17th December 2018, Monday

E-budhabar

पहिले अस्वीकृत, अहिले फेरि दाबेदार



काठमाडौं । ६ महिनाअघि संसदीय सुनुवाइबाट अस्वीकृत भएका न्यायाधीश दीपकराज जोशी फेरि प्रधानन्यायाधीशको रोस्टरमा परेका छन् । न्यायपरिषद्ले भावी प्रधानन्यायाधीशका लागि जोशीसहित दुई जनाको नाम संवैधानिक परिषद्मा पठाएको छ । न्यायपरिषद् सचिवालयले परिषद्मा पठाइएको सूचीमा जोशी र अर्का न्यायाधीश चोलेन्द्रशमशेर जबराको नाम उल्लेख छ ।
पुस १६ देखि प्रधानन्यायाधीश ओमप्रकाश मिश्रले अवकाश पाउँदै छन् । उनले अवकाश पाउनुभन्दा एक महिनाअघि नै संवैधानिक इजलासले भावी प्रधानन्यायाधीश सिफारिस गर्नुपर्ने संविधानमा उल्लेख छ ।
६ महिनाअघि प्रधानन्यायाधीशका लागि जोशी संसदीय सुनुवाइबाट अस्वीकृत भएका थिए । त्यसपछि राजीनामा दिन्छन् भन्ने धेरैको अड्कलविपरीत जोशी सर्वोच्चको न्यायाधीशकै रूपमा जागिरमा फर्किए ।
न्यायाधीशका रूपमा काम गर्न संविधानले नरोकेको भन्दै उनले नियमित काम गरे । सर्वोच्च अदालतमा अहिले उनी र राणा मात्र प्रधान्यायाधीश हुन योग्यता पुगेका न्यायाधीश छन् । सर्वोच्च अदालतको न्यायाधीशका रूपमा तीन वर्ष काम गरेको व्यक्ति प्रधानन्यायाधीशका लागि योग्य हुने संविधानमा उल्लेख छ । न्यायपरिषद्ले संवैधानिक परिषद्मा पठाएको सूचीमा जोशीबारे संवैधानिक परिषद्बाट यसअघि अस्वीकृत कैफियत पनि उल्लेख भएको छ । यसअघि अस्वीकृत भइसकेकाले पनि फेरि उनका बारेमा संसदीय समितिमा छलफल नै नहुने भएकाले पुस १६ पछि राणाले प्रधानन्यायाधीशका रूपमा न्यायालय सम्हाल्ने बुझिएको छ ।

 

Leave a Reply

... र यो पनि ...

चक्रपथ

बुधबार २४औं वर्षमा

ShareTweet काठमाडौं । आजबाट बुधबार साप्ताहिक २३ वर्ष लामो यात्रा पूरा गरी २४औं वर्षमा प्रवेश गरेको छ । मिसनसहितको जनपक्षीय पत्रकारिताको आवश्यकता पूरा गर्दै अघि बढेको- ...
पूरा पढ्नुहोस्

स्रष्टा र सिर्जना

पछ्याउँदै आधुनिक कला

ShareTweet नेपालमा आधुनिक चित्रकलाको जग बसाल्न एकाध कला–शिल्पीको मात्रै सक्रियता छ । अग्रज कलाशिल्पी मदन चित्रकार पनि तीमध्ये एक हुन् । विश्वमा आधुनिक चित्रकलाको- ...
पूरा पढ्नुहोस्

नयाँ पुस्तक

तिखारिएको सिर्जना

ShareTweet हरेक मानिसमा देश–प्रेमको भावना सल्बलाउनुपर्छ । देशलाई प्रेम गर्नुको अर्थ हो– आफ्नो भूगोल, आफन्तजन र परिवेशलाई माया गर्नु । हुन पनि हामीकहाँ देश–प्रेमको- ...
पूरा पढ्नुहोस्

छोटकरीमा