16th February 2019, Saturday

E-budhabar

डीएसपी आचार्य उठ्तीपुठ्तीमा



काठमाडौं । महानगरीय प्रहरी परिसर सिंहदरबारको कमान्ड गर्न केही महिनाअघि मात्रै आएका डीएसपी काजीकुमार आचार्य केही महिनामै बदनाम भएका छन् । उनले त्यहाँ आएबाट नै सिंहदरबारजस्तो महŒवपूर्ण वृत्तमा केही नयाँ काम गरेर देखाउनेभन्दा पनि उठ्तीपुठ्तीमा ध्यान दिन थालेपछि बदनाम भएका हुन् ।
यसअघि डीएसपी अपिल बोहोराले कमान्ड गरेको सो वृत्तमा बागबजार, पुरानो बसपार्कदेखि अन्य व्यापारिक महŒवपूर्ण स्थानहरूसमेत पर्छ । बागबजार र पुरानो बसपार्क क्षेत्रमा अधिकांश होटेल छन् र ती होटल अवैध यौन व्यवसाय हुने ठाउँका रूपमा परिचित छन् ।
डीएसपीका रूपमा आचार्य आएयता त्यस क्षेत्रमा नियमित रूपमा असुली धन्दा जारी राखी अवैध काम गर्न छुट दिइरहेको बताइन्छ । उनले बागबजार, पुरानो बसपार्क र पुतलीसडकलगायतका स्थानका त्यस्ताखाले होटलहरूबाट नियमित असुली गर्ने गरेको भन्दै गुनासो आएको छ । त्यसैले त्यस क्षेत्रमा अचेल निर्वाध रूपमा यौन व्यवसाय फस्टाएको बताइएको छ ।
कहिलेकाहीँ उनी छापा मार्न जाने गरे पनि पहिल्यै सूचना दिएर जाँदा सो क्षेत्रमा रंगेहात त्यस्तो अवैध गतिविधि फेला पार्न नसकिएको बताइएको छ ।
वृत्तले सूचना संकलनका लागि घुमुवा प्रहरी राख्न नपाउने प्रावधान भए पनि सो प्रावधानविपरीत डीएसपी आचार्यले आफूमातहत चार जवानलाई सुराकी राखेका छन् । उनीहरूले त्यस्ता गतिविधिको सूचना संकलन गर्ने र सोही आधारमा बार्गेनिङ गर्ने गरिएको बताइएको छ । त्यस्ता अधिकारीलाई महागनगरीय प्रहरी आयुक्त कार्यालयले वार्षिकोत्सवका अवसरमा पुरस्कृत गरिएकोमा अन्य अधिकारीहरू भने अचम्ममा परेका छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

ढुंगा खानी ‘बन्द गराउन’ प्रदेश सरकारलाई ध्यानाकर्षण

ShareTweet हेटौंडा । भीमफेदी गाउँपालिकाकी उपाध्यक्ष पार्वती रानाले भीमफेदी गाउँपालिकामा रहेको सिमेन्ट ढुंगा खानी बन्द गराउन प्रदेश सरकारलाई ध्यानाकर्षण गराएकी- ...
पूरा पढ्नुहोस्

स्रष्टा र सिर्जना

प्रशंसाको भागीदार बन्ने अवसर

ShareTweet स्थानीय तहको निर्वाचनपछि जनप्रतिनिधिहरूले स्थानीय सरकारको बागडोर सम्हाल्न थालेको करिब दुई वर्ष पुग्न लाग्दै छ । करिब–करिब आधा समय व्यतीत गरिसक्नै लाग्दा- ...
पूरा पढ्नुहोस्

नयाँ पुस्तक

बहुआयामिक सिर्जना

ShareTweet कुनै समय साहित्य वृत्तमा मुक्तक विधाले राम्रै स्थान पाएको थियो । मुक्तक विधाको ‘चार्म’ यति धेरै थियो कि काठमाडौंमा नभए पनि पोखरा, धरानजस्ता सहरका साहित्यप्रेमीहरू- ...
पूरा पढ्नुहोस्

छोटकरीमा