21st February 2019, Thursday

E-budhabar

यस्ता पात्र किन प्रिय लाग्छन् रु



यस्ता पात्र किन प्रिय लाग्छन् रु

काठमाडौं । नेपाल कम्युनिस्ट पार्टी ९नेकपा० का अध्यक्ष पुष्पकमल दाहाल ‘प्रचण्ड’ सिंगापुरबाट सोमबार स्वदेश फर्किएका छन् । पत्नी सीता दाहाललाई सिंगापुरस्थित एमटी एलिजाबेथ अस्पतालमा ‘फलोअप उपचार’ गराएर प्रचण्ड स्वदेश फर्किंदै गर्दा सार्वजनिक भएको विमानस्थलको एउटा स्वागत तस्बिरले अहिले बजार गर्मराएको छ । पत्नीको उपचार गराएर स्वदेश फर्किएका कारण मानवीय हिसाबले प्रचण्डप्रति सद्भाव र सीताको स्वास्थ्यप्रति आमचासो हुनुपर्नेमा उल्टो त्यो तस्बिरको चाहिँ बढी चर्चा भइरहेको छ ।
प्रचण्ड राति ९ बजे पुत्री गंगा, भतिज समीरसहित स्वदेश फर्किएका थिए । उनी जहाजबाट ओर्लिनेबित्तिकै स्वागत गर्ने लहरको अग्रपंक्तिमा एउटा मोटोघाटो खाइलाग्दो व्यक्ति बसेका थिए । महासचिव विष्णु पौडेल, केन्द्रीय कार्यालय सचिव कृष्ष्णगोपाल श्रेष्ठ, ३ नम्बर प्रदेशका अध्यक्ष नारायण दाहालसहितका नेताहरूसँगै उभिएका ती खाइलाग्दो व्यक्तिले प्रचण्डलाई स्वागत गर्दै खादा ओढाइदिए । ती थिए– झापास्थित बीएमसी मेडिकल कलेजका सञ्चालक दुर्गा प्रसाईं ।
त्यति मात्र होइन, त्रिभुवन अन्तर्राष्ट्रिय विमानस्थलस्थित रनवेबाट विशिष्ट कक्षसम्म प्रसाईं प्रचण्डसँगै पछिपछि आए र देब्रेतिर कुम जोडेर प्रचण्डसँगै बसे । यतिसम्म कि प्रचण्डको नजिक प्रसाईंबाहेकका अन्य नेताले बस्ने हिम्मतसमेत गरेनन् । त्यसो त प्रसाईं नेकपाका नेताहरूसँग अपरिचित हुने कुरै थिएन । तर, विमानस्थलमा स्वागत गर्न पुगेका थुप्रै नेकपाका कार्यकर्ताहरू भने कुम जोडेर बसेका अपरिचित प्रसाईंको अस्वाभाविक जस्तो लाग्ने गतिविधि अर्थात् गैरशाब्दिक सञ्चार देखेर आश्चर्यचकित हुँदै कानेखुसी गरिरहेका देखिन्थे । अहिले प्रचण्डसँगै कुम जोडेर बसेको प्रसाईंको फोटो नेकपाका कार्यकर्ताहरूले फेसबुकलगायतका सामाजिक सञ्जालहरूमा भाइरल बनाएका छन् । फोटोबारे सार्वजनिक रूपमा बहस बढ्दै गएको छ ।
‘हाम्री हजुरआमाले यो फोटो देख्नुभयो भने के भन्नुहुन्छ होला रु जनयुद्धमा छोरो गुमाउँदाको क्षण, छोराछोरीलाई पटकपटक जेलमा भेट्दाको पल, पुलिसको अपमानको तस्बिरलाई कसरी तुलना गर्नुहुँदो हो यो तस्बिरसँग । सम्झिँदा आफैंलाई डर लाग्यो, कस्तो हुँदो रहेछ सत्ता र शक्ति बाफ रे बाफ कसरी परिवर्तन गराइदिने रैछ है रु’ सामाजिक सञ्जालमा प्रचण्डलाई व्यंग्य गर्दै अनेरास्ववियु क्रान्तिकारीका केन्द्रीय सदस्य सविन खड्काले लेखेका छन् ।
खड्का सहिद रितबहादुर खड्काका भतिजा हुन् । नेकपाका स्थायी समिति सदस्य घनश्याम भुसालले खड्काले पोस्ट गरेको सामाजिक सञ्जालको तस्बिरमाथि प्रतिक्रिया जनाउँदै ‘यस युगको वास्तविक तस्बिर’ भनेका छन् ।
त्यसो त प्रसाईं धेरै पहिलेदेखि चर्चामा छन् । गैरकानुनी तरिकाले मेडिकल कलेज सञ्चालन गरिरहेको आरोप खेपिरहेका उनीमाथि अन्य थुप्रै आरोपसमेत छ । पार्टी एकता टुंगिने बेला उनै प्रसाईंले भक्तपुरस्थित निवासमा अध्यक्षद्वय ओली र प्रचण्डलाई मार्सी चामलको भात खुवाएकोे तस्बीर पोस्ट गरेका थिए । उक्त तस्बिर पोस्ट भएपछि कम्युनिस्ट पार्टीको नेतृत्व दलाल पुँजीपतिहरूको चंगुलमा परेको भन्दै कार्यकर्ताहरूले निरन्तर आलोचना गर्ने क्रम बढ्दै गएको छ । यसबारे प्रमाणसहित नेकपाको स्थायी समितिको आगामी बैठकमा कुरा उठ्न सक्ने एक नेताले बताए ।
प्रचण्डको संरक्षणकै कारण कालोसूची र कारबाहीबाट जोगिँदै आएका शैलुङ कन्सट्रक्सन प्रालिका सञ्चालक ठेकेदार शारदाप्रसाद अधिकारीको ललितपुरस्थित घरमा बसेर पार्टी एकतासम्बन्धी पटकपटक छलफल भएको विषय नेकपाभित्र बहस ताजै रहेका बेला फेरि अर्को तस्बिरको बहसले बजार तताउने निश्चितजस्तै छ । तिनै अधिकारीले खुमलटारमा प्रचण्डलाई उपहारस्वरूप घर दिएकाले कालोसूचीबाट जोगिदैं आएको चर्चा हुने गर्छ । त्यसो त स्वच्छ र इमानदार छविको परिचय बनाएका गृहमन्त्री रामबहादुर थापा ‘बादल’ र प्रचण्डबीच तिनै अधिकारीलाई कारबाही गर्ने कि नगर्ने विवाद भएको समाचारसमेत यसअघि सार्वजनिक भएको थियो ।

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा