27th May 2019, Monday

E-budhabar

नेविसंघमा ‘टिके’को तयारी



काठमाडौं । प्रतिस्पर्धामा गए पराजित हुने डरले भ्रातृ संगठन नेपाल विद्यार्थी संघको नेतृत्व ‘टीका’ लगाएर चयन गर्ने तयारीका कांग्रेस सभापति शेरबहादुर देउवा रहेको बुझिएको छ । पछिल्लोपटक भएका भ्रातृसंगठनका अधिवेशनमा एकपछि अर्कोमा हार बेहोर्दै गएपछि सभापति देउवा नेविसंघमा चुनाव नगराउने र अहिलेकै नेतृत्वलाई सर्वसम्मत गराउने तयारीमा रहेको बुझिएको छ ।
दुई वर्ष कार्यकाल रहेको नेविसंघको अधिवेशन यसअघि २०७३ भदौमा भएको थियो । विधानतः आगामी मंसिर २ गतेसम्म नयाँ नेतृत्व नआए पुरानो नेतृत्वसमेत स्वत भंग हुन्छ । आजको ठीक २९ दिनपछि अर्थात् कात्तिक १६ गतेका लागि अधिवेशनको मिति तोकिएको छ । यहीबीचमा ठूला चाडबाडहरू पनि पर्छन् । जसले गर्दा अधिवेशनका लागि समय ज्यादै थोर छ । तर, गर्नुपर्ने तयारी केहि गरिएको छैन । पार्टी नेतृत्वले नै तयारीमा तगारो हालेको बताइन्छ । पार्टीको केन्द्रीय कमिटी बैठकले विधान र नियमावली स्वीकृत गनुपर्ने हुन्छ । विधान र नियमावली भदौ तेस्रो साता नै पार्टीमा बुझाए पनि अझै स्वीकृत भएको छैन । विधान र नियमावली स्वीकृत नहुँदा तलतल अधिवेशन हुने र प्रतिनिधि चयन हुने सबै काम ठप्प छ । तोकिएकै मितिमा महाधिवेशन गर्न यतिबेला तलतल युद्धगतिमा प्रतिनिधि चयनको काम हुनुपथ्र्यो । तर, सबै गतिविधि शून्य छ । स्रोतले भन्यो, ‘सभापति देउवाको चाहना टीका लगाएर नयाँ नेतृत्व ल्याउने भएकाले यी सबै काम रोकिएका हुन् । अन्तिम घडीमा अधिवेशन गर्न सम्भव भएन त्यसैले, सर्वसम्मत नेतृत्व चुन्ने नाममा आफ्नो निकटलाई ल्याउने तयारी भएको बुझिएको छ । उमेर हद ३२ वर्ष लगाउने प्रस्ताव राम्रो भए पनि अहिले अधिवेशन नगर्ने र टिके नेतृत्व ल्याउने मनशायले आएको बताइन्छ । निर्देशन समितिका संयोजक प्रकाशशरण महतले नेविसंघले प्रस्ताव गरेको विधान लुकाएर आफंैले नयाँ प्रस्ताव ल्याएको भन्दै रामचन्द्र पौडेल, कृष्णप्रसाद सिटौला, प्रकाशमान सिंहलगायतका नेताले नोट अफ डिसेन्ट लेखेका छन् ।
अघिल्लो महाधिवेशनमा तेस्रो धारका नेता कृष्णप्रसाद सिटौला समूहले पनि सहयोग गरेका कारण देउवानिकट नैनसिंह महरको नेतृत्वले जितेको थियो । तर, यसपटक सिटौला पनि देउवासँग टाढा रहेकाले निर्वाचनमा जाँदा हार्ने डरले देउवामा घर गरेको बताइन्छ । पछिल्लोपटक अधिवेशन भएका शिक्षक, मजदुर, कानुन व्यवसायीलगायत जनसंगठनमा हार बेहोरिसकेका देउवा नेविसंघमा पनि त्यही स्थिति आउन दिने पक्षमा नरहेको बताइन्छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

नौ महिनामा १ खर्ब ८२ अर्बको इन्धन खरिद

ShareTweet काठमाडौं । चालू आर्थिक वर्षको नौ महिनामा करिब १० खर्ब रुपैयाँबराबर व्यापार घाटा देखिएको छ । आर्थिक वर्ष २०७५÷७६ को चैत मसान्तसम्म ९ खर्ब ९१ अर्ब ७८ लाख ८८- ...
पूरा पढ्नुहोस्

स्रष्टा र सिर्जना

अब पनि झुन्ड–संस्कृति ?

ShareTweet पूर्ववर्ती समयमा होस् वा वर्तमान समयमा नै किन नहोस्, हरेक क्षेत्र झुन्डवादले आक्रान्त छ । हरेक क्षेत्रमा झुन्ड–संस्कृति मौलाउँदो छ । अरू क्षेत्र वा तप्कामा- ...
पूरा पढ्नुहोस्

नयाँ पुस्तक

संघर्षशील महिला–गाथा

ShareTweet निःसन्देह जिम्मेवारी र दायित्वबोधको भारी पुरुषले भन्दा महिलाले नै धेरै बोक्नुपर्छ । त्यो सामाजिक भारी पनि हुनसक्छ र पारिवारिक भारी पनि । सामन्ती समाजका- ...
पूरा पढ्नुहोस्

छोटकरीमा