18th September 2019, Wednesday

E-budhabar
Header Right Side NTC Advertisement

मलमा छलैछल



काठमाडौं । कृषि विकास तथा पशुपन्छी मन्त्रालयका उच्च तहका कर्मचारीहरूको उदासीनताका कारण मलको अभाव उत्पन्न हुने देखिएको छ । गहुँ रोप्ने मौसम सुरु हुन लागेको हुँदा अब देशभरि नै ७ लाख टन मलको आवश्यकता पर्छ । युरिया, फस्फोरस र पोटास गरी ७ लाख टन मल चाहिने बताइन्छ । गहुँको सिजनका लागि मंसिरको पहिलो सातासम्म किसानहरूलाई मल उपलब्ध गराउनुपर्ने हुन्छ ।
तर, कृषि मन्त्रालयमा मल शाखा हेर्ने सहसचिव तेजबहादुर सुवेदी, कृषि सामग्री संस्थानका महाप्रबन्धक अमरराज खैरलगायत कर्मचारीहरूको उदासीनताका कारण अहिलेसम्म पर्याप्त मात्रामा मल आइरहेको छैन । भैरहवालगायत पश्चिम नेपालका केही जिल्लामा त अहिलेदेखि नै मलको अभाव सिर्जना भइसकेको छ ।
मल ल्याउन मन्त्रालय र संस्थानले पहल गर्नुपर्ने भए पनि कुनै पहल भइरहेको छैन । मल ल्याउने विषयमा न त मन्त्रालयको सम्बन्धित शाखाले चासो देखाएको छ, न त संस्थानले नै तदारुकता देखाइरहेको छ । मलको अभाव कसरी पूरा गर्ने भन्ने विषयमा मन्त्रालयसँग समन्वय गर्नुपर्ने बेला संस्थानका महाप्रबन्धक खैर उपत्यकाबाहिर छन् । उनले भने, ‘म अहिले उपत्यकाबाहिर छु । हामीसँग पर्याप्त मल छ ।’ मल शाखा हेर्ने सहसचिव सुवेदीले पनि संस्थानका महाप्रबन्धकलाई बोलाएर समयमै किसानहरूले मल पाउँछन् कि पाउँदैनन्, मल झिकाउने विषयमा केकस्तो पहल भइरहेको छ भनेर अहिलेसम्म कुनै जानकारी नलिएको बताइन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा