22nd July 2019, Monday

तातोपानी नुहाउन सेनाको २५ लाख स्वाह



काठमाडौं । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ र गृहमन्त्री रामबहादुर थापा ‘बादल’को सपरिवार म्याग्दीको तातोपानी कुण्डमा नुहाउ“दा २५ लाख रुपैयाँ राज्यकोषबाट खर्च भएको छ । नेपाली सेनाको प्रतिघण्टा ५ लाख रुपैया“मा भाडामा लिइएको एमआई हेलिकप्टरमा प्रचण्ड र बादलको तातोपानीमा नुहाउने योजना पूरा गर्दा राज्यकोषबाट त्यति धेरै खर्च भएको हो ।
कुरा ती दुई नेताले म्याग्दीस्थित तातोपानी कुण्डमा नुहाउनुहुन्नथ्यो या हेलिकप्टरमा खर्च गर्नुहुन्नथ्यो भन्ने होइन, निजी भ्रमणका लागि पनि राज्यकोषबाट खर्च हुने गरी किन २५ लाख रुपैयाँको विलासी हेलिकप्टर प्रयोग गरियो भन्ने हो । म्याग्दीको तातोपानी पुग्न प्रचण्ड र बादल निजी खर्चमा हेलिकप्टर या प्लेनबाट पनि त्यहा“ पुग्न सक्थे । तर, उनीहरूले राज्यकोषबाट खर्च हुनेगरी विलासी हेलिकप्टर नै रोजे । आवतजावतको पाँच घण्टे उडानमा व्यक्तिगत कामका लागि राज्यकोषबाट २५ लाख खर्च गरिएकाले दुवै नेताको सामाजिक सञ्जालमा आलोचना हुने क्रम रोकिएको छैन ।
उता, राष्ट्रपति विद्या भण्डारीका लागि राज्यकोषबाट १८ करोड खर्च गरेर नयाँ गाडी किन्न थालिएको छ । उपप्रधानमन्त्री तथा रक्षामन्त्री ईश्वर पोखरेलले निजी आवास रङरोकन र कार्पेटिङ गर्ने काममा नेपाली सेनालाई लगाएर लाखौ ंखर्चिएका छन् । यी सबै दृष्टान्तले मितव्ययिता र सुशासनको नारा दिइरहेको सरकारको घोषणामाथि गम्भीर प्रश्न उठेको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा