16th February 2019, Saturday

E-budhabar

महासमिति छल्न म्याद थपको नाटक



काठमाडौं । यहि मंसिर २८ गतेदेखि पुस ३ गतेसम्म बोलाइएको महासमिति बैठकमा भ्रातृ संगठन नेविसंघको विषयलाई लिएर निकै तनाव उत्पन्न हुने देखेर मात्रै नेपाली कांग्रेसले नेविसंघको कार्यकाल अरू दुई महिना थप्ने निर्णय गरेको बुझिएको छ । कांग्रेस कार्यसमिति बैठकमा असन्तुष्ट पक्षको विरोधको बाबजुद सभापति शेरबहादुर देउवाले बहुमतका आधारमा दुई महिना अवधि थप्ने निर्णय गरेपछि यसले निकै हंगामा मच्चाएको छ ।
अचम्म त के छ भने पहिले सभापति देउवा नै समय थप्न नहुने पक्षमा थिए भने रामचन्द्र पौडेल समूह विघटनको पक्षमा थियो । कृष्णप्रसाद सिटौला समूह मात्र ६ महिना अवधि थप्नुपर्ने पक्षमा थियो । तर, समय थप्न नहुने पक्षमा रहेको संस्थापन समूहले नै समय थपेको छ भने समय थपको माग गर्ने समूह विरुद्धमा उभिएको छ । सो समूहले नेविसंघलाई महासमिति बैठक छल्न मात्र देउवाले प्रयोग गरेको आरोप लगाएको छ । महासमिति बैठक सकिएपछि विघटन नै गर्ने संस्थापन पक्षको तयारी रहेको बताइन्छ । थपिएको दुई महिनामा पनि महाधिवेशन नहुने देख्दादेख्दै त्यति समय थप्नुको अर्थ महासमिति बैठक छल्लुबाहेक केही नरहेको असन्तुष्टहरूको तर्क छ । महासमिति बैठक सकिएपछि आफूअनुकूल नेतृत्वलाई टीका लगाएर चुन्ने देउवाको तयारी रहेको स्रोतले बतायो ।
गुटैगुटका प्रदर्शन
गत निर्वाचनबाट अन्यन्तै कमजोर प्रतिपक्षको भूमिकामा समिति भएको कांग्रेसमा पछिल्लो समय झन् धेरै गुटको जन्म भएको छ । यसले कमजोर कांग्रेसलाई झन् कमजोर बनाएको भन्दै कांग्रेसका कार्यकर्ता चिन्तित बनेका छन् । कहिल्यै लन्चका लागि बोलाएर त कहिले एउटै माला भिरेर एकातिर, अनावश्यक रूपमा कोइराला परिवारका सदस्य शशांक, शेखर, सुजाताले गुटको अभ्यास गरेका छन् भने अर्कातिर युवाका नाममा गगन थापा, गुरु घिमिरे, बद्री पाण्डे, कमला पन्त, रामकृष्ण यादवलगायत एक दर्जन केन्द्रीय तहका नेताले लगातार दुई दिन एक होटलमा भेला भएर नयाँ ग्रुपिजमको अर्को प्रचार गरिरहेका छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

ढुंगा खानी ‘बन्द गराउन’ प्रदेश सरकारलाई ध्यानाकर्षण

ShareTweet हेटौंडा । भीमफेदी गाउँपालिकाकी उपाध्यक्ष पार्वती रानाले भीमफेदी गाउँपालिकामा रहेको सिमेन्ट ढुंगा खानी बन्द गराउन प्रदेश सरकारलाई ध्यानाकर्षण गराएकी- ...
पूरा पढ्नुहोस्

स्रष्टा र सिर्जना

प्रशंसाको भागीदार बन्ने अवसर

ShareTweet स्थानीय तहको निर्वाचनपछि जनप्रतिनिधिहरूले स्थानीय सरकारको बागडोर सम्हाल्न थालेको करिब दुई वर्ष पुग्न लाग्दै छ । करिब–करिब आधा समय व्यतीत गरिसक्नै लाग्दा- ...
पूरा पढ्नुहोस्

नयाँ पुस्तक

बहुआयामिक सिर्जना

ShareTweet कुनै समय साहित्य वृत्तमा मुक्तक विधाले राम्रै स्थान पाएको थियो । मुक्तक विधाको ‘चार्म’ यति धेरै थियो कि काठमाडौंमा नभए पनि पोखरा, धरानजस्ता सहरका साहित्यप्रेमीहरू- ...
पूरा पढ्नुहोस्

छोटकरीमा