22nd July 2019, Monday

आईजी खनाल पाइन्टमा फस्दै



आईजी खनाल पाइन्टमा फस्दै

काठमाडौं । गुणस्तरहीन म्याट्रेस खरिददेखि सरुवाबढुवामा अयोग्यलाई च्यापेर विवादमा मुछिएका प्रहरी प्रमुख सर्वेन्द्र खनाल फेरि गुणस्तर फेल भएको सामान लिएर थप विवादमा पर्न लागेका छन् ।
ल्याबमा परीक्षण गरेर गुणस्तरहीन भनी प्रमाणित भइसकेको सामान लिन उनी आफैले विश्वास गरेर प्रबन्धमा ल्याएका इन्स्पेक्टर केशव गौतमले ‘घुस’बापतको रकम बुझिसकेको बताइन्छ ।
तीन वर्षअघि आर्थिक वर्ष २०७२÷७३ मा प्रहरीले २० हजार मिटर उलन पाइन्टको कपडा माग गरेको थियो । टेन्डरमार्फत क्राउन टेक्सटायलका ठेकेदार पीताम्बर मुन्काले करिब ढेड करोडको यो ठेक्का पाए तर समयमा सामान ल्याएनन् । उनको समय डेढ महिना थपियो । त्यो समय थपिँदा पनि केही आर्थिक लेनदेन भएको बताइन्छ ।
तत्कालीन प्रहरी प्रमुख प्रकाश अर्याल बिदा भएपछि खनाल नयाँ प्रहरी प्रमुख भएर आएपछि ठेकेदार मुन्काले हेर्दै कम गुणस्तरको खद्दरजस्तो देखिने २० हजार मिटर उलन पाइन्टको कपडा ल्याए । प्रहरीको भण्डारले गुणस्तर परीक्षण गर्न भारतको एसडिएस भन्ने संस्थामा सामान पठायो । त्यहाँबाट सामान फेल भएर आयो । सामान गुणस्तरहीन भन्ने परिणाम आएपछि भण्डारले पटकपटक फिर्ता लैजा भन्यो, मुन्काले मानेनन् । उल्टै उनले बीचमा उच्च अदालत पाटनमा मुद्दा हाले । सामान परीक्षणका लागि पठाउँदा आफूलाई रोहबरमा नराखेकाले उक्त सामान मेरो भएको भन्ने प्रमाण नभएको उनको जिकिरको पक्षमा उच्च अदालतले मुद्दा जिताइदियो । त्यसमा पनि पैसाको चलखेल भएको बताइन्छ । मुद्दा जितेपछि मेरो सामान लिइदे भन्दै उनी अहिले भण्डारमा धाए । भण्डार प्रमुख इन्सपेक्टर गौतमले डेढ करोढको सामानलाई अहिले ५० लाख मूल्यांकन गरेर सामान बुझ्न लागेको स्रोतले बतायो ।

 

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा