21st February 2019, Thursday

E-budhabar

डोलिडारका अड्डा जमाउनेकै वर्चस्व



काठमाडौं । सचिवको कृपा पाएका कारण स्थानीय पूर्वाधार तथा ग्रामीण कृषि सडक विभाग (डोलिडार) का केही ‘भाग्यमानी’ निर्देशकहरू यो वर्ष पनि सरुवा भएनन् । संघीय मामिला तथा सामान्य प्रशासन सचिव दिनेशकुमार थपलियाका कृपाका कारण वर्षौंदेखि डोलिडारमा ढलीमली गरिरहेका दर्जनजति कार्यक्रम निर्देशकहरू सरुवाको सूचिमा परेनन् ।
मन्त्रालयले साउन र भदौ महिनामा डोलिडारअन्तर्गतका विभिन्न आयोजना र जिल्ला तहका कार्यालयहरूमा कार्यरत ३९२ जना प्राविधिक कर्मचारीहरूको सरुवा गरे पनि डोलिडारमा विगत ७ देखि १५ वर्षसम्म बसिरहेका दर्जनजति कर्मचारीहरूलाई सरुवा नगरिएको हो । काठमाडौं उपत्यकामा एउटा कर्मचारी एउटा कार्यालयमा कम्तीमा डेढ वर्ष मात्रै बस्न पाइने प्रावधान भए पनि डोलिडारका कर्मचारीहरू भने सात वर्षभन्दा बढी समयदेखि कार्यरत छन् ।
यस पटक सरुवाबाट ‘वञ्चित’ भएका डोलिडारका कर्मचारीहरूमा कुमार थापालगायत छन् । प्राविधिक उपसचिव थापा एसएनआरपीपीका कार्यक्रम संयोजक हुन् । सो परियोजनामा सहसचिव तहका कर्मचारीको दरबन्दी भए पनि उपसचिव थापालाई लामो समयदेखि नै कार्यक्रम संयोजकको जिम्मेवारी दिइँदै आएको छ । त्यस्तै, लामो समयदेखि डोलिडारमा बस्नेहरूमा एसएनआरपीपीको हेटौंडा शाखाका प्रमुख राजु श्रेष्ठ, सोही परियोजनाको बुटवल शाखाका प्रमुख शंकर पण्डित पनि हुन् । सोही परियोजनाको केन्द्रीय कार्यालयमा कार्यरत प्रेमदत्त भट्ट पनि सरुवा नहुने भाग्यमानीमा पर्दछन् ।
डोलिडारअन्तर्गतको अर्को परियोजना आरसीआईपीमा कार्यरत ठाकुरराज पन्त त विगत १५ वर्षदेखि उपत्यका छाड्नुनपर्ने भाग्यमानीमा दरिएका छन् । आरसीआईपीकै झापा शाखाका प्रमुख शम्भु कार्की पनि लामो समयदेखि उक्त ठाउँमा नै रहेका छन् । विभागको पक्की पुल शाखाका प्रमुख माधव भट्टराई, ग्रामीण खानेपानी आयोजनाका महेश्वर घिमिरे, ईईएपीका अमृत श्रेष्ठ, ईएसआरपीका हरिप्रसाद शर्मा र आरसीआईपी, काठमाडौं शाखाका मोहन चापागाईको पनि लामो समयदेखि सरुवा भएको छैन । सहसचिव गणेशराज वस्तीलाई भने केही महिनापूर्व भूकम्प समन्वय एकाइको प्रमुख बनाइएको थियो ।
मन्त्रालयले ठूलो संख्यामा कर्मचारीको सरुवा गर्दा पनि डोलिडारमा वर्षौंदेखि रजगज गर्दै आएका केही कर्मचारीलाई किन चलाइएन ? भन्ने प्रश्न अहिले अरू कर्मचारीहरूले उठाउन थालेका छन् । ती कर्मचारीहरूको सचिव थपलियासँग राम्रो सम्बन्ध रहेको हुँदा उनीहरूको सरुवा नगरिएको सूत्रको दाबी छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा