27th May 2019, Monday

E-budhabar

२० न्यायाधीश रिक्त



काठमाडौं । सर्वोच्च अदालतमा नयाँ प्रधानन्यायाधीश ओमप्रकाश मिश्रको बहालीसँगै सर्वोच्चदेखि जिल्लासम्मका न्यायाधीशहरूको रिक्त पदमा छिट्टै पूर्ति हुने चर्चा सुरु भएको छ । देशभर मुद्दाको चाप बढिरहेकाले मिश्रले पदबहालीलगत्तै रिक्त पदहरूमा नियुक्तिमा चासो देखाएपछि पदपूर्तिको चर्चा सुरु भएको हो । आगामी पुससम्म मात्र पदमा बहाल रहने भएका कारण प्रधानन्यायाधीश मिश्रले छोटो समयमै न्यायिक क्षेत्रमा धेरै काम गर्नुपर्ने चुनौती छ । सोही कारण पनि उनले पदपूर्तिमा तत्काल चासो देखाएका हुन् ।
न्यायपरिषद्का अनुसार अहिले सर्वोच्च अदालतमा प्रधानन्यायाधीशसहित २१ न्यायाधीशको दरबन्दी रहेकोमा दुईवटा पद खाली रहेको छ । त्यस्तै, उच्च अदालतमा रहेको १ सय ६० जनाको दरबन्दीमा १३ जना न्यायाधीशको पद खाली रहेको छ । जिल्ला अदालतहरूको २ सय ४० जनाको दरबन्दीमा आठ जनाको पद रिक्त रहेको छ । न्याय परिषद्का प्रवक्ता सहसचिव रामेश्वर रेग्मीले रिक्त पदबारे छिट्टै बस्ने न्याय परिषद् बैठकमा छलफल हुने बताए ।
तत्कालीन प्रधानन्यायाधीश गोपालप्रसाद पराजुली पदमुक्त भएपछि ईश्वरप्रसाद खतिवडाले अवकाश पाएका थिए । उनीहरूको बहिर्गमनपछि ती दुई न्यायाधीशको पद सर्वोच्च अदालतमा खाली छ ।
पराजुलीपछि लामो समयसम्म दीपकराज जोशीले कामु प्रधानन्यायाधीश बनेर जिम्मेवारी सम्हाले । त्यसैले पनि अदालतको रिक्त न्यायाधीशको पदपूर्ति हुन सकेन । उच्च अदालतहरूलाई रिट र बन्दी प्रत्यक्षीकरणको पनि अधिकार दिइएपछि मुद्दाको चाप बढेको छ । तर, उच्च अदालतमा पनि १३ न्यायाधीशको पदपूर्ति हुन सकेको छैन । जिल्लाहरूमा भने आठ जना न्यायाधीशको पद मात्र रिक्त रहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नौ महिनामा १ खर्ब ८२ अर्बको इन्धन खरिद

ShareTweet काठमाडौं । चालू आर्थिक वर्षको नौ महिनामा करिब १० खर्ब रुपैयाँबराबर व्यापार घाटा देखिएको छ । आर्थिक वर्ष २०७५÷७६ को चैत मसान्तसम्म ९ खर्ब ९१ अर्ब ७८ लाख ८८- ...
पूरा पढ्नुहोस्

स्रष्टा र सिर्जना

अब पनि झुन्ड–संस्कृति ?

ShareTweet पूर्ववर्ती समयमा होस् वा वर्तमान समयमा नै किन नहोस्, हरेक क्षेत्र झुन्डवादले आक्रान्त छ । हरेक क्षेत्रमा झुन्ड–संस्कृति मौलाउँदो छ । अरू क्षेत्र वा तप्कामा- ...
पूरा पढ्नुहोस्

नयाँ पुस्तक

संघर्षशील महिला–गाथा

ShareTweet निःसन्देह जिम्मेवारी र दायित्वबोधको भारी पुरुषले भन्दा महिलाले नै धेरै बोक्नुपर्छ । त्यो सामाजिक भारी पनि हुनसक्छ र पारिवारिक भारी पनि । सामन्ती समाजका- ...
पूरा पढ्नुहोस्

छोटकरीमा