20th April 2019, Saturday

E-budhabar

नेकपा बैठकमा एक दर्जन एजेन्डा



काठमाडौं । नेपाल कम्युनिस्ट पार्टी (नेकपा) को सचिवालय बैठकमा एक दर्जन एजेन्डा प्रस्ताव भएको छ । महासचिव विष्णु पौडेलले स्थायी समिति बैठकमा छलफलका लागि एजेन्डा तय गर्न केन्द्रीय सचिवालय बैठकमा एक दर्जन एजेन्डा प्रस्तुत गरेका हुन् । बुधबार (आज) बस्ने सचिवालय बैठकले एजेन्डाहरूलाई अन्तिम रूप दिने प्रवक्ता नारायणकाजी श्रेष्ठले बताए ।
नेकपाको स्थायी समिति बैठक तीन महिनादेखि बस्न सकेको छैन । विधानमा तीन महिनाको समयसीमाभित्र स्थायी समिति बैठक बस्ने व्यवस्था रहे पनि पटकपटक बोलाइएको बैठक स्थगित हुँदै आएको छ । लामो समयदेखि छलफल गर्नुपर्ने थुप्रै विषय थाती रहेका कारण पनि सचिवालयले एक दर्जन एजेन्डामा स्थायी समितिमा छलफल गर्ने गरी सचिवालयले गृहकार्य अघि बढाएको हो । विधानअनुसार २१ असोजभित्र स्थायी समिति बैठक बसिसक्नुपर्नेमा समयसीमा गुज्रिसकेको छ । महŒवपूर्ण राजनीतिक निर्णयहरू फटाफट सचिवालयबाट हुँदै आएको भन्दै स्थायी समितिका थुप्रै नेता असन्तुष्ट छन् । समयसीमा गुजारेर छोटो छलफलबाट धेरै एजेन्डा पास गर्ने गरी सचिवालयले गृहकार्य गरिरहेका बेला नेकपा स्थायी समितिमा कसरी छलफल होला ? गम्भीर चासोका रूपमा लिइएको छ ।
बैठकमा महासचिव पौडेलले रिर्पोटिङ, स्थायी समिति बैठकको मिति, प्रदेश संगठन कमिटीको पूर्णता, जिल्ला कमिटीहरूको एकीकरण, पोलिटब्युरो, केन्द्रीय निकाय र केन्द्रीय विभागहरूको पूर्णता, जनवर्गीय संगठनहरूको एकीकरण, दसैंतिहार र छठ पर्वको शुभकामना आदानप्रदान तथा चियापान कार्यक्रम स्थायी समिति बैठककका लागि प्रस्तावित एजेन्डा सचिवालयमा छलफलका लागि प्रस्ताव गरेका छन् । त्यस्तै, माधव नेपालको असहमतिपत्र, सरकारको कामको समीक्षा, सरकार र संसद् सञ्चालनमा पार्टीको सम्बन्ध, आर्थिक नियमावली र सम्पर्क मञ्च सञ्चालनसम्बन्धी निर्देशिका र विविधलगायत विषयहरू पनि छलफलका लागि एजेन्डा प्रस्ताव गरिएको एक नेताले बताए ।
बैठकमा महासचिव पौडेलले वरिष्ठ नेता माधवकुमार नेपालको असहमतिपत्र पढेर सुनाएर एजेन्डाका रूपमा दर्ज गराएका छन् । पार्टी सञ्चालनमा नेतृत्वको कार्यशैली विधानविपरीत भएको मुख्य एजेन्डासहित तीनवटा विषयलाई असहमतिपत्रमा नेपालले उठाएका छन् । पार्टी एकतासम्बन्धी निर्णय सहमतिका आधारमा हुनुपर्ने अन्तरिम विधानको धारा ३८ ‘ग’को व्यवस्था उल्लंघन गर्दै प्रदेशको इन्चार्ज, सहइन्चार्ज र पदाधिकारी टुंगो लगाइएको विषयलाई नेपालले असहमतिपत्रमा मुख्य रूपमा उठाएका छन् । धारा ३८ ‘ग’मा ‘पार्टी एकताका क्रममा सहमतिका आधारमा कमिटीहरू निर्माण गरिनेछन्’ भन्ने उल्लेख छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

डुबान क्षेत्रको साक्षी

ShareTweet भनिन्छ, बोल्नेको पीठो बिक्छ, नबोल्नेको चामल पनि बिक्दैन । तर, उपभोक्ताहरूमा वस्तुको गुण चिन्ने क्षमता छ भने बोल्नेको पीठो नबिक्न पनि सक्छ । बितेको वर्ष नेपाली- ...
पूरा पढ्नुहोस्

नयाँ पुस्तक

संघर्षको गाथा

ShareTweet तीसको दशकदेखि प्रगतिशील सांस्कृतिककर्मीहरूले एउटा गीत गाउन थालेका थिए, ‘संघर्ष हो जीवन, जीवन संघर्ष हो…।’ यो गीत जीवन–यात्रामा संघर्षका अनेक तह पार गरेका- ...
पूरा पढ्नुहोस्

छोटकरीमा