21st February 2019, Thursday

E-budhabar

कात्तिक १० मा नेकपाको बृहत् चियापान



काठमाडौं । नेपाल कम्युनिस्ट पार्टी (नेकपा) ले आगामी १० कात्तिकमा बृहत् चियापान तथा शुभकामना आदानप्रदान कार्यक्रम आयोजना गर्ने भएको छ ।
विजयादशमी, शुभदीपावली, छठ तथा नेपाल संवत्लगायतका राष्ट्रिय पर्वहरूका अवसरमा नेकपाले बृहत् चियापान कार्यक्रम आयोजना गर्न लागेको हो । तत्कालीन एमालेमा प्रथम जननिर्वाचित प्रधानमन्त्री तथा पार्टी अध्यक्ष मनमोहन अधिकारीले २०५१ सालपछि पूर्णिमाको भोलिपल्ट चियापान कार्यक्रम आयोजना गर्न सुरु गरेका थिए । पार्टीहरूबीच मेलमिलाप र राष्ट्रिय एकताको सन्देश दिन तत्कालीन एमालेले हरेक वर्ष चियापान आयोजना गर्दै आएको थियो ।
चियापानलाई भव्य बनाउने तयारीका लागि नेकपाले मंगलबार पार्टी केन्द्रीय कार्यालय धुम्बाराहीमा छलफल गरेको छ । उपत्यकास्थित जिल्ला कमिटीका नेता तथा जनसंगठनका पदाधिकारीहरू सहभागी भेलामा महासचिव विष्णु पौडेलले चियापान कार्यक्रमलाई व्यवस्थित र भव्य बनाउन निर्देशन दिएको नेकपाका केन्द्रीय सदस्य विष्णु रिजालले बताए । भेलामा चियापान तयारीका लागि जिम्मेवारी बाँडफाँट पनि गरिएको छ ।
३० हजार कार्ड बाँडिँदै
चियापान कार्यक्रममा आमन्त्रित हुने निम्तालुहरूका लागि नेकपाले ३० हजार कार्ड तयार पारेको छ । बुधबारबाटै आमन्त्रित व्यक्तित्वहरूलाई कार्ड बाँडिने नेकपाका केन्द्रीय सदस्य विष्णु रिजालले जानकारी दिए । पूर्वप्रधानमन्त्री, विभिन्न दलका अध्यक्ष र पार्टी नेताहरू, सांसदहरू, कूटनीतिक नियोगका प्रमुखहरू, प्रशासन र सुरक्षा अंगका प्रमुखहरू, विभिन्न क्षेत्रमा आबद्ध प्रतिष्ठित व्यक्तित्व, नागरिक समाज, उद्योगी–व्यवसायीलगायतलाई नेकपाले चियापानमा आमन्त्रण गर्ने तयारी गरिरहेको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा