17th December 2018, Monday

E-budhabar

भण्डारीको नियुक्तिपछि बिचौलिया हर्षित



भण्डारीको नियुक्तिपछि बिचौलिया हर्षित

काठमाडौं । प्रधानमन्त्री केपी शर्मा ओलीले आर्थिक अनियमिततालगायतको आरोपमा बर्खास्त गरेका तत्कालीन स्वकीय सचिव इन्द्र भण्डारीलाई नै अन्ततः प्रधानमन्त्रीको स्वकीय सचिवालयमा प्रमुख स्वकीय सचिवको जिम्मेवारी दिएका छन् ।
प्रधानमन्त्री ओलीले अघिल्लो कार्यकालमा सरकारबाट बाहिरिएलगत्तै भण्डारीलाई स्वकीय सचिवबाट बर्खास्त गरेका थिए । दुई दशकभन्दा बढी सचिवालयमा रहेर साथ दिएका भण्डारीलाई व्यापारीहरूसँग मिलेर अनियमित काम गरेको, स्वकीय सचिवालयलाई दुरुपयोग गरेर अनुचित लाभ लिएको आरोपमा बर्खास्त गरिएपछि तत्कालीन एमालेभित्र ठूलै तरंग उत्पन्न भएको थियो । अपमानजनक ढंगले बर्खास्तमा परेपछि भण्डारीको उपस्थिति पार्टी कार्यालय, ओली निवास बालकोट, संसदीय दलको कार्यालय सिंहदरबारमा धेरै कम भएको थियो ।
त्यसो त उनीसँगै अर्का स्वकीय सचिव रमेश आचार्य पनि अनियमितताकै आरोपमा बर्खास्तगीमा परेका थिए । अहिले आचार्यलाई प्रधानमन्त्री निवास बालुवाटार प्रतिबन्धितजस्तै छ । यद्यपि, प्रधानमन्त्री ओलीको सार्वजनिक कार्यक्रममा पुगेका बेला सेल्फी खिचेर फेसबुकमा पोस्ट गर्न भने आचार्यले छाडेका छैनन् । पदीय दुरुपयोग गर्दै धादिङमा सयौं रोपनी सरकारी जग्गा आफ्नो नाममा दर्ता गराएपछि उनी जिल्लामा पनि धेरै बदनाम छन् । उनले पदीय दुरुपयोग गरेको विषयमा जानकारी पाएकाहरूले तत्कालीन युवासंघमा पनि आचार्यलाई कसैले रुचाउँदैनन् । उता, भण्डारीले पनि प्रधानमन्त्री ओलीसँग नजिकको हिमचिम रहेका, टीसीएनलाई प्रभाव पारेर तीन दशकभन्दा बढी समयदेखि तस्करीको काठ बेचेर अर्बपति भइसकेका व्यापारीसँग मिलेर प्रधानमन्त्रीको नाम बेचेरै धेरै क्षेत्रमा लगानी गरेको बताइन्छ ।
यी सबै कर्तुतहरूको उद्घाटन भएकैले प्रधानमन्त्री ओलीले लामो समय साथमा रहेका भण्डारीलाई बर्खास्त गरेका थिए । तर, तिनै भण्डारीलाई प्रधानमन्त्री बनेको करिब नौ महिनापछि प्रमुख स्वकीय सचिवमा नियुक्ति दिइएपछि बिचौलियाहरू भने धेरै हर्षित भएको बताइन्छ । भण्डारीलाई स्वागत गर्नेहरूको प्रधानमन्त्री कार्यालय, सिंहदरबारदेखि सरकारी निवास बालुवाटारमा दिनहुँ भीडभाड लाग्ने गरेको छ ।

 

Leave a Reply

... र यो पनि ...

चक्रपथ

बुधबार २४औं वर्षमा

ShareTweet काठमाडौं । आजबाट बुधबार साप्ताहिक २३ वर्ष लामो यात्रा पूरा गरी २४औं वर्षमा प्रवेश गरेको छ । मिसनसहितको जनपक्षीय पत्रकारिताको आवश्यकता पूरा गर्दै अघि बढेको- ...
पूरा पढ्नुहोस्

स्रष्टा र सिर्जना

पछ्याउँदै आधुनिक कला

ShareTweet नेपालमा आधुनिक चित्रकलाको जग बसाल्न एकाध कला–शिल्पीको मात्रै सक्रियता छ । अग्रज कलाशिल्पी मदन चित्रकार पनि तीमध्ये एक हुन् । विश्वमा आधुनिक चित्रकलाको- ...
पूरा पढ्नुहोस्

नयाँ पुस्तक

तिखारिएको सिर्जना

ShareTweet हरेक मानिसमा देश–प्रेमको भावना सल्बलाउनुपर्छ । देशलाई प्रेम गर्नुको अर्थ हो– आफ्नो भूगोल, आफन्तजन र परिवेशलाई माया गर्नु । हुन पनि हामीकहाँ देश–प्रेमको- ...
पूरा पढ्नुहोस्

छोटकरीमा