21st February 2019, Thursday

E-budhabar

उपसचिव सरुवामा लफडैलफडा



काठमाडौं । मन्त्रीलाई अपशब्द प्रयोग गरेको भनी शिक्षा तथा विज्ञान प्रविधि मन्त्रालयका उपसचिव ईश्वरी पोखरेललाई कडा स्पष्टीकरण सोधिएको छ । उनलाई कारबाही नै गर्ने उद्देश्यले शिक्षा सचिव खगराज बरालले केही दिनअघि स्पष्टीकरण सोधेका हुन् ।
उपसचिव पोखरेललाई मन्त्रीको अपमान हुने गरी सामाजिक सञ्जालहरूमा आफ्नो भनाइ राखेको भनी कारबाही गर्ने आशयको स्पष्टीकरण सोधिएको हो । उनलाई कात्तिक १९ गते मन्त्रालयले स्पष्टीकरण सोधे पनि पत्र भने उनले कात्तिक २५ गते मात्र बुझेका थिए । शिक्षाका १ सय ६६ जना उपसचिवको स्थानीय तहमा सरुवा भएसँगै उनको पनि नवलपुरको देवचुली नगरपालिकामा सरुवा भएको थियो । तर, शिक्षा मन्त्रालयका उपसचिवलाई कनिष्ठ उपसचिव र कतिपय तहमा अधिकृतको मातहतमा शिक्षा शाखा प्रमुख बनाएर पठाइएको कुराप्रति असहमति जनाएर उनले आफ्नो धारणा राख्दै आएका थिए ।
स्थानीय तहमा सरुवा भएका शिक्षाका १ सय ६६ जना उपसचिवमध्ये अहिलेसम्म २५ जनाले मात्र स्थानीय तहमा जान स्वीकार गरेका छन् । त्यसमध्ये सरुवा भएका २० जना उपसचिवले ‘आफ्ना लागि अनुकूल ठाउँ नभएको’ भनी सरुवाको निर्णय सच्याउन मन्त्रालयमा निवेदन दिएका छन् । तर, १ सय २० जना उपसचिवले भने अझैसम्म सरुवाको पत्र बुझेका छैनन् । २०६६ सालमा उपसचिवमा बढुवा भएका शिक्षाका उपसचिवहरू २०७२ सालमा बढुवा भएका प्रशासन सेवाका उपसचिवको मातहतमा रहेर काम गर्नुपर्ने बाध्यता आइपरेपछि सरुवा भएको तहमा जान आनाकानी गरिरहेका छन् । दसैंको बिदा हुनुअगावै मन्त्रालयले उपसचिव तहका कर्मचारीहरूलाई स्थानीय तहमा सरुवा गरेको थियो । सामान्य प्रशासन मन्त्रालयले सरुवा गर्ने भए पनि शिक्षाको उपसचिवहरूको सरुवामा विवादमा पर्न नचाहेका कारण सरुवाको जिम्मेवारी सामान्यले शिक्षा मन्त्रालयलाई नै सुम्पिएको थियो ।
सरुवा भएका शिक्षाका उपसचिवहरूले भने निजामती ऐन र नियमलाई मिचेर आफूहरूको सरुवा भएको भन्दै सुरुदेखि नै निर्णय सच्चाउनुपर्ने माग राख्दै आएका छन् । स्थानीय तहमा शिक्षाका उपसचिव तहका कर्मचारीलाई सरुवा गर्दा विधि, प्रक्रिया र मापदण्ड मिच्न नहुने तर्क सरुवा भएका कर्मचारीहरूले दिँदै आएका छन् । स्थानीय तहमा सरुवा गर्दा ज्येष्ठता, पदीय योग्यता र कार्यक्षमतालाई आधार मान्नुपर्ने सरुवा भएका उपसचिवहरूले बताउँदै आएका छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा