23rd March 2019, Saturday

E-budhabar

विवादास्पदलाई नै आयोगको तालाचाबी



काठमाडौं । विवादमा मुछिएका केही सहसचिवहरूलाई संवैधानिक आयोगको सचिवमा नियुक्त गरिएसँगै नियुक्ति विवादमा परेको छ । संघीय मामिला तथा सामान्य प्रशासन मन्त्री लालबाबु पण्डितले केही दिनअघि मन्त्रालयका ६ सहसचिवलाई विभिन्न संवैधानिक आयोगहरूको सचिव तोकेका थिए ।
दलित आयोगको सचिव तोकिएका सहसचिव पुरुषोत्तम नेपाललाई विवादास्पद कर्मचारीका रूपमा लिइन्छ । विगत डेढ दशकदेखि संघीय मामिला मन्त्रालयमा कार्यरत रहँदै आएका नेपालले मन्त्रालयमा महŒवपूर्ण जिम्मेवारी सम्हाल्दै आएका छन् । सो मन्त्रालयअन्तर्गतका विभिन्न आयोजना हेर्ने काम उनले नै गर्दै आएका छन् । आकर्षक आयोजनाहरूमा आफ्ना मानिसहरूलाई सरुवा गर्ने, ती आयोजनाहरूको नाममा विदेश भ्रमण गर्ने कार्यमा सहसचिव नेपालले बाजी मार्दै आएका थिए । सो मन्त्रालयको आयोजनाहरू हेर्ने शाखाबाट उनलाई हटाउनुपर्ने माग उठ्दै आए पनि उनलाई नै पुरस्कारस्वरूप दलित आयोगको सचिव तोकिएको छ ।
जनजाति आयोगको सचिव तोकिएका सहसचिव रुद्रसिंह तामाङ पनि विवादास्पद कर्मचारीमा नै गनिन्छन् । काठमाडौं महानगरपालिकाको कार्यकारी अधिकृत रहेका बेला तामाङ विवादमा मुछिएका थिए । वर्ष दिनमा २८ पटकसम्म विदेश भ्रमणमा गएका उनी त्यही कारण निकै आलोचितसमेत बन्न पुगेका थिए । महानगरपालिकामा कार्यकारी अधिकृत हुँदा भ्रष्टाचारमा मुछिएका उनीविरुद्ध अख्तियार दुरुपयोग अनुसन्धान आयोगमा मुद्दा परेर छानबिनको दायरामा पनि परेका थिए ।
मुस्लिम आयोगको सचिव तोकिएका केदारप्रसाद पनेरू र मधेसी आयोगको सचिव तोकिएका भूपाल बराल भने सामान्य प्रशासन मन्त्रालयमा केही महिनाअघि मात्रै सरुवा भएर आएका हुन् । अरू मन्त्रालयमा रहँदा पनि उनीहरू भने अहिलेसम्म विवादमा परेका छैनन् । समावेशी आयोगको सचिव तोकिएका सुरेश अधिकारी पनि विवादमा नपरेका कर्मचारी मानिन्छन् । थारू आयोगको सचिव तोकिएका रूपनारायण भट्टराई भने राम्रा कर्मचारीमा गनिन्छन् । यातायात क्षेत्रमा व्याप्त सिन्डिकेट हटाउने श्रेय पाएका भट्टराईलाई यातायात मन्त्रालयबाट सजायस्वरूप सामान्यमा सरुवा गरिएको हो । उनलाई यातायात व्यवसायीहरूको दबाबका कारण सरुवा गरिएको थियो ।

 

 

Leave a Reply

Your email address will not be published. Required fields are marked *

... र यो पनि ...

चक्रपथ

चियाका नाममा कार्यकर्ताको ताँती

ShareTweet काठमाडौं । नेपाली चिया तथा कफीको विकास एवं विस्तारका लागि आयोजना भएको एक कार्यक्रममा चिया र कफीसँग सरोकार नै नभएका व्यक्तिहरूले चीन भ्रमण गरेर फजुल खर्च- ...
पूरा पढ्नुहोस्

स्रष्टा र सिर्जना

नयाँ स्वादको खोजी

ShareTweet वैदेशिक रोजगारीमा एकाध वर्ष रमाएर स्वदेशमै फर्की आफ्नै पेशा–व्यवसायमा भिजेका थुप्रै पात्रहरू छन, हामी बाँचिरहेको समाजभित्र । मूलतः वैदेशिक रोजगारीमा- ...
पूरा पढ्नुहोस्

नयाँ पुस्तक

समाचार समिति पत्रकारिता ः नेपाली दस्तावेज

ShareTweet प्रकाश सिलवाल नेपाली पत्रकारिता र साहित्य क्षेत्रमा क्रियाशील÷जुझारु नाम हो । उहाँको पछिल्लो पत्रकारितासम्बन्धी पुस्तक सञ्चार जगत्का लागि नयाँ कोसेलीका- ...
पूरा पढ्नुहोस्

छोटकरीमा