24th April 2019, Wednesday

E-budhabar

पञ्चशीलको घोषणापछि मन्त्रीको दारु पार्टी



काठमाडौं । दिउँसो पञ्चशीलको घोषणा, बेलुकी माछामासु र मदिरामा मस्त । यस्तो विरोधाभास कार्य अरू कोबाट हुन सक्ला र ? केही दिनअघि संस्कृति, पर्यटन तथा नागरिक उड्डयनमन्त्री रवीन्द्र अधिकारीले यस्तै विरोधाभास चरित्र देखाएका छन् ।
गएको शनिबार मन्त्री अधिकारी पञ्चशीलको घोषणा गर्न लुम्बिनी पुगेका थिए । लुम्बिनी पुगेपछि उनले बिहान लुम्बिनी विकास कोषको कार्यकारी समितिको बैठकमा भाग लिए र दिउँसो लुम्बिनी सांस्कृतिक नगरपालिकाले आयोजना गरेको पञ्चशील घोषणा कार्यक्रममा सरिक भए । लुम्बिनी गुरुयोजनाभित्र मात्र होइन, सो नगरपालिका क्षेत्रलाई नै पञ्चशील क्षेत्र घोषणा गरिएको थियो । पञ्चशील अर्थात् पाँच किसिमका कार्यहरू नगर्ने घोषणा मन्त्री अधिकारीले गरे । ती पाँच सिद्धान्तहरूमा मदिराजन्य पदार्थ सेवन नगर्ने, हिंसा नगर्ने, चोरी नगर्ने, झूटो नबोल्ने र व्यभिचार नगर्ने पर्दछन् । मन्त्री अधिकारीले पनि यिनै पाँच सिद्धान्तमा अडिग रहेर लुम्बिनीभित्र पञ्चशील सिद्धान्तलाई पालना गर्ने प्रतिबद्धता जनाए ।
तर, मन्त्री अधिकारीको प्रतिबद्धताले बेलुकीपख भने लुम्बिनी गुरुयोजनाभित्र सञ्चालित होक्के होटलमा हावा खान पुग्यो । गुरुयोजनाभित्रै निर्माण भएको होटल कासाईमा रातिको विश्राम लिए पनि मन्त्री अधिकारीले होक्के होटलमा मासु र मदिरा खाएर रमाइलो गरेका थिए । यसअघि पनि मदिरा सेवनमा जम्न लुम्बिनी पुग्ने गरेका मन्त्री अधिकारीले दिउँसोको पञ्चशीलको घोषणालाई बिर्सेर राति भने मासु र मदिरामा आफूलाई भुल्याएका थिए । काठमाडौंमा तनाव हुँदा मन्त्री अधिकारी प्रायः लुम्बिनी आउने गरेका छन् ।
मन्त्री अधिकारीले पञ्चशीलको घोषणा गरे पनि यो नौलो भने होइन । यसअघि पनि पटकपटक पञ्चशीलको घोषणा भइसकेका हुन् । कोषको तत्कालीन उपाध्यक्ष ओमकार गौचनले आफ्नो पालामा पञ्चशीलको घोषणा गरेका थिए । त्यसपछि अर्का उपाध्यक्ष कर्मासंघ शेर्पाले पनि पञ्चशीलको घोषणा गरेका थिए ।
यसैगरी, कोषका उपाध्यक्ष अवधेश त्रिपाठीले लुम्बिनी गुरुयोजनाभित्रको सिम्बोलिक भवन आफूखुसी प्रयोग गरिरहेका छन् । गुरुयोजनाभित्र निर्माण भएको सिम्बोलिक भवन खाली रहेको हुँदा कोषले त्यहाँ पसलहरू राख्ने भनेर सूचनासमेत जारी गरेको थियो । कोषले भवन भाडामा लगाउन टेन्डर आह्वान गरेपछि स्थानीय बासिन्दाहरूले ३०÷४० लाख रुपैयाँसम्म बोलकबोल गरेर ठेक्कासमेत हालेका थिए ।
तर, उपाध्यक्ष त्रिपाठीले भने ठेक्का दिन ठिक्क पारिए पनि भवनको ठेक्का प्रक्रिया रद्द गराई सो भवन आफैंले प्रयोग गर्न थालेका छन् । उनले सो भवनमा आफैंद्वारा सञ्चालित करुणा स्कुलका नाममा प्रयोग गर्न थालेका छन् । उपाध्यक्ष त्रिपाठीले यसअघि गुरुयोजना बाहिर करुणा स्कुल सञ्चालन गर्दै आएका थिए । अहिले सोही स्कुलको नाममा भवन लिएर धार्मिक किताबहरू बेच्ने थलो बनाएका छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

अब टाउको कमै दुख्ला

ShareTweet केही दिनपूर्व एकजना साथी प्रफुल्ल मुद्रामा देखिए । उनी प्रफुल्ल हुनुका एउटै कारण थियो– ‘पब्जी’ माथि प्रतिबन्ध । पब्जी–पीडित अभिभावकको लहरमा उनी पनि आबद्ध- ...
पूरा पढ्नुहोस्

नयाँ पुस्तक

श्रमप्रति समर्पित

ShareTweet कविता लेख्नुको अर्थ सत्यको अन्वेषण गर्नु हो । जुन कविता सत्यको अन्वेषण गर्न चुकेका हुन्छन्, मानवीय गरिमा र संवेदनालाई टिप्न असक्षम ठहरिन्छन्, त्यस्ता कविता- ...
पूरा पढ्नुहोस्

छोटकरीमा