तालिम कार्यक्रम’ सञ्चालन गर्दै आएको छ । त्यस्तो कार्यक्रममा १८ महिने कार्यक्रम र टीएसएलसीको कार्यक्रम रहेका छन् । कृषि, सिभिल इन्जिनियर, अमिन, इलेक्ट्रिकललगायत विषयमा सीटीईभीटीले विभिन्न संस्थालाई कार्यक्रम दिँदै आएको छ । तर, कुनै पनि संस्थाले सीटीईभीटीबाट कार्यक्रम लिएपछि हरेक वर्ष नवीकरण गर्नुपर्ने प्रावधान पनि राखिएको छ । नवीकरणका सम्बन्धमा सीटीईभीटीले स्पष्ट व्यवस्था गर्दै भनेको छ, ‘तीन वर्षसम्म लगातार कार्यक्रम नवीकरण नगरे सो कार्यक्रम स्वतः रद्द हुनेछ ।’
तर, सीटीईभीटीको स्तर निर्धारण तथा सम्बन्धन महाशाखाका प्रमुख जीवनारायण काफ्लेले भने कार्यक्रम लिएर लामो समयसम्म सञ्चालन नगरेका केही संस्थाको नवीकरण गर्ने तयारी गर्न थालेका छन् र त्यसको फाइलसमेत उनले उठाइसकेका छन् । काफ्लेकै पहलमा १० वर्षसम्म सञ्चालनमा नआएका र नवीकरणसमेत नगरी बसेका केही संस्थाको नवीकरण गर्ने तयारी थालिएको हो । समयमै नवीकरण गर्दा प्रतिकार्यक्रम १ हजारदेखि ३ हजारसम्म नवीकरण शुल्क लाग्ने भए पनि काफ्लेले भने तीन वर्ष अवधि कटिसकेका त्यस्ता संस्थाहरूले लिएको एउटै कार्यक्रमको करिब ३ लाख रुपैयाँ लिएर कार्यक्रम नवीकरण गर्न लागेको बताइन्छ । विगतमा काफ्ले पूर्वशिक्षामन्त्री गोपालमान श्रेष्ठलाई मोटो रकम बुझाएर सो महाशाखाको प्रमुख बन्न सफल भएका थिए ।
केही संस्थाले सीटीईभीटीबाट दुई÷तीन वटा कार्यक्रम लिने र त्यसमध्ये एउटा मात्र चलाउँदै आएका थिए । सीटीईभीटीबाट लिएका कार्यक्रमहरू ती संस्थाहरूले सञ्चालन नगरी बसेका थिए । तर, अहिले भने पहिला नै स्वीकृत लिइसकेका र लामो वर्षदेखि नचलाएका कार्यक्रम चलाउँदा फाइदा हुने देखिएपछि ती संस्थाहरूले लाखौं रकम बुझाएर कार्यक्रमको नवीकरण चाहेको बुझिएको छ । त्यसरी नवीकरण गर्ने संस्थाहरूमा कृषि र सिभिलको पढाइ हुने धनुषास्थित शारदा टेक्निकल स्कुल, अमिन पढाइ हुने वीरगन्जस्थित इन्स्टिच्युट अफ रुरल हेल्थ, सिभिल र इलेक्ट्रिकल पढाइ हुने काठमाडौंको मल्टिस्किल प्रालि, अमिन पढाइ हुने बुटवलस्थित सिद्धार्थ टेक्निकल स्कुललगायत आठवटा छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा