27th May 2020, Wednesday

E-budhabar
Header Right Side NTC Advertisement

सामान्यका कर्मचारीहरूको बिन्दास टुर

काठमाडौं । सिंगो मन्त्रालयलाई नै रित्तो तुल्याएर संघीय मामिला तथा सामान्य प्रशासन मन्त्रालयका कर्मचारीहरू विदेश भ्रमणमा निस्किएका छन् । एक हप्ताको अवधिमा सो मन्त्रालयका ४७ कर्मचारी विदेश गइसकेका छन् भने यो वर्षभित्र करिब २ सय कर्मचारी विदेश जाने सूचीमा चढेका छन् ।
सो मन्त्रालयका ६ सहसचिवमध्ये तीन जना अहिले विदेशमै छन् । अरू तीन जना सहसचिव पनि विदेश गएका सहसचिवहरू फर्किएपछि विदेश जाने तयारीमा छन् । कर्मचारीहरू पालैपालो विदेश भ्रमणमा जाने क्रम बढे पनि ‘सुशासन कायम गर्न सक्षम’ ठानिएका मन्त्री लालबाबु पण्डितले पनि कर्मचारीहरूको विदेश भ्रमणप्रति कुनै चासो देखाइरहेका छैनन् ।
गएको आइतबार मात्रै सहसचिव रुद्रसिंह तामाङको नेतृत्वमा आठ जना कर्मचारी फिलिपिन्स उडेका थिए । फिलिपिन्समा आयोजित एउटा कार्यक्रममा भाग लिन एक हप्ताका निम्ति ती कर्मचारीहरू गएका हुन् । त्यसो त मन्त्रालयको प्रशासन महाशाखाका सहसचिव तामाङ धेरैपटक विदेश भ्रमण गर्ने कर्मचारीमा गनिन्छन् । यसअघि काठमाडौं महानगरपालिकाको प्रमुख कार्यकारी अधिकृत हुँदा उनले एक वर्षमा २८ पटकसम्म विदेश गएर रेकर्ड नै कायम गरेका थिए । सहसचिव तामाङसँगै मन्त्री पण्डितको निजी सचिव रमेश अधिकारी पनि फिलिपिन्स गएका छन् ।
केही दिनअघि नै मन्त्रालयका सहसचिव भूपाल बरालको नेतृत्वमा १८ कर्मचारी दक्षिण कोरिया उडेका छन् । सहसचिव बरालसँगै जानेहरूमा शाखा अधिकृतद्वय खिलराज राई र रवीन्द्र थापा पनि छन् । राई त यस्ता भाग्यमानी कर्मचारी हुन्, चीन घुमेर फर्किएलगत्तै उनी कोरियाका लागि उडेका छन् । राई एक हप्ताअघि मात्रै चीन भ्रमण सिध्याएर आएका हुन् ।
केही कर्मचारी चीन घुमेर आएको एक हप्तापछि नै अर्का सहसचिव पुरुषोत्तम नेपालको नेतृत्वमा अर्को टोली केही दिनअघि नै चीनतिर उडिसकेका छन् । सहसचिव नेपालको नेतृत्वमा २१ कर्मचारी चीन गएका छन् । अहिले तीन जना सहसचिवको नेतृत्वमा ठूलो संख्यामा मन्त्रालयका कर्मचारीहरू चीन, फिलिपिन्स र कोरिया गएर फर्किएपछि अरू कर्मचारी पनि विदेश जाने तयारीमा छन् । यो वर्ष मात्रै करिब २ सय कर्मचारी विदेश जाने तयारीमा लागेका छन् ।
कर्मचारीहरू विदेश भ्रमणमा जाने क्रम बढेपछि प्रधानमन्त्री कार्यालयले विदेश भ्रमणमा जानबाट रोक लगाएका थिए । तर, सामान्य प्रशासन मन्त्रालयका कर्मचारीहरू भने विदेश भ्रमणको मापदण्डबिनै आफूखुसी विदेश उडिरहेका छन् । मन्त्रालयका अरू कर्मचारीहरूले विदेश भ्रमणको मापदण्ड बनाउन पटकपटक ताकेता गरे पनि उच्च तहका कर्मचारीहरूले भने मापदण्ड नबनाई विदेश उड्न रुचि देखाउँदै आएका छन् ।

 

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...