18th February 2020, Tuesday

E-budhabar
Header Right Side NTC Advertisement

टेलिकमको कवाडीमा ठूलै ‘डिल’

काठमाडौं । छाउनीस्थित नेपाल टेलिकम परिसरमा रहेका कवाडी उपकरण बिक्री सम्बन्धमा खोलिएको टेन्डरमा ठूलो आर्थिक चलखेल सुरु भएको छ । ब्याट्रीलगायत अन्य उपकरणजन्य कडाडी सामान उठाउन टेलिकमको वायरलाइन तथा ग्रामीण सेवा निर्देशनालयले टेन्डर आह्वान गरेकोमा कम रकम बोलकबोल गर्ने कम्पनीलाई ठेक्का दिने चलखेल सुरु भएको बताइन्छ ।
सबै विवरण प्राप्त भइसकेर पनि ‘अब एकदुई दिनमा मात्र टुंगिने’ भन्दै टेलिकमका कर्मचारीहरूले आर्थिक डिलिङ सुरु गरेको टेलिकम स्रोतले जानकारी दिएको छ । सो सूचनापछि नौवटा कम्पनीहरूले आवेदन पेस गरेका थिए । त्यसमध्ये पहिलो नम्बरमा बढी रकम दाबी गर्ने कम्पनी श्री स्क्रेप बाई एन्ड सेल हो । उसले ७ करोड रुपैयाँ कबोल गरेको छ भने दोस्रो बढी अंक दाबी गर्ने कम्पनी कुलायन ब्याट्री उद्योग लिमिटेड हो । उसले ६ करोड ११ लाख ७४ हजार दाबी गरेको छ । त्यसैगरी, तेस्रो बढी रकम दाबी गर्ने देपुता इन्जिनियरिङ कम्पनी हो । उसले ५ करोड ७१ लाख रुपैयाँ कबोल गरेको छ । जसका सञ्चालक राजकुमार अग्रवाल हुन् । सरकारलाई करिब डेढ करोड रुपैयाँ फाइदा हुने देख्दादेख्दै अग्रवाललाई नै टेन्डर दिने गरी काम अघि बढाउनुमा आर्थिक चलखेलले काम गरेको बताइएको छ ।
अग्रवाललाई नै टेन्डर पार्ने गरी प्रबन्ध मिलाउन टेन्डर फर्मको १० नम्बर पानामा दफा ६ को ‘ख’ र ‘ग’मा नयाँ बुँदा थप गरी ब्याट्री कम्पनी आफ्नै भएको हुनुपर्ने र ३ वर्षमा ७ करोडको कारोबार देखाउनुपर्ने सर्त राखिएको बताइएको छ । पछिल्लोपटक यसरी थपिएको सर्त अग्रवालका लागि हेरेर थपिएको टेलिकम स्रोतले बतायो ।
त्यसो त ब्याट्रीमा सिसा मात्र हुन्छ भनेर त्यो डिस्पोजलका लागि ब्याट्री उद्योग नै चाहिन्छ भन्ने सर्त थपिए पनि त्यो तर्क वैज्ञानिक नभएको बताइएको छ । ब्याट्रीभित्र पनि प्लास्टिक, कागज र अन्य केमिकलसमेत हुने र ब्याट्री कारखाना आफ्नै नहुनेले अन्य ब्याट्री कम्पनीसँग सहकार्य गरेर पनि डिस्पोजल गर्न सक्नेछ । तर, यो कुरालाई नजर अन्दाज गरी नयाँ सर्त थपिनुमा ठुलै आर्थिक डिल भएको स्रोतको दाबी छ ।
अग्रवालको टेलिकमलगायत अन्य क्षेत्रसँग लामो समयदेखिको सेटिङ रहेकाले उनले नै सो टेन्डर हात पार्न विभिन्न चलखेल गरिरहेको थाहा भएको छ । टेलिकमका कर्मचारीहरू पनि उनको प्रलोभनमा परेकाले सो ठेक्कामा विभिन्न सर्त तथा बुँदाहरू थपेरै पनि अग्रवाललाई नै दिने र उनलाई सो ठेक्का मिलाउन नसकेमा ठेक्का नै रद्द गर्ने योजनामा रहेको बुझिएको छ । स्मरणीय छ, अग्रवाललाई नै सो ठेक्का मिलाउन नसकेका कारण यसअघि २०७० र २०७४ सालमा गरी दुईपटक नै रद्द भइसकेको छ ।
टेलिकमको आन्तरिक मूल्यांकनमा सो पुरानो ब्याट्रीको मूल्य २ करोड २८ लाख रुपैयाँ कायम गरिएको थियो । तर, त्यति मूल्य हुँदाहुँदै पनि ७ करोड रुपैयाँ तिर्न तयार हुने पक्षलाई टेन्डर दिएर राजस्व बढाउनुपर्नेमा पुन अग्रवाललाई दिने गरी गृहकार्य अघि बढाइएको छ ।
पछिल्लो समय गोरखापत्र दैनिकमा टेलिकमको वायरलाइन तथा ग्राहक सेवा निर्देशनालयमार्फत एउटा सूचना जारी भएको थियो । जसमा साढे २ करोडको लिलामका लागि ७ करोड रुपैयाँको कारोबार गरेको विवरण बुझाउनुपर्ने सर्त उल्लेख गरिनुका साथै ब्याट्री कारखानाको सिफारिससमेत ल्याउनुपर्ने सर्त राखिनुले बदनियत प्रस्ट भएको बताइएको छ ।
सो टेन्डर प्रक्रियामा राजकुमार अग्रवाल नामका व्यक्तिलाई पूर्वयोजनाअनुसार टेन्डर पार्न खोजिएको आरोप छ । त्यसका लागि नियममै नभएका सर्तहरू विनियममा थप गरी सर्तबन्दी गरेको बताइएको छ । स्मरणीय छ, टेलिकममका यस्ता कवाडी सामानहरूमा करोडौंको घोटाला हुँदै आएको छ । टेलिकमका कवाडी सामानहरू सेटिङ मिलाएर टेन्डर लिने र करौंडो रकम कमिसन बाँड्ने रैथाने समूह टेलिकममा पहिलेदेखि नै रहेको बताइन्छ ।
सो ठेक्कामा यी तीनबाहेक जगदम्बा ब्याट्री उद्योग प्रालि गौर, सेल ट्रोनिक सोलुसन प्रालि, आईएमएस कन्सल्टेन्सी प्रालि, ओमश्री शक्ति टे«डर्स, भृगु कन्ट्रक्सन र स्टार मेटलले आवेदन दिएका छन् ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...