16th February 2019, Saturday

E-budhabar

अराजक कर्मचारीलाई अपायक



काठमाडौं । अराजक र उच्छृंखल गतिविधि देखाएपछि नेपाल विद्युत् प्राधिकरणको आधिकारिक टे«ड युनियनका वरिष्ठ उपाध्यक्ष उमेशकुमार साहलाई सरुवा गरिएको छ । साहसँगै अरू दुई जना अराजक कर्मचारीको पनि सरुवा भएको छ ।
केही महिनापूर्व वरिष्ठ उपाध्यक्ष तथा प्राधिकरणको राजविराज वितरण केन्द्रमा कार्यरत लेखापाल साहलगायतले जनकपुर क्षेत्रीय कार्यालयका प्रशासन प्रमुख सर्वजित चौधरीमाथि हातपात गरेका थिए । आफूले भनेको कुरा चौधरीले नटेरेपछि साहलगायत कर्मचारी चौधरीमाथि खनिएका थिए । अराजक गतिविधि देखाएको भन्दै प्राधिकरणले उनलाई सरुवा गरेको हो ।
केही दिनअघि प्राधिकरणले कर्मचारी सेवा नियमावली २०६२ (संं.स.) को विनियम ३८ को उपनियम (२) को (क) र (ख) को हवाला दिँदै साहसहित तीन जना कर्मचारीको सरुवा गरेको हो । साहलाई राजविराजबाट म्याग्दी वितरण केन्द्रमा सरुवा गरिएको छ । यसैगरी, अराजक गतिविधिमा संलग्न रहेको भन्दै प्राधिकरणले जनकपुर क्षेत्रीय कार्यालयका मिटर रिडिङ सुपरभाइजर अमरेन्द्रकुमार सिंहको पनि सरुवा भएको छ । उनलाई गुल्मी वितरण केन्द्रमा सरुवा गरिएको छ । मलंगवा वितरण केन्द्रका सुपरभाइजर जगदीश साहलाई भने पाँचथर वितरण केन्द्रमा सरुवा गरिएको छ ।
यसैबीच, प्राधिकरणमा पूर्वएमाले र माओवादी केन्द्रको कर्मचारी संगठनबीच एकता भएको छ । गएको शनिबार कर्मचारी युनियन र राष्ट्रिय कर्मचारी संगठनबीच एकता भएको हो । एकतापछि १ सय ४९ सदस्यीय केन्द्रीय अधिवेशन आयोजक समिति गठन गरिएको छ । सो समितिको संयोजकमा रामेश्वर पौडेल र सहसंयोजकमा खगेन्द्र शाही चयन भएका छन् । सो समितिमा पूर्वएमालेबाट ७५ र पूर्वमाओवादी केन्द्रबाट ७४ जना सम्मिलित रहेका छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

ढुंगा खानी ‘बन्द गराउन’ प्रदेश सरकारलाई ध्यानाकर्षण

ShareTweet हेटौंडा । भीमफेदी गाउँपालिकाकी उपाध्यक्ष पार्वती रानाले भीमफेदी गाउँपालिकामा रहेको सिमेन्ट ढुंगा खानी बन्द गराउन प्रदेश सरकारलाई ध्यानाकर्षण गराएकी- ...
पूरा पढ्नुहोस्

स्रष्टा र सिर्जना

प्रशंसाको भागीदार बन्ने अवसर

ShareTweet स्थानीय तहको निर्वाचनपछि जनप्रतिनिधिहरूले स्थानीय सरकारको बागडोर सम्हाल्न थालेको करिब दुई वर्ष पुग्न लाग्दै छ । करिब–करिब आधा समय व्यतीत गरिसक्नै लाग्दा- ...
पूरा पढ्नुहोस्

नयाँ पुस्तक

बहुआयामिक सिर्जना

ShareTweet कुनै समय साहित्य वृत्तमा मुक्तक विधाले राम्रै स्थान पाएको थियो । मुक्तक विधाको ‘चार्म’ यति धेरै थियो कि काठमाडौंमा नभए पनि पोखरा, धरानजस्ता सहरका साहित्यप्रेमीहरू- ...
पूरा पढ्नुहोस्

छोटकरीमा