17th August 2019, Saturday

E-budhabar
Header Right Side NTC Advertisement

सशस्त्रमा भेदभाव उस्तै



काठमाडौं । सशस्त्र प्रहरी बलका महानिरीक्षक शैलेन्द्र खनालले सशस्त्रका उच्च तहका अधिकारीहरूको कार्यविभाजनमा भेदभाव राखेका छन् । उनले डीआईजी बढुवामा आफूनिकट नारायणदत्त पौडेललाई अगाडि ल्याउन प्रयास गरेका थिए तर उनको त्यो प्रयास सफल हुन सकेन । त्यसयता कार्य विभाजनामा त्यसको हिसाब पौडेललाई रोजेका स्थानमा खटाएर आईजी खनालले लिएको बताइन्छ ।
सशस्त्र प्रहरीका डीआईजीको सरुवा तथा पदस्थापनअनुसार ३ नम्बर प्रदेश बाहिनीमा रामप्रसाद श्रेष्ठ, ४ नम्बरमा बाबुराम पाण्डे, २ नम्बरमा प्रवीणकुमार श्रेष्ठ, तालिम निर्देशनालयमा राजु अर्याल, सीमा निर्देशनालयमा नारायणदत्त पौडेल, कमान्ड एन्ड स्टाफ कलेजमा चन्द्रप्रकाश गौतम, प्रशासन निर्देशनालयमा गोविन्द क्षत्री र एकेडेमीमा प्रजाभक्त श्रेष्ठलाई खटाएका छन् ।
सशस्त्र प्रहरी महानिरीक्षक शैलेन्द्र खनालले आफ्नो सबै उठ्तीपुठ्ती मिलाउने नारायणदत्त पौडेललाई धेरै आर्थिक चलखेल हुने सीमा निर्देशनालयमा पठाएका छन् । ककनी तालिम केन्द्रमा बस्दा रासन काण्ड लागेर ४ लाख रुपैयाँ फिर्तासमेत गरेका विवादित पात्र पौडेललाई महानिरीक्षकले काखी च्याप्दा अन्य डीआईजीहरू पाखा लाग्नुपरेको गुनासो छ ।
यसअघि पौडेललाई मानव स्रोतको जिम्मा दिइएको छ । पूर्व क्षेत्रमा एसपी हुँदा अनियमितता गरेकै कारण पुष्पराम केसीले रेकर्डमा जनिने गरी नसिहत दिएका पौडेल महानिरीक्षक खनालका प्यारा मानिन्छन् । डीआईजी बढुवामा पहिलो नम्बरमा पार्न सजिलो हुने भन्दै आफू आईजी भएको तीन महिनासम्म बढुवा रोकेको समेत आरोप खनालमाथि लागेको छ । पौडेलले मागेकै ठाउँमा खनालले आशीर्वाद दिएर पठाएको बताइन्छ । त्यस्तै, अर्का विवादित रामप्रसाद श्रेष्ठलाई ३ नम्बर प्रदेश प्रमुख बनाएर पठाएका छन् । उनी कमान्डर भएका बेला तालिमका क्रममा टेकबहादुर चन्द नामका व्यक्तिलाई जबर्जस्त पौडी खेलाउँदा उनको तालिमकै क्रममा मृत्यु भएको थियो । त्यस्तै २ नम्बर प्रदेश प्रमुखमा भने यसअघि पोखरा बाहिनीमा रहेका प्रवीण श्रेष्ठलाई पठाइएको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

कसले लग्यो गैंडाको खाग र बाघको जुँगा ?

ShareTweet काठमाडौं । सिंहदरबारस्थित पुरानो प्रधानमन्त्री तथा मन्त्रिपरिषद् कार्यालयको बेलायती बैठकमा सजाइएको अखेटपहारहरू हराएपछि त्यसको चोरी गर्ने चोरको खोजी- ...
पूरा पढ्नुहोस्

स्रष्टा र सिर्जना

नगुन्जिएको एउटा जिन्दगी

ShareTweet ‘वैरीहरू आफ्नै कुकृत्यहरूले उदांगियून् आफ्नै मुर्खतापूर्ण प्रयासले पराजित होऊन् हास्यास्पद तर्कहरू न्यायले शान्तिले समानताका गुञ्जले गुञ्जित होऊन्- ...
पूरा पढ्नुहोस्

नयाँ पुस्तक

जातीय विभेदविरुद्ध अडिग

ShareTweet नेपाली समाजलाई परिवर्तनको लहरले स्पर्श गरे पनि जातीय विभेद र छुवाछुतका प्रकरणमा भने अझै पनि संकुचित र निर्मम नै प्रतीत हुन्छ । आधुनिक विकास र परिवर्तनका- ...
पूरा पढ्नुहोस्

छोटकरीमा